()()( صدفة )()()
[align=center]
السلام عليكم ورحمة الله وبركاته
متواضعه اتمنى ان ترتقي الى ذائقتكم
()()( مدخل )()()
(1)
[poem=font="Simplified Arabic,4,crimson,normal,normal" bkcolor="white" bkimage="" border="inset,4,crimson" type=2 line=0 align=center use=ex num="0,black"]
(صدفة ) لمحته متلف القلب والحال =واختلطت بقلبي أحاسيس عدة
مدري غلا.. ولا وله.. يمكن هبال =فزيت له والقلب بيّنت وده
حضنت كفه في كفوفي وبالحال=صد وسحب من راحة يديّ يده!![/poem]
(2)
[poem=font="Simplified Arabic,4,crimson,normal,normal" bkcolor="white" bkimage="" border="groove,7,crimson" type=1 line=0 align=center use=ex num="0,black"]
وكانه بالتحدي والممارا=اخذت الكاس منكم وبجدارة
واذا للهم ميدان وبطولة=وربي مااخذت الا الصداره
دموعي فوق خدي بالتناوب=تداوم زامها شفت وخفاره
وقلبي من عرفتك ماتوانا=اخذ للهم رخصة واستماره
واذا محد يصدقني يجيني= وانا اشكي له همومي والمرارة
اشيل جروح والامٍ ومآسي=اداري عبرة(ن) ماهي تدارى
اون بصمت ونات(ن) كثيرة=وربي ونتي ماهي عياره
اجر الصوت ثلث الليل الاول=وباقي الليل ادعي وبحراره
عسى الله ينتصف لي من حبيب(ن)=كسر قلبي وسبب في دماره
وعساه يذوق من جور الليالي=ويذوّقه الولي من حر ناره
الاياكيف تجرح كبريائي؟=شموخي ليه تسعى بانكساره؟
حرام تدوس حلمي تحت رجلك=حرام تهشم قلوب العذارى
تحطم عزتي يالله دخيلك=وانا اللي جيت لك كلي طهاره
نسيت جروحك اللي وسط قلبي=وقلبي ساقني لك باختياره
طويت الدرب وحدي وانت وحدك=انا ارقى وانت تسعى بانحداره
اسوق لك الغلا يوم انت بايع=خسارة دنيتي صارت خساره
وهالحين اسمع علوم(ن) جديدة=وخل علوم حبي واحتضاره
صحيح اني احبك حيل لكن=عزيزة نفس وافهم بالاشاره
ولاني شفت زلاتك توالت=وصداتك وجفواتك تبارى
ولانك عاشق(ن) ذاتك. اناني=وفي قلبك من القسوة عُصاره
عنيد وقاسي وصلف المشاعر=شحيح(ن) يحسب القسوة شطاره
نزعت الحب من قلبي وعفتك = ترا النيران سبتها شراره
وعقب هالموقف اعطيك استقاله = خفوقي رجعه في وسط داره
ابي حريتي منك (حبيبي) = خفوقي حرره .. باصلح مساره
()
()
()
()
لكن ارجوووك ياخلي تركّد = ولاتتبع خفوقي في قراره
وجودك في حياتي ياحياتي = ضروري في دماره او عماره [/poem]
وسلامتكم
واسمحوالي على القصور
السنافية[/align]
رد مع اقتباس
مشرف مضيف الترحيب والتعارف
احم احم
المفضلات