الهوتميل ,, أو جهازي اللي فيه البلا ؟؟

[الجازي]

أول شيء ,, بدا التصفح عندي ينعفس شوي >>>> يقال لها الحين تشخص حالة الجهاز ركزوا بس في الوصف

يعني اذا جيت أحرك الصفحة لفوق أو تحت سواء صفحة ويب أو صفحة وورد تتحرك ببطء وبمسافة كبيرة >>> وشلون أوصفها لكم ذي

بعدين اكتشفت إن الهوتميل بعد ماينفتح معي يعني اذا ضغطت على رابط الهوتميل تنفتح لي صفحة بيضاء ويطلع لي تحت في الشريط ,, تم ,, يعني لاتحترين يجيتس أزود من هالفتح المبين

ولا أقدر أدخل للايميل الا من الماسنجر ,, واذا دخلت من الماسنجر وانحلت القضية أطيح في مصيبة ثانية إني ماأقدر أرسل من إيميلي

عاد وش السالفة ؟؟ هل المشكلة في جهازي ,, يعني ظنكم فيه فيروس قاعدن يتمشى فيه وماخذن راحته أو الهوتميل منعفس بعد عند كل الشعب السعودي

أنتظر إجابتكم على أحر من صيف الرياض

ومعليش ترى خاصية التنسيق ماتشتغل عندي والا تسان حطيت لكم ألوان صاعقة تخليكم تعطوني الرد في موضوع جديد

شكري وامتناني لكل من ساهم وسيساهم في الفزعة لي ولجهازي المصون

[بدر الشمال]

الريم

استناداً للأعراض المذكورة أعلاه , فأن الجهاز يحتاج الى تحاليل أكثر وأشعة مقطعيه وطولية.
ربما المشكلة من الجهاز , ربما من الهوتميل .... ربما لا , من مين ؟

فأنا ماعندى أى مشكلة, اللهم ان المذكور (الهوتميل) لاتعمل روابطه الى ان يتم تحميل كامل الصفحة. وأظن هذا تغيير مقصود منهم.

هذا ربما ينفع, خاصة الردود الأربع الأولى
http://forums.theideaweb.com/t5072-3.html


ماهو اصدار الأكسبلور والوندوز عندك , عامة أنصح بعمل تحديث . والرى النهائى للمختصين ..
وجعل جهازك مايشوف شر .

وشكرا

[ابو خليف]

البلااااااااااااااااااا
من جهازك

[الجازي]

لا والله ,, شكل الجهاز فيه فيروس ناوي يقضي إجازة الصيف بوسطه

بدر الشمال وذيب شراف يعطيكم العافية على الفزعة ,, بروح أحوس في مواقع البرامج أدور لي برنامج يصيد فيروسي

تحيتي لكم

[الشمري محمد فهد]

[align=center]\/
|

ضاقت عليه مالقى إلا جهازك عاد :p

يا حوول شكله مديون وعليه اقساط هالمسيكين

*-_-_-**-_-_-**-_-_-*

شوفي اذا جهازك XP مشكلتك إحتمال تكون بالجافا ..

أو انك مركبة جدار ناري جديد أو حايستة -ن- إعدادت القديم <-(هممم .. |513| )

البطئ له اسباب منها كثرة البرامج اللي تشتغل او المنهارة أو دودة ( مو فايروس ) ... إلخ

على العموم ,,

إمسحي الملفات المؤقتة و امسحي المحفوظات أو الـ History , و جربي تدخلين ..

و ردي خبر ..

سؤال : المشكلة فجأة صارت لك .. ؟


[/align]

[ابو فارس]

شكري وامتناني لكل من ساهم وسيساهم في الفزعة لي ولجهازي المصون

اما جهازك فانا اشهد بانه صبور
شكلك حايسة الدنيا
المهم اكيد اللي فيه ماهو فيروس
لان الفيروس ما اظن يحوم حول جهازك
لكن المشكلة انك غيرت فيه شئ وانت ماتدرين
اقترح عليك عمل استعادة للنظام
تابع الخطوات التالية: -
ابدا
تشغيل
اكتبي
msconfig
تشغيل استعادة النظام
استعادة الكمبيوتر الى وقت سابق
التالي
بعدها يطلق مثل التقويم
اختاري تاريخ سابق ويكون بلون اسود غليظ
وتابعي لين النهاية
وان شاء الله يضبط معك

[الفاضي]

طااااااااااااااااااااااط


بروفسور الكمبيوترات وصل


بما انتس تعرضتي الهوتميل بموضوعتس فاكيد البلا من جهازتس
قولي ليش

لان الهوتميل ناس تعرف للكمبيوتر ماهو مثلتس ما يدري وين الله حاطه
وبعد ينطبق عليتس المثل الي طبعا ينطبق علي وهو ((عنز البدو وقعت بمريس))


فلذلك اعتقد بك اجزم عشرطعش بالميه ان المشكله من جهازتس او بالاصح منتس

لذلك حاولي تتذكرين وش سويتي به قبل يخرب وراح تعرفين المشكله<<<< يقال حل المشكله


تحيات البرفسور انا
طاااااااااااااااو

[سالم]

لاتدوخين راستس

ادخلي عن طريق الماسنجر
وانتهت المشكله

>>>>>>>>> متعاجز يشرح



ماننحرم

[حمود العنزي]

بصراحه اختي الريم ما فهمت شي من اللي قلتيه

بس اذا السبب فايروس فممكن اساعدك بالحمايه جهازك بنسبه 90%

بدون ما يحتاج فورمات ولا شي اختي

تحياتي لك

اخوك حمود العنزي

[الجازي]

القلب العاصف وأبو فارس ,,

يعطيكم العافية على الفزعة ,, أبشركم تم نقل الجهاز إلى غرفة العناية المركزة بالورشة وسيتم اكتشاف الخلل وإصلاحه بإذن الله ,, أو نقله إلى ثلاجة الموتى

<<<<<< تحاتسيكم من جهاز من العصر الحجري >>>>> قديمك نديمك وبس

الفاضي ,,

المثل ماينطبق عليك إلا بعد تغيير مسمى العنز بالتيس يعني تيس بدو طاح في مريس

تسلم عالمرور

سالم الشمري ,,

شكلك ماقريت المشكلة زين أقول لك دخلت من الماسنجر بس مايفتح لي الرسالة ولا أقدر أكتب رسالة جديدة

حمود العنزي ,,

تسلم أخوي على عدم الفهم وعموما لاتشغل بالك خلاص الخبز راح لخبازه

يعطيكم العافية على الفزعة