وين العرس ...

**اخو سعدى** · 08-07-2004 02:04

[frame="2 80"][align=center]هلا بكم كل ابوكم ..

كنت انتظر زواج اعز الاصدقاء على احر من جمر ,
فقد قدم لنا دعوة الزواج فقلنا له .. ابشر من بعدك
لانه يسكن بالرياض العزيزة ,
فقلنا له انت جارنا وسوف نكون اول الحاضرين ,,

فقال : وين .. الزواج عند اهل الزوجه ...واهل زوجته بالشمال ..

فقلنا له ليش ما يكون العرس عند اهلك وانت صاحب الشان ؟
قال : هذا طبعهم هلون ...

والحين وش رايكم بهذه السالفه ؟

[/align][/frame]

**عبدالرحمن** · 08-07-2004 14:34

انت الظاهر للحين ماتبت من هالسوالف اللي تغث البعض منا؟!!

اهلا بالعزيز اخو سعدى.

موضوع عادي وموجود عند الكثير من القبائل والعوائل ولا يوجد فيه شيئ معيب او سواه.

وكثير ما نرى من ياتون من المملكة ويعرسون هنا في الكويت لدى اهل العروس.

شكرا لك ايها المتخصص بمواضيع الزواج.قاعد تضبك لعرسك!! عساه مبروك .

**اخو سعدى** · 08-07-2004 15:03

[align=center]الكاتب الكبير / عبدالرحمن [/align]

انت الظاهر للحين ماتبت من هالسوالف اللي تغث البعض منا؟!!

[align=center]وشنوحك ولعتها من اول مشاركه .. ههههههههه

يعني تبيني ازف عند اهل العروسه ..
يا زين وجهي ... هههههههه

يسلموووووووووو[/align]

**بدر الشمال** · 08-07-2004 15:45

أخو سعدى

خلك وسط .... حفلتين ... ( أو حفله وعشاء , واللى يبى يوفر : حفلة عرس و حفلة شاى +1 مفطح ) واحد عند اهل العروس , وواحد عند اهل المعرس وأنتهت السالفة . .... واذا الواحد يبى يصير حقانى أكثر , خيمة بالمنتصف. يعنى اذا المعرس من الرياض والعروس من حائل , الحفلة قبل بريدة بـ 30 كيلو

ماأعرفه ان حفلة العرس تكون عند أهل العروس , ام أن تنقلون العروس وأغراضها وقراشيعها -الله يعين من يبى يعرس- وأمها وخالاتها وعماتها وأخواتها وأخوانها ...الى أخر القائمة الى مقر المعرس , فأراها صعبة شوى

طبعا اذا كانت العروس فى منطقة بعيدة وغالبية الجماعة والأقارب عند المعرس, عندها يكون الحفلة بين الأقارب والجماعة

هذا ماعندى وأعذرونى

ودمتم

**الجازي** · 08-07-2004 16:11

من جدك أنت ّ!!؟

ياعمري عمرها وهي شايلة عفشها ورايحة لديرة المعرس عشان تعرس

مافيها كلام المعروف إن العرس يكون عند أهل العروس لأنه يجي ياخذها من أهلها ,, ماهيب شغالة تجيه من ديرتها

**اخو سعدى** · 08-07-2004 16:45

[align=center]بدر الشمال

خير الامور الوسط .
هههههههه[/align]

ماأعرفه ان حفلة العرس تكون عند أهل العروس , ام أن تنقلون
العروس وأغراضها وقراشيعها -الله يعين من يبى يعرس- وأمها
وخالاتها وعماتها وأخواتها وأخوانها ...الى أخر القائمة الى
مقر المعرس , فأراها صعبة شوى

[align=center]الحين اتو اهل حائل ...

هذه تقاليدكم ياهل حائل
يعني لازم ان يكون العرس عند اهل البنت ..
والرجل ما له .. نصيب

عزوز ... تراني بوجهك من اهل حائل [/align]

**اخو سعدى** · 08-07-2004 16:51

الريم
مافيها كلام المعروف إن العرس يكون عند أهل العروس لأنه يجي ياخذها من أهلها

هذا معروف عندكم ولكن حنا ياهل العارض معصي

[align=center]المفروض ان يقوم الزوج بحفله العرس في البلد الذي يسكن
فيه وذلك لوجود اهله واصدقائه هناك..[/align]

ماهيب شغالة تجيه من ديرتها

[align=center]يعني يكون الزوج سواق ...

هل توافقيني الراي ريموووووو[/align]

**شنقل** · 08-07-2004 18:11

[align=center]اخو سعدى

الظاهر انك ناوي تعرس
وتسانك تبينا نروح معك
جاهيه ابشر ترانا حاضرين

وبالنسبه

لمكان العرس طبعا يكون
عند أهل المعرس
على قولتك من زين وجهي
وانا جايهم ادور العرس
زفوووووووووووني

تحياتي لك
شنقل[/align]

**اخو سعدى** · 08-07-2004 18:25

[align=center]شنقل [/align]

لمكان العرس طبعا يكون
عند أهل المعرس

[align=center]ايوه هذا الكلام الزين ماهو مثل كلام ...
ومثل ماقلت يازينك وانت تدور العروس
هههههههههههههههه

لكن وش رايك انك لا تتزوج الا من نفس المكان
الذي تسكن فيه اريح لك ... هههههههههه

وش رايك ؟[/align]

**العونان** · 08-07-2004 18:25

السلام عليكم اخى الكريم
كل منا له عاداته وتقاليده الاجتما عيه التى تفرض نفسها على واقعنا وحيا تنا اليوميه

فانا اعلم علم اليقين
ان لاهل الجنوب ميزه فى اعراسهم لكن لا اجمعهم كلهم فى ذلك النطاق
فاعرف من الاصول التى يعرس الرجل وهو فى بيت زوجته

ونحن اهل الشمال
نراها من العيب لدينا
وهذا هو الصحيح
لانك رجل من المستحيل ان ترضى على نفسك ان ياتى زوج اختك مثلا
ويتزوجها فى عقر دارك

خلاصه الكلام
ان للجميع عادات وتقاليد متعا رفون عليها

تحيه منى لك
العونان