بالمشيمة كافلك وكافلك بمهاد
السلام عليكم
إنتهت الأختبارات، وكثر الفراغ وبدأ البحث عن الوضائف والجامعات
ولآخرين بدأ التفكير والتخطيط للزيجات وما يترتب عليها من هم التكاليف والإختيارات
تكثر الافراح وتعم السعاده، ولكن يبقى من يرى أن ضروفه لم تسعفه للحصول على مايريد فيصاحبه
القلق والضيق ويتملكه الحزن والحيره:confused:
إليه والى أذواقكم الراقيه هذه المتواضعه:-
[poem=font="Simplified Arabic,6,skyblue,normal,normal" bkcolor="transparent" bkimage="" border="none,6,gray" type=1 line=0 align=center use=ex num="0,black"]
ياهيه ياضايق من الوقت وش عاد=اليا طفشت وضقت وش تستفيدي
ارحم لنفسك من كثر هم وانكاد=لوم الدهر والنفس ماهو حميدي
الي مضى ماضي ولا هو بينعاد=وباكر وبعده له حساب جديدي
لاتشكي احوالك للادنين وبعاد=تزيد غم احباب وتفرح مكيدي
خلك مع الحاضر وكن يافتى جاد=ولا تستشط او زاد تبقى بليدي
بيدك تغير وضع سبب لك سهاد=لا لاتقول شطالع اليوم بيدي
خطط امورك واسع له يابن الاجواد=بعزم وحزم وفكر رايٍ سديدي
وليا جزمت انفذ وخل التردّاد=وحاول الينك تاصل لما تريدي
فليا فشلت فكرر الامر بإجهاد=الطرق تكراره يلين الحديدي
وترى البنا بلبنه ولبنات ينشاد=وقطرات وبل الوسم تحي الهميدي
الله وكيلك لاستعنته مهو راد=فاسئله لاتسئل ضعاف العبيدي
بالمشيمه كافلك وكافلك بمهاد=ورزقك مسجل دون نقص ومزيدي
وافضال مسبغها قديمات وجداد=فكر بفضله واشكره ياوديدي
وكنز القناعه لايفوتك وتنصاد=بحبايلٍ لابليس فيها يصيدي
اهل الشفاحه والجشع يُبس الاكباد=ماترتوي لو يمتلي له رصيدي
ودايم توقع خير لاصرت رواد=الي تحرى الخير يلقاه اكيدي
ورضاك (بعد السعي بالجد) ينراد=حيث الرضا موسوم فيه السعيدي
وازكى صلاة لصفوة الحضر والباد=راع الشفاعه خاتم الرسل سيدي[/poem]
رد مع اقتباس
مشرف مضيف الترحيب والتعارف
المفضلات