مبروك لفريق الريم ..واهداء لكل من صوت لريم شمر

**مرفأ** · 02-07-2004 23:47

الف مبروك للاخت الريم وقريفها ويستاهلون

**عبدالعزيز** · 03-07-2004 03:02

المشاركة الأصلية كتبت بواسطة مرفأ

الف مبروك للاخت الريم (((وقريفها))) ويستاهلون

^
^
^
^
وشلون لو تحتسون وانتم تاكلون على هالعجن ؟؟

هارد لك اختي ريم وحظ أوفر بالمرات القادمة إن ماحارشنا أحد

ومبروك للأخت الريم - راعية المرقوق هالفوز وأعضاء فريقه والمصوّتين له|507|

مناتسد
لاتمصخنا الله يغربلك واجما انت مصوتٍ لفريق الريم |513|

**الجازي** · 04-07-2004 00:03

[align=center]أنا أشك في نزاهة التصويت >>>> وحدة مضيعة الطريق

بصراحة لما بلغتني ريومة إني فزت انصدمت ولا صدقت ,, وهي ماقصرت قاعدة تحلف لي وتعلمني بالتفاصيل كنها فرحانة اني فايزة عليها >>>>>>> بلا والله من طيب قلبها

اللي مضيق صدري من الفوز اني كنت مجهزة رد مناسب ينقال في الهزيمة لأني كنت ضامنتها ,, بس يوم فزت ماعاد ينفع أقوله الا انكان ريومة تبيه ترى ماعندي مانع أسلفها اياه

الزبدة أو الودتسة اللي طلعت بها من هالمسابقة إني قررت أرشح نفسي سفيرة لحكومتنا في العراق لأني اكتشفت اني عرفت أدهن سيركم وأقلب كفة الميزان ويفوز فريقي بالضربة القاضية مع إن فريق ريومة بصراحة تفوّق علينا في الطبخات والاعداد والتقديم

لكن المريدزيدزة وجبل أجا والشاهي بالنعناع والحبق الحايلي جاب نتيجة وقدر يقلب الموازين

واحتفالاً بالنتيجة وتكريماً لكل من صوَّت لصالح فريقي >>>> زولة مانيب معددتهم

وتعويضاً لفريق ريومة عن الهزيمة الساحقة التي مُني بها >>>أحس حتسي يجيب الشرهة

عازمتكم على طلعة حلوة تخليكم تنسون طلعة أبو سلطان العام اللي في النعيرية

وبنبدا بالشاهي الحايلي والقهوة في هالمكان الروعة :

والغداء بيكون في هالشعيب ,, عاد روحوا جيبوا الغداء اللي سويته لكم هناك وحطوه هنا

ألف شكر مرة ثانية للجميع وخصوصا مجمج اللي خلتنا نتحمس لهالمسابقة ولو اني انحرمت من مشواري بسببها >>> والله اللي بتغثكم بهالمشوار [/align]

**ريم شمر** · 04-07-2004 04:25

[align=center]ذيب شراف وراعي الوقيد روحوا سولفوا بعيد

اهلين مناكد

صح النووووووووم

الطبخ خلص والصحون غسلوها

وذيب شراف وعبدالعزيز ماقصروا اكلوا الاخضر واليابس :D

مرفا

حياك ياغاليه

عبدالعزيز

الله يبارك فيك

عن الريم

والله يسلمك عني انا

الريم

هلا والله بهالطله

والحمدلله على سلامتك

والدعوى بربسه لاطبخ ولايحزنون

اشوا انها شوية صور وحتسي والا كان رحنا فيها انا وياتس

مبروك ريومه ومن جد تستاهلين ويكفي انك تركتي شغلك ومشاويرك

علشان تشاركين معنا

ريم[/align]

**المخاوي** · 04-07-2004 05:34

ريم شمر
هاردلك يامعزبتنا وماعليتس من (الريم وعصابته الكواسر) >>> لياهالحينوه شاكن بفوزهم مع ان طبخات الريم كله فلفل حار وجلسات مهنا شين بس الظاهر ان معه خرزه ......هاههه
المهم مبروك للريم ولفريقها الفوز وحظ اوفر لفريق ريم شمر >> ماقردنا الا فيصل اللويش وخوياوه ..هاههه

**مناكد** · 05-07-2004 20:40

المشاركة الأصلية كتبت بواسطة عبدالعزيز

^
^
^
^
مناتسد
لاتمصخنا الله يغربلك واجما انت مصوتٍ لفريق الريم |513|

عزوز انا مادريت عن الموضوع...

ولكن إذا الدعوى به مرقوق واكلات شعبيه حطو إسمي من أعضاء الفريق...

ليا شفت هالطبخات اجي مطبق ولا شوف...

بس لايكون جايبتهن من مطعم مادري مطبخ تراثي...وتقول انه شغله...

**مناكد** · 05-07-2004 20:48

المشاركة الأصلية كتبت بواسطة ريم شمر

[align=center]

اهلين مناكد

صح النووووووووم

الطبخ خلص والصحون غسلوها

وذيب شراف وعبدالعزيز ماقصروا اكلوا الاخضر واليابس :D

ريم[/align]

ريم تقفين بس لو الحكاكه مع جغمة شنينه...ماعندي مانع...

بس اللي ابي اعرفه الطبخ على حطب او غاز...

**الجازي** · 05-07-2004 22:19

^
^
على حطب بس عطنا صوتك ولو اننا فزنا بس عن قولة إننا فايزين بالأغلبية زي الانتخابات

وترى الحكاكة أو القرارة موجودة موزيتها للي متحسفن بصوته علينا >>>>>>> عرض مغري

والشنينة ولو اني مدري وشي بس ولو موجودة بعد (( تساني سنعة فهي اللبن والا الله يخلف على جدتي )) >>>>> بتاع كله

تبي جغمة جغمتين حدد الكمية وأبشر بالتوصيل السريع >>> خدمات لاتضاهى

**مفتاح14** · 07-07-2004 08:53

[align=center]الف مبروووووووووووووك

بس وش السالفه؟|513|

ينفع اصوت هالحين؟

وبعدين المفروض تعزمونا.. ماهو متغيبين بمضيف الشؤون الاجتماعيه مدري الشؤون الاسريه وماتبون احد ياكل معكم

يالله سوو مسابقه ثانيه بالديكور والاثاث علشان الواحد يستفيد ومايفوته التصويد<<- السجع على حساب المعنى

مبروووووووووووووووووك ولا له عاده [/align]

**ريم شمر** · 11-07-2004 18:21

[align=center]المخاوي

ماقصرت والله يعطيك العافيه

مناكد

خلاص مابقى حتى الحكاكه

العوض انشاء الله بالمسابقه الجايه

مفتاح اربعطش

نورتنا

بس التصويت خلص والحفله خلصت والاكل خلص

الله يسلم كل من طل علينا

ريم[/align]