[align=center]^
^
^
مشروع طرارة
وش أسوي بكم ,, موضوعي ذا لازم تدخلونه وتشاركون فيه مرة وحدة ,, يعني ماينفع معه التقسيط المريح ,, للي متعودين على الأقساط
طبعا من زمان وأنا ودي أحط بصمتي في هالمضيف ’’ لأني عارفة إنه محتاج لشعشعة نوري ولمسة كيبوردي>>> يامصل الغرور تكفون
عشان كذا جيتكم طايرة ومعي هالموضوع ,, بس ياويلكم لو قلتوا إنه مكانه ماهو هنا,, لأن تحطيم مواهبي الفذة وقدراتي الخارقة شيء صعب بالنسبة لي وممكن يترتب عليه حرمانكم من إبداعاتي
الموضوع يعتبر مثل تحليل للشخصية لكن بطريقة مغايرة ,, يعني نتيجة الاختبار اللي راح أسويه لكم تبي تكشف لكم ترتيب أولوياتكم في الحياة >>> ماش ماأعرف أرتب حتسي الفلسفة
طبعاً الاختبار عبارة عن قصة قصيرة فيها مشكلة ,,بعد ماتقرونها أبي كل واحد يقول لي من هو الملوم في القصة ,, يعني من اكبرهم خطأ ومن اللي يليه ويرتب لي شخصيات القصة حسب أشدهم خطأ ,,
طبعا ماراح أعطيكم النتايج على طول ,, لازم يجتمع كم رد عشان ماتنكشف طريقة الحل وتصيرون تقدرون تحلونها من أنفسكم
نجي للقصة الحين ,,
كان ياماكان >>>> شكلي ضيّعت الطريق
رجل أحب فتاة ,, ونوى الزواج منها ,, راح لأهلها يخطبها ,, الأهل أنواع الجفاسة
فكر الشاب هو وفتاته >>> فيلم مكسيكي
وقرروا انهم يستشيرون شيخ في مسألة الزواج بدون رضا الولي ,, يعني يحط أهلها في الخامس ويتزوجها
راحوا للشيخ ,, واستشاروه ,, قال لهم ,, لازم عشان تتزوجها بدون وليها إنك تبعد عن المدينة اللي فيها وليها وتتزوجها في مكان بعيد مالها فيه أهل ولا أقارب
راح الشاب وقال للفتاة أو للبنت (( أحس الفتاة طالعة ثقيلة
المهم مر الشاب على فتاته وراحوا للميناء عشان يركبون أي سفينة توديهم لجزيرة بعيدة ,, لقوا لهم سفينة بس ماكان معهم فلوس ,, قالوا للقبطان : ماودك تودينا معك للجزيرة الفلانية ببلاش >>> طلعت سواليف تسني بديت أمون
القبطان رفض وقال لازم كل واحد منكم يدفع الشيء الفلاني >>> كناية عن المبلغ
قال الشاب لفتاته ,, انتظريني في السفينة بروح أجيب فلوس وأرجع لك ,, المهم القبطان عطاه ركبة ومشى وخلاه والفتاة معه
قامت وأعطته ملابسها ,, ويوم وصلوا للجزيرة نزلت فيها وهي ماتدري وش تسوي ,, شافها واحد من القراصنة في الجزيرة قام واعتدى عليها واغتصبها
الحين نجي لمحور حديثنا >>>> ياربي على محور
رتب الشخصيات التالية حسب مسؤوليته في حدوث المأساة التي وقعت للفتاة في نهاية الأمر ,, يعني أيهم أكبر مسؤولية بالترتيب :
الشاب ,, الفتاة ,, الشيخ ,, القبطان ,, القرصان (( ماهب ولد عم المرقوق
رتبوهم بالدور ابتداءاً من المسؤول الأول وحتى المسؤول الأخير ,,
تقبل التبرعات على حساب رقم >>> عسى ماشر
يالله في انتظار اجاباتكم ,, ومثل ماقلت لكم أول ,, ماراح أرد على طول ,, لازم يجتمع عندي مجموعة من الردود عشان اعطيكم الحل دفعة وحدة >>>> زولة
تحياتي للجميع [/align]
رد مع اقتباس
هالكلمة هي ويش تعني 
المفضلات