للعيون الناعسة واللي مانعست

[الجازي]

مجمج بعذرتس يابعدي ماتلقينه مادام انتس تسمينه كارجا >>>> رد وحدة حاقدة

اسمه يابعدي كاراجا ,, وتلقينه عند محلات مي وزهرة مي ,,

وبصراحة أنا أول مرة أعرفه كانت عن طريق محل المكياج اللي في تولان ,, مدحته لي راعية المحل بس الله يقلعها عقب ماشافتني انسبهت مع وصفها وقلت لها تعطيني اياه قالت لي مخلص >>>> بغيت أكفخها

بس قلت وأنا بنت الشايب ولده والله لاشتريه لو من تحت طأطيئ الأرض

ولقيته في محلات زهرة مي

واذا ملزمة تبين صورته ,, أبودّع الزوالة عشان خاطرتس وأروح أدور له صورة ,, وإن مالقيت أباخذه معي للاستديو وأصور أنا واياه وأعطيتس صورتنا للذكرى

هاه وش تامرين عليه بعد ؟؟

المخاوي ,,

بالنسبة لكلام أخو سعدى ,, عين الصواب ,, وهذا المطلوب

ان اللي قدامك يخمد اذا شاف عيونك عشان تفتك من هذره تسانه راعي هذر

[مجد]

[align=center]It's only for women
يالريم .. الظاهر ما انبهوا man لكلامك .. والا كان دبلوا سبدك هنيا هههههه
موضوعك شيق .. ورهيب ..
بس أنا من رأيي احلى شيء
العين تبقى ع طبيعتها
العيون الكحلا كحلا
العيون النجلا نجلا
والعيون الناعسة ناعسه
واللوزيه لوزيه
والواسعه واسعه
والعيون اللى بجفنها كسل
والعيون التى بطرفها حور
وش بقى من اشكال العيون ؟؟؟!!
والا اللى عيونها صغار .. تسوي ديليت deleteع عيونها هههههههههاهههههاي

لان جمال الوجه كله في العيون
كما تلاحظين أن اليابانين يخلون من الجمال ؟! ليه
لان عيونهن صغيرة .
بينما العرب فيتميزون باتساع العيون .

فالمفروض ان يكون المكياج هادىء .. وشدو اهدأ .. ماسكارا خفيفة .
لان الوحخدة هي اللى تحلي المكياج مو المكياج اللى يحليها .
اما الالوان والظلال اللى الحين هابين فيها بصراحة مسخرة
اليامن حطتها الوحدة ع عيونها تقل احد ضاربها كف ع عيونها

ويقول المثل : الكحل في العين الرمداء خسارة ...< مدري من وين هالمثل
الترجمه الرمداء : التى بها رمد ...< لابد من اقحام الطب هههههه

بالنسبة للعيون الناعسة وانها تجيب النوم
وش رأيك باللى ينامون نوم الغزلان .. عيونهم مفتوحة نص ونص !!!
هل سمعت عنها ..؟! تراها تخوف ههههههاهاي

بعدين يالريم .. وش ذا كاراجا ؟ اول مره اسمع عنه ؟

ياليت تحطين الصورة لنا
بعدين تعالي جربي كحل لانكستر البني او الاسود حسب لون عيونك لانه رهيب جدا جدا


مع تحياتي
المجـــــد [/align]

[الجازي]

مجودة ياحبيلتس ,,

أحس انتس تنفعين لي بهالسوالف بس كشخصية أنت شرق وأنا غرب

أنت شخصية جادة وأنا والله إذا جلست مع هالجادين مقدر اتكلم أخاف يقولون وش تبي ذي ؟؟

بس ولو فيه صفة مشتركة بيننا ,, بخصوص المكياج والقناعة بأن الجمال الطبيعي أحسن ,, ونكتفي بالمكياج الخفيف

مجودة ,, الكحل مانستغني عنه ,, حتى لو كانت عيونك كحيلة ,, الكحل زينة معروفة من عهد النبي صلى الله عليه وسلم ,, وكان الرسول عليه الصلاة والسلام وبعض الصحابة يكتحلون بالاثمد ,,

أما سالفة العيون وأشكالها مافيه مانع الوحدة تغير أشباهها بين يوم والثاني

يعني اليوم ناعسة بكرة ضاحكة

اليوم لوزية بكرة جوزية

اليوم حوراء بكرة حولا

بالنسبة لكحل كاراجا تراكم شككتوني في نفسي ورحت أدوج في منتديات الزينة والمكياج ,, وأشوى لقيته ,, والعالم مثلي يمدحونه وجايزن لهم بقوة

اذا كنتي في الرياض روحي لمحل مي أو زهرة مي كل هالمحلين تلقينه عندهم ,, واذا مالقيتيه علميني عشان أرسله لتس على الخاص

والصورة والله مالقيت له صورة يعني شوفوا لكم صرفة

كحل لانكستر ماجربته ولا أعرفه ,, واللون البني مايناسبني >>>>>> أحد قايل لتس اني سورية؟؟

يعطيك العافية مجودة وماننحرم من مشاركاتك

[مجد]

[align=center]

مجودة ياحبيلتس ,,
أحس انتس تنفعين لي بهالسوالف

http://shmmr.net/vb/showthread.php?p=204290#post204290
اكيد لانها اهتمامات غالبية البنات .. اصبري علّي ادبل سبدك بهالموضوعات .

أنت شخصية جادة وأنا والله إذا جلست مع هالجادين مقدر اتكلم أخاف يقولون وش تبي ذي ؟؟

ههههه هذاحسب رؤيتك أنت .. ولكن في الواقع أن شخصية من الصعب التنبؤ ماهيتها ؟؟!!

بس ولو فيه صفة مشتركة بيننا ,, بخصوص المكياج والقناعة بأن الجمال الطبيعي أحسن ,, ونكتفي بالمكياج الخفيف
أما سالفة العيون وأشكالها مافيه مانع الوحدة تغير أشباهها بين يوم والثاني
يعني اليوم ناعسة بكرة ضاحكة
اليوم لوزية بكرة جوزية
اليوم حوراء بكرة حولا

ههههههه فطستيني ضحك .. مع اسلوبك الساخر ..

بالنسبة لكحل كاراجا تراكم شككتوني في نفسي ورحت أدوج في منتديات الزينة والمكياج ,, وأشوى لقيته ,, والعالم مثلي يمدحونه وجايزن لهم بقوة
اذا كنتي في الرياض روحي لمحل مي أو زهرة مي كل هالمحلين تلقينه عندهم ,, واذا مالقيتيه علميني عشان أرسله لتس على الخاص
والصورة والله مالقيت له صورة يعني شوفوا لكم صرفة

مشكورة .. عيوني ما ابي اكلف عليك ..
بس باي المنتديات لقيته ؟! << صدناها هههههههه

كحل لانكستر ماجربته ولا أعرفه ,, واللون البني مايناسبني >>>>>> أحد قايل لتس اني سورية؟؟

كحل لانكستر .. رهيب جربيه ..
بعدين احتج واعترض ليه العيون البنية حصريه ع السوريين ليه ؟؟؟


تقبلي تحياتي الخالصة /
اختك مجد


[/align]

[مجد]

[align=center] هلاااااااااا الريم
ابشرك كلمت صديقتي عن ماركة كاراجا .. وقالت لي صح النوم وش اخباري ههههه
طبعا .. بسببك أكلت تعليقات محترمه ع كيف كيفك ..
بس عرفت كيف اخلص نفسي منها .. بشويه فلسفة من اللى خبرك .. ههههه

ع فكرة ..
وتقول ان القلوسات + الارواج من كاراجا رهيبة

لالالالالالا تفوتك ..


تحياتي لك

المجـــــد [/align]

[الجازي]

ايه هذا اللي قريته أنا بعد

بس ماتهمني القلوسات ولا الأرواج كثر مايهمني الكحل

يالله مجودة تعيشين وتاكلين تعليقات محترمة غيرها

بعدين احمدي ربك المفروض تشكريني لأني علمتك عن ماركة حركة مايعرفها الا أنا وصديقتك

باقي عاد مجمج كودها تسأل وحدة من ربعها وتوكلها تعليقة محترمة زيك >>>>> جازت لها الشغلة

يسلمو مجودي

[الشبث]

[align=center]احم احم

يابنات

ياللي هنيا

معليش على الجلنط

بس حبيت اخذ منكن حبوب منومه

ابعطي بس عندنا بالحاره













وتقلدن تحيات الشبث[/align]

[الجازي]

بِس بعيون ناعسة

الشبث معليش أخوي تراك غلطان بالعنوان ,, هنا مضيف الشؤون الأسرية ,, المضيف الطبي تحت عند أخو سعدى ,, رح اطلب من صيدليته حبوب منومة

يسلمو على المرور

[مجد]

[align=center]

يالله مجودة تعيشين وتاكلين تعليقات محترمة غيرها
بعدين احمدي ربك المفروض تشكريني
لأني علمتك عن ماركة حركة مايعرفها الا أنا وصديقتك

هههههههه
لالالالالالا معصي .. هذه آخر مره لها
بس علشان اخليها تنبسط .. لاني دائما اكتسحها هههههههه
واقفل عليها الخانة .
أما انت يالريم وماركتك الكااراجا العجيبة
مشكورة مقدما .. بس كوني ما قد سمعت عنها
لاني اعتمد ع الماركات المشهوره اكثر.
بس ترا الى الان ما بعد اجربها ؟!!
بس تعلقت بها من وصفك انت وصف صديقتي فقط
بس لو اطلعت مو شيء
الله ياني باستلمك استلام .. واعطيك كم تعليقات ع مستوى!!
استعدي بتجهيز اسلحتك الدفاعيه من الان هههههه


تحياتي
المجد[/align]

[الجازي]

لاياشيخة فكينا

لاتجربينها ولا نجرب ماركاتك

كل واحد يصلح سيارته