[ALIGN=CENTER]
وينـك البـارح فديتـــك ..!؟
جيـت فعيــونك أنـــام .. ومالقيتـــك ..
القهر قـــدّام بيتــــك ..
والسهــر ماهـان .. جيتـك
كانت الليلـه زحـام
وانت غارق فالظلام .. في دهاليـز الكلام .
كيف أنــام ..؟
غبـت .. والزحمـه شوارع
ماعثـرتـك .. كنت ضايـع
كانت جروحك مدينـــه
ياكبر هـم المدينــه ..
تنــزف أحزان ومواجع ...
نظرة السكه حزينه ... وانت راااااااااااجع
لين أقبلـْـت .. ولمحتـك !
ماسألتـــــك :
وينــك البــارح فديتـــــك ..
جيت فعيونك أنام ... ومالقيتــك !!؟
كانت اللهفــه طريــق
وشفـت بحرك مو غريق
كنت جالـس تبتسم لـي
حتى جرحك التفت لي
وقالها بينـك وبينـي :-
( بــس تكفى لاتضيق .. \ .. لاتضيـق )
كانت البسمـه خـداع
وجـــه يشبــه للقناع
حلـم أشبه للضيـاع ..
وجرح ماودّه يفيــق ..
وينــك البــارح فديتــك ..؟
جيت فعيونك أنااااااااام ...
ومالقيتــك !!
ماخطينا في مسافتنا عبـث .
من زرَع وصلـك حـرث .
بين ورد الروح شوك يجرح الخطوه وداع !
قلـب يتحطـّم وباع ..
انجرح حــد العبـــث !!
كنت في آآآآخـر طريقـي
واسألـك : باللــه وينك ..؟
شفـت حلمـي مو حقيقــي
لكن عيونـي بعينـك
ادري اني بيـن ضيقـــي
وانــت عايشها سنينــك
كانت جروحــي تبيــك ..
وكنت ..\.. اسألنـي عليـك :-
وينــك البــارح فديتــــك ..؟
جيـــت فعيونــك أنـام .... ومالقيتـــك !!
*
*
*
[/ALIGN]
[poet font="Simplified Arabic,6,white,bold,normal" bkcolor="black" bkimage="" border="double,30,black" type=0 line=200% align=center use=ex length=0 char="" num="0,black" filter=""]
مالقيتـك .. كان دربـك في عيـون الليـل كذبــه
رحت أزورك في خيالـي بعثرت همي كآبــــه
*
حلـم قاسي كان مُـتعــب..\..كانت الأيام صعبـه
كـان واقعنـا يحتــــّـم نحلمــــه مابيـن غابــــه
*
ياحلاتـك في سنينـي كنــت تشعلنـي محبــــــه
كنت فـارس ينتشلنــي من مخاليــب الذيابـــه
*
ماوفيتــك .. لوفديتـك روح \ واحزان \ وأحـِـبــه
ماعطيتــك لو وهبتــك عشـق وأيــام وصبابـــه
*
جيت للذكــرى تبـرّر للأمـل مليـون سِــبـــه
طيفـك الليله لفاني واشعـل شمـوع الكتابـه
*
ياهـلابـك ياهـلابــه .. لبـّى قلبـك لبـّى قلبــه
ليـه غيّـبــت الأمانـي و مات حلمـك في شبابــه
*
ماوحشـك الصـدق ؟ والا ّ.. كنـت غارق بين كذبـه ؟
والاّ بعثــرك الزمـان والأحاسيــس اتشابــــــه
*
مالقيتـك .\. مالقيتـك .. مر طيفك .. كان أشبــه
من ملامح ذكرياتي وغاب في ليلة سرابــه
*
وينــك البارح ؟ نسيــت .. والا ّ مادلــّيــت دربــه
قلبي مامل انتظـارك جيت مادقيــت بابـــه
*
درب قاسي ليل مُـتعـب .. ضحكة الاحلام كذبـه
لولقيـتـك مالقيتــك ...... حلم صحــّاني عذابـــــه
[/poet]
رد مع اقتباس
المفضلات