[align=center]بدون أي مقدمات
رائعة
فهد المساعد [/align]
[align=center]ناس فوق .. وناس تحت [/align]
[poem=font="Simplified Arabic,4,white,normal,normal" bkcolor="black" bkimage="" border="double,4,gray" type=1 line=0 align=center use=sp num="0,black"]
صعب لا منّك فشلت ... وصعب لا منّك لقيت=
إن من يكره نجاحك .. يدري أنك ما نجحت
أمس ضقت .. ورحت أقلّب ذكرياتي .. وانتهيت=
عند صورة طفل صوته مثل صوتي لا إنجرحت
وش مثل ؟ لا والله الا هذا أنا يوم ابتديت=
انطق حروف تلعثم في لساني لا انمدحت
هذا أنا يوم الحياه افنظرتي عشرين بيت=
ومسجدين ومدرسه من طين كم فيها اصطبحت
هذا أنا .. وأصبحت اتمتم: ( هذا أنا ) حتى بغيت=
اختنق .. بس القدر عيّا على موتي .. وطحت
وصاح الطفل فيني : انت من وين ارتميت=
قلت انا المستقبل اللي فيه كم همت وطمحت
امس كنت ابيك تكبر .. بس والله لو دريت=
اني اللي عشت لجله .. مت عندك واسترحت
لو دريت ان الزمان يجر رجلي ما عديت=
ولو دريت ان البحور بلا مواني ما سبحت
كان دربك لي طويل .. وكل ماشفتك هويت=
قلت لك كبوة جواد وماكبيت الا وجمحت
ليه تسمعني وتمشي .. آه ليتك مامشيت=
وآه ليتك من كثر عثرات الأيام انتصحت
ضاعت أحلامي وضل الحزن فيني واهتديت=
للطريق اللي يوديني على دمعي ورحت
يالحزن ليتك مثل دمعي وتنزل لارقيت=
بس اعرفك لو مسحت الدمع تبقى ما انمسحت
كان حلمي في وجود انسان يبكي لابكيت=
وصار حلمي في وجود انسان يفرح لافرحت
كنت اشوف الناس مثلي كل ماجعت وظميت=
مادريت ان الأوادم ناس فوق وناس تحت
آه يأول ذكرياتي .. خذني افحضنك نسيت=
لاأسألك عن وجه ابوي اللي معه ياما سرحت
خذني افحضنك ابغفى .. يا آه مبطي ما غفيت=
وأن لمحت دموع عيني .. سو نفسك ما لمحت
خذني افحضنك وبعثر في جروحي .. وأن قضيت=
هز لي كتفي وقلي : عيب تبكي لو سمحت
أضحك ... وعلّم زماني من أنا .. ومن وين جيت=
طق باب الحزن وأصرخ فيّ لامنّي فتحت
وضمني يمّك ... وكمّل ضحكتك لا من بكيت=
ودي اذكر كيف كانت ضحكتي .. لا من فرحت
الرائع / فهد المساعد [/poem]
رد مع اقتباس
[align=center]
المشاركة الأصلية كتبت بواسطة ابو فارس
المفضلات