[align=center]
أحبائي هنا جميعاً
يعلم الله أني لم أبخل جهداً في سبيل محاولة العوده من جديد هنا
ولكن ربما هي ( التكنولوجيا ) المتقدمه جعلتني متأخراً في اللحاق بركبكم الأبداعي ها هنا ...
الشكر لكل من سأل عني وكل الشكر لمن لم يسأل عني تصريحاً ..
لأنني متواجد معكم دائماً وأبداً بقلبي .
آخر العزف والنزف
أهداء لكم جميعاً
.
.
.[/align]
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وش على ( غازي القصيبي ) أن ضما أو جف ريقه=دام تحت أيده ( صنابير المياه ) بهالوزاره ....!!
البلا من جاك مثلي عايش بستين ضيقه=هو ضما هو ضنك عيش أو حزن أو هم ومراره
ماجنينا من الحياة الا مناقيد الخليقه=تارةٍ نلقى الثنى والمدح ونلقى الطعن تاره ...!!
يازماني ضاقت بوجهي عسى الله لايعيقه=كل ماسجيت رجلي عوّد الساق بخساره
قلت ياقلبي ترا ما للصديق الا صديقه=وأنخذلت وجيت مابيدي سوا ذيك العباره
والله أن الجرح بلوى وأكثر طعوني عميقه=وماعليه خلاف جرحٍ خامدٍ ماشب ناره
والشقيق اللي تحاشى شوفة وطاري شقيقه=عذره أنه لو تعذّر ماعرف ليه أعتذراه ...!!!
وأنت تكفى خلّ عنك الهرج وأسمعني دقيقه=بارك الله في شبابك من بدايات أزدهاره ...!!
حيّ ذا الزول الدقاق وحيّ ذا الخطوه الدقيقه=والشعور اللي يجيني منك من باب الأثاره
لاتناظرني كذيّا وتهمل الروح الغريقه=وأنت نظراتك ترا ماهي ذكا وماهي شطاره ...!!
لاتعاتبني ترا ألعن شي من عاتب عشيقه=وأنت تدري كل ذنبي من دعاة ( أهل الحضاره ) ....!!!
ليه هو خلّى البرد موطئ في أناملك الرقيقه=والتجاعيد الكئيبه شوّهت ( وجه الطهاره ) ...!!
فيك من ملح السوالف والنحل هذا رحيقه=وخيزرانك لاتثنى قلت / وش ذنب الوقاره ...؟؟!!!!
أنت ياعطر المداين انت يافلّ الحديقه=جيتني مثل الهدايا ياضحى العيد ونهاره
أجهلك وأحيان أخرى تنكشف مثل الحقيقه=يوسفي طاغي ملامح مترف وكلّك نظاره
ملّ قلبٍ مايطيق الصبر بس عوّد يطيقه=وش جدا ذاك السجين المنطوي كود الزياره ...؟؟
( قبّح الله ) وجه الأيام الخوالي والعتيقه=ومسرح احداث السنين الماضيه ( بسدل ستاره ) ....!!
ومن حكى فيني وتمادا بالحكي وأنكر رفيقه=بتغاضى وأتحاشى خوّته وأشعل ( سيقاره ) .....!!!
ذاك أبو وجهين همّه يطعن عهودٍ وثيقه=ومن فضل ربي أنا ماهمّني ( مسبل أزاره ) .....؟؟!!!
وش تبي بالناس خلّ الناس يامال الحريقه=ياعسى قلبك يذوق شلون بس طعم الحراره
و ( القصيبي ) ماعليه خلاف لو هو جفّ ريقه=الوزير اللي كتب أسمه على باب الوزاره ....!!!
البلا من جاك مثلي عايش بستين ضيقه=هو ضما هو ضنك عيش أو حزن أو همّ ومراره ....؟؟!!![/poem]
[align=center].
.
.[/align]
رد مع اقتباس
المفضلات