موضوع أكثر من رائع ,, ومثل ماقلت أخوي عبدالرحمن ,, هالمشكلة موجودة في دول الخليج بشكل واضح ,,
بصراحة حنا ماعندنا طولة بال ولا حلم وسعة صدر في تعاملنا مع الأطفال ,, والثقة بالنفس تحتاج للتنمية من لحظة الولادة 
>>> عاد ياشين المبالغة
تعاملنا مع أطفالنا تعامل خاطئ من ناحيتين :
من ناحية الإجابة على تساؤلاتهم .
ومن ناحية الاستماع والاصغاء لهم .
غالبيتنا ((ويمكن تحسن الوضع في الفترة الأخيرة )) مانجاوب على أسئلتهم إجابة صحيحة ,, يعني إما جواب كاذب مختصر لكون الجواب الحقيقي قد يصعب شرحه لهم ,, أو لأنه خادش للحياء أو ربما لأنه يمس العقيدة أو يكون الرد بالتهميش وعدم الإجابة .
وللأسف ,, مانعطي أطفالنا وجه لما يبدأون يتكلمون سواء عن مدرستهم أو عن مشاكلهم أو حتى فضفضة خيالية ,, ونواجههم بالتحقير أو التهميش أو التسكيت
أذكر مرة كنت في الحرم ,, وكانت قدامي مصرية وجالسة تصلي ,, ومعها طفلين ,, الشاهد إن هالطفلين مثل باقي الأطفال أنواع البثارة والشقاوة والحركة وماصدقوا إنهم يشوفون أمهم مخلصة من الصلاة إلا ويسألونها عن كل شيء تطيح عليه عيونهم ,, مرة عن الساعة اللي على سارية الحرم من اللي حطها هنا ومرة عن لباس واحد من الإخوان الأفريقيين ليش لبسه كذا ومرة عن هالناس اللي يطوفون على الكعبة ,, ليه يدورون بالعكس >>> أسئلة مفحمة
بصراحة أنا أرتفع ضغطي لأنهم كانوا مسببين إزعاج شوي للي حولهم ولو اني مكانها كان يمكن قبصت كل واحد منهم مع فخذه عشان يسكت الين نرجع للبيت >>>> ارهابية
بس هي رهيبة ,, تجاوبهم كأنهم كبار وحليمة معهم لأبعد حد ,, بصراحة غبطتها ولمت نفسي على طفاقتها
الخلاصة ,, إن أهم الأسباب هو الثقة بالنفس ,, وهذي لازم ننتبه لها من بداية عمر الطفل ,,
وألف شكر لك أخوي عبدالرحمن على هالطرح الناجح ,,
المشاركة الأصلية كتبت بواسطة مناكد
وعليكم السلام ورحمة الله وبركاته
رد مع اقتباس
المفضلات