مفردات القاموس النجدي الرائع .. تفضلوا بالمشاركة..

[السبيعية]

[ALIGN=CENTER]
منطقة نجد هي المنطقة الوسطى بالمملكة العربية السعودية.. ولكون المملكة مترامية الأطراف فإن لكل منطقة لهجاتها ومفرداتها
ومفردات أهل نجد مشتركةفي أغلب مفرداتها بين أهل الرياض والقصيم وحائل وأهل البادية
وقد جمعت بعض هذه المفردات المتداولة على الألسن ..

ومن لديه المزيد فليتفضل مشكوراً

هقوك .. تهقى : تظن

أبخص : أدرى

يباري : يحرس

ييزي : يكفي

يبتل : يستمر

أبرك : أفضل وأحسن

يَبْحَل : يحتار

طمنت .. تطامنت : انزلت

الساس : الأساس

هضل : رجع وعاد

سفهته : تركته

الطايه .. الطوايا : السطح

عبس : نوى التمر

عزي : تقال للتحسر

حبحر : الفلفل


مارأيكم .. أليست مفردات رائعة..
ولكم الشكر مقدماً .. على التواصل

[/ALIGN]

[راعي الوقيد]

هلا والله بالسبيعية ،،،

يالله حيــــــــــــــه من ممشاه الى ملفاااه ،،،

بالفعل الأخت السبيعية مفردات راااااااائعة ،،،

وننتظر منك المزيد خاصة بمضيف القصة والقصيدة والموروث الشعبي << دعاااااااية

والأكيـــــــــــــــد إن السبيعية عنده من العلوم والقصيد اللي يسر الخاطر ،،،

لك التحيــــــــــــــــة ...

[حمود العنزي]

مشكوره اختي السبيعيه الله يعطيك العافيه

بس فيه خطأ بسيط

ابتل = معناها لف

ابتل يمين ما نقول ابتل طوالي

واكرر شكري لكي اختي الكريمه

تحياتي لك

[الاصمعي]

[ALIGN=CENTER]

مارأيكم .. أليست مفردات رائعة..
ولكم الشكر مقدماً .. على التواصل

[/ALIGN]

الا رائعة ولك الشكر يابنت سبيع الغلبا

الا هالكلمة متأكدة من معناه!
(يباري : يحرس) لأني حسب عرفي وكلٍ يجيب عرفه ان يباريه يعني يسير بجانبه كما في المثل الشعبي (مباري العريس) أي الذي يمشي بجانب العرّيس بدون فائدة:wink:

أما ملاحظة أخي حمود عن كلمة أبتل فأنا أرى رأي الأخت السبيعية بأن معناها أستمر.

تحياتي

[شموخ]

يالله حيّ السبيعيه ياهلا بسبيع الغلبا

صراحه موضوع حلو .


بعطيك كلمات بدويه تستعمل في نجد وباقي المناطق لاأعلم عنها يمكن يعرفون معناها بس الاكيد البدو يعرفونها .

أحشم بحشمتهم : أكرم باكرامهم ومثل اللي يقول لجل عين تكرم مدينه .

انحر : اقصد

انكس: وهذه اكيد شمر يعرفونها يستخدمونها هنا بكثره يعني ارجع .

اضرب على الكايد : اقتحم الصعاب والشداد " ماهو الشداد اللي يحطونه بالخيام وبيوت الشعر ويتكون عليه .

بالعون : يعنى اي والله مثل القسم

بلايه : مصيبتي .

تقهويت : شربت القهوه

تودر: يعني ابتعد عني .

خانة الدنيا : فائدتها ومنها قول ابو بندر في احدى قصائده

وش خانة الحب البعيد إن كان عشاقه يموت ........ يخيل برّاقه وهو ماذاق طعمه واحتسى

وش فائده الحب البعيد يقصد .

دله : بمعنى سلا

ربعنا : رفاقنا ومنها قول الشاعر سعود بن بندر

قلت وين ربوعنا قالت سلوا ....... وكشرت في وجهي رمال عطاش
شالوا الدنيا معاهم وارحلوا ........ لاعلوم ولا سلوم ولابقـــــــــاش

شوفته : بمعنى رؤيته
ومنها قول الشاعره
لو بغيت الوصل لو عدة دقايق .......... عاقني عن شوفتك يازين عايق

الفطر الشيب : الابل المذلله المروضه زمنا طويلا على السير بمعنى اللي متعوده على الغارات ايام البداوه ومنها قول شليويح العطاوي

الحمد لله ماعشقت الرعابيب .......... مدري طبع أو مبعدتني قلاعه
خاويت شبّان على فطر شيب ............ كم مارد جيته تعاوى سباعه

هنا شليويح يفخر بانه لم يعشق البنات " الرعابيب " وانما عشقه واخوته للشباب الشجعان الي على الفطر الشيب .

لابة : المقصود بها جماعه ومنها قول خالد الفيصل في رثاء والده الملك فيصل

نم هاني العينين حنا تبعانك ......... والدار فيها لابة مالهم نوم

المناعير : الرجال الكمل او الشجعان
النشامي : ايضا بمعنى الشجعان

مايدوس الباغي حدود البلاد ......... والنشامى باقي منهم ولد

لانيب : لست او لاانا

ولانيب ندمان على كل مافات ......... اخذت من حلو الزمان ورديه
هذه حياتي عشتها كيف ماجات......... اخذ من ايامي وارد العطيه



اتمنى اكون افدتك ولو بشئ قليل .

تحياتي لك
شموخ

[مجد]

[align=center]

[grade="DC143C FFFFFF DC143C FFFFFF DC143C"]ياسلااااااااااام موضوع رايع <<< رائع

اولا / حيا الله اهل الغلبا في ديار شمر

الكلمات النجدية
دوك ....... خذ
وراك .... وش بلاك

حليل ...... طيب
جدعته ...... رميته



مع ارق تحية
المجد

[/grade]



[/align]

[اخو سعدى]

[align=center]موضوع جميل ..
ولكن تقارب اللهجات في نجد , تجد انه
لا يوجد اي فرق بينهم ..


الاخت / المجد

غلبا ,, هذه لشمر ..
اما سمعت قول الشاعر ..

صوتي وراء رفحاء وانادي حايل وسنجار
معك ( غلبا ) يجون بصوت واحد والعمر .

شكرا للكم ..[/align]

[مجد]

[align=center]

[grade="DC143C FFFFFF DC143C FFFFFF DC143C"]


السلام عليكم
اخو سعدى .. مع التحية
الغلبا لسبيع وليست لشمر



بعدين قبلي شموخ والاصمعي قالوا الغلبا
يعنى حكمت على المجد ع ما يبدوا انك نسيت النظاره
لا اله الله عليك

شموخ
يالله حيّ السبيعيه ياهلا بسبيع الغلبا

الاصمعي
الا رائعة ولك الشكر يابنت سبيع الغلبا

مع ارق تحية
المجد

[/grade]



[/align]

[اخو سعدى]

[align=center]المجد

غلبا من صفات شمر ومعروفه بينهم وعند الكل
وهذا ليس كلامي بل كلام الجميع

يسلمووووووو[/align]

[شموخ]

http://al3needm.][/align]

ول عليك ياخو سعدى ياطماع هذه لسبيع معروفه عنهم سبيع الغلبا تقال لعموم سبيع وحسب معرفتي البسيطه عنهم ان لهم عزاوي تخص بعض الافخاذ منهم مثل عايلة ابو اثنين عزوتهم خيال العشوى وانا ابن علي

خيالة العشوى على الخيل فرسان .......... ترعى لهم وضح زهتها السفيفه
ترعى جنيّح والغبايا وساقان ......... وترعى من المسلوف لاقصى الحتيفه
ربع ليا صاحوا على الحق عيان ......... وبالحرب تفرق غالي من وليفه

هذه قيلت في محمد ابو اثنين وابوه مطر ابو اثنين من اشهر فرسان الملك عبدالعزيز ومن السواعد المقربه للملك عبدالعزيز ومحمد شارك في معركة الطائف وشهد فتح الحجاز مع الملك فيصل في عهد الملك عبدالعزيز

تحياتي
شموخ