[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قصيده رثاء بالوالد رحمه الله 00
(( قالو توفى ))
قالو توفى قلت ربي يغفرله = في رحمة الرحمان منزل كتابه
حكم القدر وافي على الناس كله = والمؤمن المسلم بحكمه رضابه
الشعر عزاني على موت خله = جاني يعزيني .. وسود(ن) ثيابه
وشمر تعزي كل حايل .. مغله = حايل حزينه والطنايا .. بذهابه
فقيدة(ن) تحسب على الناس والله = كل الطنايا فاقدين(ن) .. غيابه
كل(ن) يقول انه على جال .. مله = ربعه .. واهل حايل .. بعيد .. وقرابه
مرحوم ياعود(ن) به الطيب .. كله = باع وشرا بالطيب قام .. ومشابه
رجل(ن) وقف بالطيب دقه .. وجله = طيب(ن) ماهو توه من أول .. شبابه
اللي شمخ بالمرجله راس تله = مثل الجدي .. وسهيل .. كل(ن) درابه
علمه رقا لين اعتلا .. بالمطله = كل(ن) شهدله طيب .. حضرة جنابه
عسى السحايب فوق قبره .. تهله = يسقي بها قبره .. ويسقي ترابه
تنثر مطرها والنصايب .. يبله = في كل يوم(ن) فوق قبره .. سحابه
بضلال رب البيت ماغير .. ضله = ضلاله ذراء ياسعد منهو لجابه
لاتواخذ الشايب على كل .. زله = يالله بدل زلته في .. ثوابه
انت الرحوم ورحمتك مانمله = راجيك تقبل دعوة(ن) .. مستجابه
في جنة الفردوس ينزل محله = في جاه عرشك يدخل العود .. بابه
يالله يالمعبود جعلك .. تحله = ارجوك حله لا تزيد .. اكتأبه
اطلب له الجنه وكبده .. تبله = بحماك عن نار الجحيم .. وعذابه
يالله ياللي كل عقده .. تحله = بمرك تفك اعقودها .. من نشابه
قالو توفى قلت .. الله يغفرله = ماخاب من يرجيه منزل .. كتابه
خليف الجهيلي [/poem]
رد مع اقتباس
المفضلات