[align=center]السلام عليكم ورحمه الله وبركاته
صباح الخير
اتمنى يعجبكم الموضوع
الطرق سهله جدا حتى نملك قلوب الناس ونخليهم يحبوننا من مننا ما يبي هالشي هذا
خلونا نبدأ نطبق الخطوات عددهم 12 خطوه
الخطوه الاولى : افشاء السلام
اول ما تشوف شخص تعرفه ما تعرفه مو مشكله قوله السلام عليكم ورحمه الله وبركاته اقسم بالله هي اللي تفتح الطريق لك لهذا الشخص راح تكون اول خطوه وكلنا يعرف الحديث عن رسول الله صلى الله عليه وسلم (( لا تدخلوا الجنة حتى تؤمنوا ولا تؤمنوا حتى تحابوا او لا أدلكم على شيءٍ إذا فعلتموه تحاببتم افشوا السلام بينكم))
وقوله صلى الله عليه وسلم(( ثلاث من جمعهن فقد جمع الايمان :الإنصاف من نفسك وبذل السالم للعالم والإنفاق من الإقتار))
ان رجلاً سأل النبي صلى الله عليه وسلم أي الإسلام خير قال: ((تطعم الطعام وتقرأ السلام على من عرفت ومن لم تعرف))
من جد وش زينها لما تمر بشخص ما تعرفه وتسلم عليه لو قابلك مره ثانيه صدفه تشوفه يحاول يسلم عليك قبل ما تسلم عليه ليه ؟؟ لانه حبك بدون ما يعرفك..
الخطوه الثاني : الابتسامه
لا قابلت احد لا تكشر بوجهه او تتأفف منه ابتسم بوجهه خله يحس انك مرتاح بشوفته وكلنا نعرف الابتسامه بوجه اخيك صدقه ما راح نخسر شي لما نبتسم بوجهه بصراحه...
الخطوه الثالثه : محبه الخير للناس
كلنا حافظين وعن ظهر قلب هالحديث عن رسول الله عليه افضل الصلاه والتسليم((لا يؤمن احدكم حتى يحب لاخيه ما يحبه لنفسه))
بصراحه الحديث كفى ووفى ما اقدر اضيف حرف بعده...
الخطوه الرابعه : اختيار الكلام والالفاظ
لا خاطبت شخص خاطبه باطيب الكلمات وارق الالفاظ خاطبه بأدب المخاطبه لا ترفع صوتك وانت تكلمه كلمه بصوت مسموع ولا تسرع بكلامك وما يفهم عليك ويمكن يمل حديثك تكلم بهدوء وخذ راحتك معه وانت تتكلم..
الخطوه الخامسه : النصيحه
اذا شفت منه شي تنصحه لكن لا تنصحه امام الناس لانها تفهم احيانا كانك تحرجه خذه بمكان بينك وبينه وقله يا فلان والله انا شفت منك كذا وكذا وحبيت انصحك وانببه للشي هذا يتقبلها منك وهو يبتسم لك بعد..
الخطوه السادسه : النيه
لما يكون صدرك واسع ويكون اللي داخله يتقبل كل شي بحسن نيه اح ينعكس هذا على تعاملك مع الناس راح تحس بمحبتهم لك سلامه الصدر ومافيه سبب وخطوه مهمه جدا..
الخطوه السابعه : التغاظي عن الاخطاء
لو شفت صديق لك والا اي شخص سواء عزيز عليك او لا اخطأ بحقك سوي نفسك ولا على بالك ولا انك داري ازعل عليه بس بينك وبين نفسك بس لا تحسسه بالشي هذا سامحه عن اخطائه تغاظى عنها..
الخطوه الثامنه : المساعده وقضاء الحوائج
لو طلبك شخص مساعده لو اللي طلب شخص عزيز عليك بتساعده بس لو ما تعرفه في الغالب ما نساعده ليه ما نجرب نساعده نبذل كل مجهودنا معه وان قدرنا ساعدناه وان ماقدرنا عاد امرها على ربك والله سوينا اللي علينا هالشخص هذا راح يحترمك ويحبك رغم انكم ما تعرفون بعض بس انك حبيت تساعده..
الخطوه التاسعه : شكر الناس
اعتقد واضحه اذا شخصك نصحك او ساعدك بشي واجب عليك انك تشكره...
الخطوه العاشره : حفظ المسلم والوفاء والعهد
تستر على اخوك المسلم تحفظ اسراره تحفظ امواله اذا حفظها عندك توفي له اذا وعدته بشي ولا تنقض العهد او تخالفه بينكم...
الخطوه الحادي عشر : احترام الكبير ورحمه الصغير
لا قابلت شخص اكبر منك بالعمر ناده خالي او عمي لا تقاطعه بالكلام او ترفع صوتك عليه لا تتذمر منه وهو يتكلم حتى لو كان كلامه جارح لك اسمعه ولا ترد خلك ساكت احتراما له سوي هذا ونفس الشي للصغير لا تستهزيء به او تستخف فيه لانه صغير ارحمه واذا شفت منه خطأ علمه وساعده....
الخطوه الثانيه عشر : الدعاء
دعاء المسلم لاخيه المسلم بظاهر الغيب من افضل الدعوات لما تقول فلان الله يذكره بالخير و.................................... وتجلس تدعي له فاكثروا منه
واللي يطبقهم وما تنجح معه انا المسئول
وبالاخير ااتمنى اكون كتبت شي مفيد
مع اجمل وارق التحايا
حمود العنزي[/align]
رد مع اقتباس
المفضلات