[poem=font="Simplified Arabic,4,blue,normal,normal" bkcolor="transparent" bkimage="backgrounds/3.gif" border="solid,4,darkred" type=0 line=0 align=center use=ex num="0,black"]
(( ماكل ما يطري على البـال ينقـال ))
ماكل ما يطري على البـال ينقـــال **** ولاكل شاعر يكتب البيـت بالصـح
ولاكل من يركب على الخيل خيــال **** ولاكـل فـارس للمسـاطيـر يذبـــح
وياما رجـال(ن) بالفـعل تازن جبـــال **** ماتوا وخــلوا فعلهـم علـم يطـرح
ودمع الرجل لاتحسبه ضعف لا سال **** مـوقف يهــز جبال والجـوف يقـدح
وصمت الرجل هيبه ولا فيه مفصال **** وكثر الكلام يقلـل القــــدر ويجـرح
والخبل خبل(ن) لو فعل فعل وافعـال **** لاتامنه سرك ترى الخبـل يفضــح
وناس(ن) خلقها ربنا اطباع واشكــال **** هذا تعيــس وذاك يـا صـــاح يفـرح
احد(ن)يشيل احزان وهموم(ن) ثقال **** واحد(ن) يشيل افراح والهم ينـزح
وحســك تقول الله لو عندي امــوال **** لفعل واســوي مـا تمنيـت وانجـح
لاني كريم(ن) يعطــي امـوال بهبـال **** ولاني بخيل القوم في لقمتـه شـح
لو الزمن يمشي على مشتهى البال **** محد(ن) شقى بدنياه والكـل يفلـــح
ولا تشتكي حضك على الناس لا مال **** شكواك للي يجعل الحـــض يصلــح
ولاترسم الضحكــه على كـل مــّـوال **** ضحكك بليا اسبـــاب للقلـب يذبـــح
وماكل شخص(ن) يكتب البيــت ينقال **** شاعر يصب القاف في وزنه الصــح [/poem]
((( مـــــنـــــقـــــول ))) أخوكم /// البلوي
رد مع اقتباس
المفضلات