احبة الشعر مرة اخرى بينكم
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
هلا ياطلة الصبح الجميل وروعة التصوير
هلا ياضحكة الطفل الصغير بشوف خلاّنه
هلا يافرحةً اسف عجزت القى لها تفسير
لك الله ماسوى طفلً شدى بالعيد بالحانه
تعالي وين احطك والاماكن كلها تقصير
تعالي وين اشيلك ياعمارً ثبت اركانه
احطك وسط شرياني اخاف انك علّي تغير
من الدم الذي ربي عطان اياه سبحانه
اشيله لو حصل والله واقول انّي فمان وخير
انا دمي واحاسيسي معاك ارتبطت اوطانه
هوى راسي دفى روحي سما ارضي لي التنوير
بحر عمري مع المركب مع الدفه وربانه
انا وعيونك الحلوه قبل عرفك مع التغيير
مثل ماغّير ثيابي واغير دايم الوانه
انا واهدابك النجلا بعد عرفك حرم تفكير
مثل ماحّرم المفتي شراب الخمر بالحانه
طلبتك وتركي هجرة عصافير الفرح والطير
تعالي واسكني قلبي تراك اهله وسكانه
ياشيخه لعنبو حيك غيابك ماله التبرير
سوى طعنت ظهر تقطع معاها القلب والسانه
لك الله طلتك عندي شعورً خانه التعبير
يبي يضحك فرح لجلك بكى من عمق وجدانه
واحس اكثر من الفرح بعيون اللي رجع للسير
بعد ماشلّت اطرافه وخان الوقت بعوانه
هلابك للسهر منفى هلابك للخطا تكفير
هلابك للتعب راحه هلابك للفرح خانه
هلابك والعذر منّك اماكن خانه التقصير
نست من فرحها فيكم تقوم وترمي احزانه
,,,,,,, [/poem]اخوكم
مانع الخالد
رد مع اقتباس
مشرف مضيف الترحيب والتعارف
المفضلات