كنت أفكر ويش يعني فيك زايد *عن جميع الناس يوم اني ابيك

**ريم شمر** · 14-07-2004 09:39

كنت أفكر ويش يعني فيك زايد
عن جميع الناس يوم اني ابيك
,,,,,,,,,,,
من وأنا طفله وأنا قلبي محايد
مادريت اني ابيعه وأشتريك
,,,,,,,,,,,
كل سهل دون حبك صار كايد
وكل كايد تزهله لمسة يديك
,,,,,,,,,,,
مالبست الا مسابيحك قلايد
ماكحلت الا عيون تحتريك
,,,,,,,,,,,
ماسكت الا اذا فـ صمتي فوايد
ماحكيت الا اذا سولفت فيك
,,,,,,,,,,,
واخفى اسمك لاقريته فالجرايد
من كثر مااغير ياقلبي عليك
,,,,,,,,,,,
والهلال ان هل مااحد به يعايد
يحسبونه حاجب من حاجبيك
,,,,,,,,,,,
قلت لي بجيك وثيابي جدايد
راحت اعيادي وحنا نحتريك
,,,,,,,,,,,
جيت احبك وأبدع بيوت القصايد
قلت يمكن هالذي جاني يجيك
,,,,,,,,,,,
ليه أفكر ويش هاللي فيك زايد
يكفي اللي زايدك كوني ابيك
,,,,,,,,,,,
ريم

**الجازي** · 14-07-2004 13:00

رهيبة ياريومة وصح لسان قايلها

وعز الله انه صادق ,, يكفي اللي زايدك كوني أبيك

كل الشكر لك يالحبيبة

**العنيدة ملاك** · 14-07-2004 13:24

ماسكت الا اذا فـصمتـي فوايـد
ماحكيـت الا اذا سولفـت فـيـك

صدق من قاله صح لسانك ريم
ويعطيك الف عافيه

اختك ملوووووكه

**سلطان الشمري** · 14-07-2004 18:50

[align=center]ريم:

اول مره ادخل هنا بسبب عنوان الموضوع:رااااايق

ودخلت حصلت قصيده:غيرررررر شكل/والله روعه..

وكثري من هالاهداءات المجنونه والحلوه..

احترامي [/align]

**ريم شمر** · 15-07-2004 04:23

[align=center]هلا والله وغلا بالريم شيخه الحريم

حياك الله وتسلمين على الجيه

العنيده ملاك

ااحب ارحب فيك في مضايف شمر

حياك الله نورتي مضيف الاهداءات واتمنى لك

الفائده والافاده

وشكرا لحضورك

نبراس

حياك الله اخوي

وتسلم على كلامك الطيب

وشكرا لحضورك

ريم[/align]

**الفاضي** · 15-07-2004 06:51

طااااااااااااااااااااااااااااط

ولد ولد ولد ولد

وش هالي انا اقرا هالحين

تصدقون عاد معي اني ما اعرف شي بالشعر ابد ابد وحتى الخواطر مالي بهن
اصلا انا من المحاربين لمضيف الشعر والخواطر لاني منقهر ما اعرف اقصد ولا اتسذب زي حقين الخواطر<<<<<<< هالحين يطلع لي واحد يقول حرام عليك هذي نزف المشاعر ويكتب به معلقه كله هجاء بس ماعلي منهم انا انسان صريح

نرجع لموضوعنا الي شطفناوه وهو

مع اني ما اعرف شي بالشعر بس بصراحه هالابيات اعجبتن صح لسانتس يا ريم
تصدقون قريته 6 مرات وودي بعد اعيد القرايه

كلمات عذبه وسهله وسلسه وقابله للدهن<<<<<<<<<اعلان جنب كرفت

برنقز لما تفك ما حتصك<<<<<<< اعجبته سالفه الدعايه

نوبتن اخر صح لسانتي

واسف على عدم دخولي مضيفتس منذو مبطي لكن اوعدتس اسنتر عندكم
لذلك روحي جيبي القهوه والشاهي بسرررررررعه<<<< طرار ويتشرط بعد

طاااااااااااااااااااااااااااو

**اخو سعدى** · 15-07-2004 15:10

المشاركة الأصلية كتبت بواسطة ريم شمر

[poem=font="Tahoma,4,burlywood,normal,normal" bkcolor="transparent" bkimage="backgrounds/38.gif" border="ridge,1,black" type=3 line=1 align=center use=ex num="0,black"]

,,,,,,,,,,,
ليه أفكر ويش هاللي فيك زايد
يكفي اللي زايدك كوني ابيك
,,,,,,,,,,,
ريم [/poem]

[blink][align=center]هذا يكفي ....[/align][/blink]