وفيٌ ,, لم نوفيه حقه !!

[الجازي]

أخوي راعي الوقيد ,,

أهل مكة أدرى بشعابها ,, وأنا ماشكّيت في معلوماتك بس قلت لك اني أذكر كأني قريت في الجريدة كلام يوحي انه شمري ,, هذا الموضوع باختصار >>> ماذلت أبد

وطحت بعد على قصيدة لولده أحمد العريفي ينفهم منها إنه شمري اقراها وشف وش تفهم منها ؟؟

قلبي يحب العزوة الشمرية
----------- ومن قال انا من حايلٍ لي ولد عم

شاب الزمان وتو حايل صبية
----------- لو ماحكت مااحد على عمرها نمّ

لاقلت حايل ترقص السامرية
---------- ولا قلت شمر قال بحر الندى سَمْ

بين المداين مالـ[حايل] سمية
---------- ومثل الطنايا بين كل العرب كم ؟!

وإن وردوا الحجلان حوض المنية
--------- شعت بروق سيوفهم وامطرت دم

حنا معازيب السنين الردية
--------- لاصارت الشيمة على غيرنا هم

أنا بعد كلامك ماأقول إنه شمري ,, بس أقول لاتلومني إذا فهمت غلط عقب كل هالملابسات

ألف شكر لك مرة ثانية على التوضيح ,, وبصراحة أعتبره الله يرحمه مفخرة لحايل وكنت أتمنى لو طلع شمري

تحياتي لك أخوي ,,

[راعي الوقيد]

قلبي يحب العزوة الشمرية
----------- ومن قال انا من حايلٍ لي ولد عم

بين المداين مالـ[حايل] سمية
---------- ومثل الطنايا بين كل العرب كم ؟!

وإن وردوا الحجلان حوض المنية
--------- شعت بروق سيوفهم وامطرت دم

حنا معازيب السنين الردية
--------- لاصارت الشيمة على غيرنا هم
---------
ومن قال انا من حايل لي ولد عم :
من حايل وليس من شمر ، فكما قلت لك سابقا اللي يسكن حايل يعد نفسه منها " ومن يحصل له السكنى والإنتماء " << السبب انت تدركينه ولا اشك في ذلك ....
اقول : من سكان حايل كما يذكر الشاعر احمد العريفي إضافة الى شمر هناك الحجلان << تعرفينهم اكيد ..؟
فهل هو من شمر ام من الحجلان !!؟؟
كنت اظنهم في السابق من الحجلان|1|
ولكن بعد ان قرأت ماجاء بكتابه ـ احمد العريفي ـ ومن ثم سألت فتأكدت انهم من بني خالد ، مع العلم انني لست نسّابا ً ولا افقه بأمور الأنساب إلا ما اعرف به نفسي ....
حنا معازيب السنين الردية ** لا صارت الشيمة على غيرنا هم
حنا << اعتقد يعني اهل حايل شمر والحجلان

وكنت أتمنى لو طلع شمري

:D:D:D:D:D:D
هو شمري
اوووووووو كيييييييي|116|
الريم ...
--------------------->{f}

[الجازي]

بصراحة الحجلان ماأعرفهم ,, يعني أكون شاكرة لك لو علمتني من يقصد بهم

معليش أخوي راعي الوقيد ,, شكلي أبلشتك ,, بس عاد منكم نستفيد

يعطيك العافية على طول نفسك معي

[الجازي]

حياك الله أخوي بدر الشمال ,,

(( لقد قال كلمات حق فى الزمن الصعب , اذكر بعضها عندم قال كلمة فى حق أبطال أراد البعض تدنيس وتهميش تاريخهم. ولو ساير الموجة السأئدة حين ذاك لكان ممن تتغنى بهم الجرائد والمجلات وشاشات التلفاز. ولكنة بقى وفيا لمعتقده ومحبتة للناس. للناس البسطاء الذين فقدوا عظيماً من عظمائهم ))
^
^
^
ترى عرق الشفاية مااشتغل أبد أبد أبد

اذا القصة مافيها إساءة لشخصيات معينة ياليتك تذكرها لأنها تعتبر منقبة للراحل الله يرحمه ومحتاجين نتعرف على مناقبه ونذكرها للجميع >>> ياشين اللي يبي يصرف شفايته ولا يعرف

شاكرة لك مداخلتك الجميلة

غاليتي شموخ ,,

وفيك أيضا ,, وشكرا على المرور,,

أخي المتوكل,,

وبورك فيك أخي الفاضل ,,شكرا على تشريفك لموضوعي

تحياتي للجميع

[هايس الشمري]

[align=center]قصيدة رثاء بالاستاذ فهد العريفي رحمه الله

[poem=font="Simplified Arabic,4,white,normal,normal" bkcolor="black" bkimage="" border="ridge,6,white" type=0 line=0 align=center use=ex num="0,black"]
مرحوم يا شيخ تفانا بطيبه=حتى توفاه الأجل وانتحابه
بعض العرب لا مات موته مصيبه=وبعض العرب لا مات محد درابه
مات الذي ما قال هاذي صعيبة=اللي تجيه من القضايا مشابه
فهد العريفي عز من يعتزيبه=من مالت الدنيا عليه اعتزابه
لا صاح مقطوع الفزع ينتخيبه=اللي من الأيام يشكي صوابه
أبعد رجل ينصاه كنه قريبه=عنده جميع الناس مثل القرابه
لاجاه مرضان الزمن يعتنيبه=وقضيته من كل قلبه حكابه
بالطيب كل أهل الضمير تحكيبه=شيخ تميز من بداية شبابه
مالوم حايل يوم تبكي حبيبه=سلمى واجا والناس تبكي غيابه
مالومها تبكي ولدها وذيبه=اللي لها خصص جميع الكتابه
ويبكونه اللي بالظروف العصيبة=قلبه لهم والبيت مفتوح بابه
دفع لهم من دم قلبه ضريبه=حتى رحل واليوم ننعى جنابه
أول لنا مثل الجبل نلتجي به=ننطح به أرياح الزمن ما نهابه
رجال عند المعضلة ينهقيبه=ما خاب ملهوف الزمن لا هقابه
يالله على طيب المواقف تثيبه=وتعطيه ما أعطيت النبي والصحابه
وتخلي عياله لنا مثل طيبه=وتمدهم حب العرب والمهابه

مشوح الشمري [/poem]

نشرت بالرياض هذا اليوم


شكرا لك اخت الريم[/align]

[الجازي]

كل الشكر لك أخي الذيب على نقل هذه المرثية الرائعة

[بدر الشمال]

الريم , طلبك على العين والراس

ولكن الوقت بعيد , فلقد كتبها -رحمه الله وغفر له - عندما كان جل اهتمامنا بسكويت بنصف ريال مع بيبسى وفشار ,كتبها وانتى ربما لازلت تزاحمين الطالبات من اجل فسحتك من المقصف المدرسى فلا تصلين النافذة بسبب أرتفاعها , او ربما قبل ذلك لاعلم

عموما بحثت فى دفاترى القديمة وفى بقيا مجلات وجرائد كنت احتفظ بها فلم أجد ماأبتغيه , عندها عرجت على بعض زويا الأنترنت وخبياها لعل وعسى أجد مقال الاستاذ فهد العريفى والتى تتكلم عن تاريخ مشرق لرجال من مدنة حائل , لكن لم افلح

ولكن ومع هذ وهذاك , سأحأول ان اتصل بأصحاب الشأن ولى عودة أخرى فى مشاركة منفصلة اذا وافقوا ان انشر مالديهم مذيلة بمقالة العريفى ان وجدت لديهم.

وشكرا على الشفاية المحمودة المرغوبة

وسلامتكم

[الجازي]

يعطيك العافية أخوي بدر ,, وأنا في انتظار القصة ,,

كتبها وانتى ربما لازلت تزاحمين الطالبات من اجل فسحتك من المقصف المدرسى فلا تصلين النافذة بسبب أرتفاعها

^
^
شرهتك على اللي يدل طريق المقصف الله يخلي الواسطات