[align=center]السلام عليكم ورحمة الله وبركاته ،،، وبعـــــــد ...
عقب معركة المليداء ،، قال حمود العبيد آل رشيد القصيدة التالية
" مادري موجودة وإلا لا !!؟؟ " :-[/align]
[poem=font="Simplified Arabic,6,skyblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله ياللي فوق الإسلام والي = يالواحد الي من ترجاك ماخاب
يامن لنفس ماتريد السوالي = إلا من الله جامع الناس لحساب
الحرب شبّت وبالله الإتكالي = وصبر جميل ونستعينه بما ناب
يوم جرى بالضلفعة له ظلالي = يعدها الأول لناس بالأصلاب
النفس لا صارت بقالي وصالي = إضرب على الكايد وما اخطاك ما صاب
جونا وجيناهم سواة الجبالي = وصار الطمع منا ومنهم بالأرقاب
سرنا كمى مزن ثقيل الخيالي = خمسين جمع شمر دون الأجناب
والخيل من دون الفلا والمفالي = ثلاثة آلاف لحساب حساب
دارت عليهم مثل وصف الحجالي = ما كنـّه إلا حوطة ما لها باب
يوم انّهن ثارن رعاب الكيالي = وتصافقت واصطك باب على باب
ساعة تلاقينا وحمي القتالي = وغدى لهم في حومة الجيش ضبضاب
تقطعت اطنابهم والحبالي = من يوم ساق البل فراق الأصحاب
سقنا عليهم من يمين رجالي = اطرفهم اللي للعذابات شراب
اول علفها زامل والعيالي = تفيحت مابين ذابح ونهاب
عجاجة تجلى الصدى والخمالي = ودبيلة يشبع بها الذيب وغراب
القرد يبرى له سواة الغزالي = وكفخ بوغدانه كمى وصف كساب
وخلّى لنا القصمان هم والحلالي = وفزعاته اللي جمّـعه كل كذاب
ولا فكته منا خيار المحالي = جبناه معنا مثل ما جيب حطاب
الفعل للباري عزيز الجلالي = على يدي محمد زاك الأنساب
لو ان ابازيد حضرها الهلالي = ما نال ما نلنا على عوج الأطلاب
ياذيب ياللي بالخلا والمفالي = اقبل تهيّا لك ربيع ومعزاب
بالضلفعة مثل الرجوم الطوالي = مابين بياع ومابين قصاب
من دمهم سالت رغاب السهالي = وعن روسهم تكسرت عوج الأصلاب
حريمهم لجـّة سواة المحالي = كل تصيح بطول حسه وما جاب
عقب الحرير وعقب لبس الجمالي = لبسن ثياب الحكم عذبات الأنياب
كم من عجوز فارقت شوف غالي = من يوم جاها العلم رمّت بالأسلاب
عقب الحيا قامت بحسه تلالي = تدعي على المقرود جرار الأسباب
القرد دلاّهم لبيس المدالي = وزويمل يبي القضى عقب ماشاب
كم واحد ضيـِّع بروس المفالي = غدى ولا جاله من الناس طلاب
ياما نصحنا مار ما النصح جالي = نصحوه ناس قبلنا نجمهم غاب
قالوا له إفطن وش ذهاب النمالي = والله بتدبيره غلب كل غلاب[/poem]
[align=center]
وسلامتكم ،، هذه القصيدة من احد الإخوة الأكارم ويقول انه كتبها على ماسمع من / عبدالرحمن بن سعود المرشدي " صاحب الأشرطة المعروف " ....
إن كان هناك من لديه رواية اخرى غير رواية المرشدي او وجد ان هناك إختلاف فلا يقصر يزودنا بالمعلومات الأكيدة التي لديه ــ والأكيد انه لابد من وجود إختلاف ـ....
تحياتي لكم احبتي ....[/align]
رد مع اقتباس
المفضلات