قصه الامير عبدالعزيز المتعب (طيب الله ثراه) مع سعدون الاشقر

[الرعب]

--------------------------------------------------------------------------------

هذي قصه الامير عبد العزيز الجنازه مع سعدون الا شقر

وهو انه عندما قام سعدون الاشقر شيخ المنتفق بالعراق بمنع شمر من
انهم يكتالون من العراق ويجيبون طعام لعيالهم
ما هانت على ابن رشيد وحلف وقال ( والله خصاي تيسه اني لا اعقبه الشط)
وفعلا غزاه وقومه يما عقبه الشط
وهو جابه اسير

فقال الامير عبدالعزيز من عندنا من شعار شمر

قالوا فيه سعد بن نهار التبيناوي ولد على اوله صغير

قال اقصد يا التبيناوي

قال التبيناوي وهو يشر على سعدون بيده ( وكان سعدون مدنق ومستخزي جريح وقومه ماخوذه)




سعدون هذا الضاري اللي حكا بك
وافي الوعيد بجاه عدل الميازين

من يوم سرنا طاحنين زهابك
يا ويل يا سعدون من نطلبه دين

يا اشقر جاك اشقر ما يهابك
لا تنهضم هذا سعوط المجانين

يا محد سيفه بالميادين صابك
وقبل تناحون الضياغم سلاطين

تبي تحرش يوم قرب خرابك
يا ما زعلنا واول عنك منحين

منت لدي لجموعنا سد بابك
سعود شيخ باللقا له نياشين

نسيت زيزوم الطنايا رعابك
ان شفت ابو متعب تخل السوادين

اشقر ليا ضف الجناحين جابك
على دماغك ماقعك بالصعانين

وعلى الخميسيه نوسم ركابك
وعلى الشبيبيه نحط المحاجين

ودهم تطير ما بقا من ترابك
عليهن اللي بالملاقا ضريرين

مار انت خبل وينزع الله شبابك
وقبلك لعيين المخاليق مطنين

وندخل على الله ما دفنا حسابك
انتم ضواري مار حنا خطيرين

واما من اول الخير ما ينحكابك
انتم مربية اليتاما القديمين





القصيده اطول من كذا فاللي عنده التكمله لايبخل علينا يكمله لنا

قال الجنازة ليه تمدح خصاي تيسه قال ادخل على الله يا طويل العمر انا شاعر وحكيي يروح مع الناس

[راعي الوقيد]

[align=center]الرعب ،،،

يالله حيوووووووووه ،،،

شف عزوتي ،،

اول الأمر لابد من اننا نقوم بواجبك بمضيف التراحيب ،،،

تعرِّف بنفسك بمضيف التراحيب وتنتظر الأخوة الأعضاء يقومون بالواجب ،،،

الأمر الثاني هناك مضايف مختصة يوضع فيها المواضيع كل فيما يخصه ،،،

فبالنسبة لموضوعك هذا ، المكان المناسب له هو مضيف القصة والقصيدة والتراث الشعبي ،،،

جديد وما عليك ملامة ، ولا يهمك الإخوان راح يتصرفون بنقل الموضوع الى مكانه المناسب ....

سمعت ياطويل العمر ان الشاعر اللي قال هالقصيدة اسمه عساف التبيناوي ،،،

ما اعرفه من القصيدة وما احفظه الآن منها مايلي :-[/align][poem=font="Simplified Arabic,5,orange,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سعدون جاك الضاري اللي حكى بك = واف الوعيد اليا هرج قايل ٍ شين
من يوم سرتوا طاحنين زهابك = ياويل ياسعدون من نطلبه دين
يا اشقر ٍ جاك اشقر ٍ مايهابك = لا تنهتم هذا صعوط المجانين
ياتايه الأشوار هذا عقابك = مدمي المخالب مودع الخرج قبعين
اصد براسك لايصدنك كلابك = يلومكم ما تردفون المزايين
يامحد وش لك بالميادين كابك = قبل تناحون الضياغم سلاطين
دليت تمحرش يوم قرب خرابك = لياما زعلنا واول الحين منحين
على الخميسية نوسم ركابك = وعلى الشبيبية نحط المحاجين
قضا للمسة خبزنا سد بابك = ولا فعل الا فعل عدل الموازين
نسيت زيزوم الطنايا رعابك = ليا شفت ابو متعب تخلي السوادين
صفى خياله يوم ضبضب سحابك = وسمية منها تلم الشعابين
اشقر ليا ضم الجناحين جابك = وعلى دماغك ماقعك بالصعانين
ودهم تطير ماسكن من ترابك = ونرمي على كبد الحريب المصاخين
مار انت خبل ينزع الله شبابك = قبلك لعيين المخاليق مطنين
ودونك حصاة بس عضه بنابك = ياللي تقول محير حب شاهين
إما بنو الخير ماينحكى بك = انتم مربية اليتاما القديمين
ندخل على الله ما دفنا حسابك = انتم ضواري مار حنا ضريرين[/poem]

[align=center]وهذا الي عرفنا منه ،،،

تحيااتي ...[/align]

[ضويلع الذيابه]

ماقصرت "يالرعب"وصدقني هناك الكثير من القصص والسوالف والمواقف الكثيرة عن ابطالنا من شمر لكن لكل زمان مكان وعلى ماقال الشاعر:لاواحلولاه ياشمر-راح زمن العز والهيبه
اقفوا على خفش ضمر-صار العوض بحرب وعتيبه
وسلاااااااااااااااااااااااااااامتك- اخوك ضويلع الذيابه