فطورنا وغدانا وعشانا حنا ياهل حايل <---- حامي حامي

[عبدالعزيز]

[align=center]بعيداً عن القص واللزق والهلس وفي ضل اتضاح هروب بقية الفرق المشاركة من أمام الحوايل أو تحينهم انزال مشاركتنا حنا يالشهبان على اساس يعرفون كوعهم من بوعهم بهالسوالف أو أقتباس فكرتنا على الأقل قررت انزل المشاركة من باب كسر الجمود وبداية الإنطلاق.
وآمل من خالتي مجموعة التماس العذر لي بسبب ضروف منفهتسةٍ عن الارادة شوين

.....................

طلعنا من حايل متجهين للشمال "عذفا" مروراً بتربة حايل مع موسم الربيع الماضي
حركنا مع فجة النور ووصلنا مكاننا العصر تقريباً وانتشرو العيال بين اللي يطقون الخيمة واللي يتفاهمون مع الذبيحة بأبشع انواع الاجرام



^
^
ماجاب لي الظغط بهالسنين التالية الا هالفاطس اللي كل طلعةٍ نطلع به الاهو لاصدز لنا وبس يتجضّع

ليّل الليل وشبينا النار وزانت السوالف مع ان التعب واضح علينا لكن والله ياجلسة قدام النار بهكا الجو اللي ينفض الجلد انه تحيي الفاطس اللي معنا



وعقب السوالف جا مربط الجحش اللي هو العشا لكني ابقدم الفطور عليه اللي هو عقب قومتنا من باتسر

قمنا الصبح وطبعاً هي العادة .... حووووووووووسة والقش منتثر يمين ويسار


^
^
تعيجزت اغطي وجه العامل اللي اروح بنا بفراشوه الوردي الله ياخذه

وعلى بال مارتبناه قمت ياانا وواحد من الاواليد نقطّع اللحم والبصل والطمام للحميسة



ترو اللي يتتن بالصور كلهن ذيب شراف|513|

وهاذي الحميسة عقب ماظبطت



^
^
^
ألا ياعقب فطورات بعضهن

بالصحة والعافية على تسبودنا[/align]

[عبدالعزيز]

[align=center]جاء الغدا لابارك عقب ماتمشينا بحدى القرايا القريبات واقتحمنا حدى المدارس الإبتدائية




وصورة مع التحية لمعالي الوزير الرشيد اللي دبل كبودنا باجتماعاته .."في أمريكا واليابان"
انا مدري شلون يقوله وهاذي مدارسه؟

ظبطنا الغدا وللأسف ماحصلت له صور لكنه كان نفس غدانٍ لنا هكا الحين نشرته بالمضايف وهذا هو



أما الزلطة والله ياهي على كيف كيفكم بعد
صناعة وطنية 100% وحقوق الـ"ز"لطة محفوظة لي
ماهي بالقص واللزق يعني|6|

وعقب هالغدوة المظبوطة نتفنّجل ونتقهوى من الشاهي وانصح ذواقة الكبسات بشرب شاهي ابوجبل بعدهن



وش بلاي تقل أتعطى!!

يتبع العشا[/align]

[عبدالعزيز]

[align=center]يعني بالله زقرتٍ شهبانٍ لهبانٍ طلعو للبر ويبون يتعشون وش تبونهم يتعشون؟؟ بيتي فور بالبيشامل ولا مكرونة ؟؟
ابورصيص ولاغير ابورصيص وقالت خفيف وماخفيف مايمشي هالكلام عندنا
مافيه حيني صيني رز ولا غير الرز وجنوب الهرافي





^
^

كنا بالرجعة (على ردمية لينة- تربة) ومامن صورة للعشا لأن ساعة التقليط محد فاضي للكاميرا من هالجعارير

وحتى طبخات اخرى استودعكم الله
ابوفيصل - ذيب شراف - عبدالعزيز[/align]

[عبدالعزيز]

[align=center]نسيت صورة الضحية


^
^
عشان المباريات بس[/align]

[ابو خليف]

[align=center]فضحنا المسبوع انا ما اشرب تتن يالحبيب


لاتفضح بنا

كككككككك


الحمد لله والشكر والله ياهي قيله

الله يعطيك العافيه

وناسه

واقتحام ومطاردات على كيفكم اما اتقتحام مدرسه شي

كككككككككككككككككككككككك


اقول وين الربع مالهم عينه

ان الفوز لنا بدون منافس[/align]

[شنقل]

[align=center]اما سالفة

اقتحام المدرسه

هذي حفلتن لحاله
حسبي الله عليكم ذكرتوني بسنينن مضت


ويحليلك ياردمية لينه
والله من الوناسه بكا لديار


تحياتي لك

شنقل[/align]

[مرزوق الشمري]

واللة مافية احسن من الرحلات للبر والخلا

تسلم اكرر شكري لك

[الاصمعي]

أي هذي الطبخات السنعه<<<عز الله ماقصر هنديكم طبخه مامثله:D:D:D

الا هالسلطه غالبن عليه اللون الابيض هو معكم أحد من الربع;)

العزي أنا قايلٍ لك من أول أنكم تلعبون بالساحه لوحدكم، وزين أنك مانزلت كل الصور خلهن لمسابقتن ثانيه

يالله سجلوني أول المصوتين لفريق الشهبان

تحياتي

[شموخ]

ماشاء الله فريق نشيط

الظاهر ان الفوز لكم بس اقتحامكم للمدرسه شئ وانت جالسين على الكراسي منهو مدرسكم اللي رافعين له الاصابع عز الله بيرتفع ضغطه مافي غير ثنين اللي فاهمين الدرس والبقيه كسلانين موطين اصابعهم

تحياتي لكم

شموخ

[عبدالعزيز]

هلا بالعضيد يالله حيوه
مابالحمض احد تسان الله آشاء وآراد|62|

شنقل
حياك يالطربة ولوهي على المدرسة تسان فرطت تلية الصور
اللي بالمختبر مع الهيكل العظمي واللي بالادارة
وفيه صورة واحد نفر عند باب المدرسة صورنا معوه لكني مراعاة لشعورك أنت والعود مابغيت اشهّر بوه
لكني اذل من خالتي مجموعة تشوتهن |513|
تسلم يالغالي على المرور

الاصمعي
لا علي بالحرام ان أبورفرف <---(أبورفرف لقب أطلقه على البنقال لانهم مايصدمون الواحد الامع الرفرف الله يقطع باذرهم ) مالمسه ولاقرب لوه
الا هو اللي دبل كبودنا يبي الطلعة وتليته غثنا يقول رجعونن
أما البصل فأبوعمامة عنايزيٍ خبل واشترط علينا البصل الهندي ابوخيشة أظبط للتشفيطة
وما هذولي كل الصور يالطربة ... جبت لكم صورأخف طلعة "محفوفة" ولا لو انا اهقى ان بالحمض احد تسان هالٍ التاليات;)
تسلم يالغالي وماالضاهر ان بالسالفة تصويت|6|

مرزوق الشمري
كل هالموضوع بركة يالطربة اللي شرفن بحضورك يالغالي
ووش عندنا غير هالخلا ;)

اختي شموخ
هذولي نقطةٍ من بحر الله يستر علينا
يعافيتس ربي على المرور اختي