[align=center]
من آخر ماكُتب
.
أتمنى أنْ يرضيكم
.[/align]
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من بحر عذب القصايد جيت أبوصف يا( ..... )=وأدري إني لو وصفتك .. ماوصلت أقصى حلاك
كيف أبوصف وانتي اجمل في عيوني مايكون..!!=كيف والليل يتباهى .. لاسهرتي .. من بهـــاك
تفتنين اللي يشوفك .. بالخدود وبالجفوووون=وإنْ همستي مات منهو .. قد سمع همسة .. شفاك
وإنْ وقفتي وقفت لك .. السحـــايب والمـــزون=وإنْ مشيتي كل كونـــــك صار يمشي لك وراك
وإنْ ضحكتي قام يضحك .. كل ضايق ومحزون=وإنْ حزنتي لو دقيقه .. حزّن الجوري .. معاك
وإن زعلتي لأي داعي .. الكواكب يزعلـــون=وإن رضيتي كل شي ٍ صار .. يرضى من رضاك
وإن صحيتي غردت لك البلابل باللحوووون=وإن رقدتي قال حلمك : ( يسعد الله لي مساك )
فيك من طبع الرواســي .. الركــــاده والسكــون=وفيك من طبع السواحل .. الملوحه والهلاك
وفيك انا من جد مره.. واصل ٍ حد الجنون=بس شعره والا يمكن .. ينتزع عقلي غلاك
يكفي إن الصعب لإجلك .. في ثواني لك يهون=وإن نور الشمس يعكس للبشر طلة ضياك
إطعنيني لاعدمتك .. اطعنيني بالمتون=لن حتى الطعن منك .. تشبهه لحظة لقاك
وإذبحيني لا كشختي .. بالنقاب وبالعيون=وبالغنج وابو التدلع .. جعلني .. والله فداك
والله ان الخافق اللي ميت ٍ بك .. مايخون=وافي ٍ لك طول عمره .. همه يوفي وفاك
ووالله إنك لا اتصلتي .. والا دق التيلفون=قمت اردد قبل اجاوب .. يابعد هذا وذاك
قمت أردد ياهلا بك .. أرحبي .. ( يالزيزفون )=ياهلا بالساعه اللي جابتك لي .. يا ( ملاك )
والا انا هالحين جيتك .. لكن أدري يا ( ...... )=صعب أبوصف!! وإن وصفتك .. ماوصلت أقصى حلاك!![/poem]
[align=center].
ض
ح
و
ي
ا
ل
ا
س
ل
م
ي
.[/align]
رد مع اقتباس
المفضلات