تعاهدنـــا على الحلوه وقبـل الحلــــــوه المــــرّه
تسامرنا ألين الصبح(غمز)يستـــــأذن الجيّـــــــه
قضينا منلف ليلــــه ليل نسينا العـاذل وشــــرّه
عطاني مرهف أحساسه وعطيته صادق النيــه
وهبته دفتر أســــراري وهوطّوحـــلـي بســـــرّه
مثل ماطوح الشيلـه بساعـة قلـت ياحيّـــــــــه
خذينا من المسا ليله وسرقنــا من البحـر درّه
ركبنا مركب الشــوق وغفينا بحضنه شويّــــــه
أنا مالــومها لـــوهي بـزود الحسـن مغتـــــــرّه
جنت كل الحلا شهد(ن)ثمـل باولـــــه تاليّــــــه
تحدى شعرهــا والليل من اللي ينتظــــر بـــرّه
تقـــول أن الحــلا زيي أوانـي أعتبـــر زيّـــــــه؟
يتضايق رمشها السـاهي ألامن لامس الغـرّه
تشابه مهرة الشيخ وخذت كاس الفروسيــــه
وجرتها لو بتنضح بتنضح تــــوت هالجـــــــــرّه
رومانسيــه حدايقهــا وأغانيهــا رومانسيــــــه
توادعنــا علىالحب وتواعدنـــا علـى الكـــــرّه
معاي أشواق تسبقني ومعاها أحلام ورديّـــه
نسيت أقسملها أني علىالحلوه وعلىالمرّه
لأن الصبح أحرجني (غمز) يستـأذن الجيّــــه
أخــوكــم// مـحـمــد الـعـيــاده
__________________
رد مع اقتباس
المفضلات