[poem=font="Simplified Arabic,4,burlywood,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أحسب إني أنا لحالي طليق(ن) تايه ومسجون=أجوب الكون جريح إحساس اشيل الصوت بالدانه
يجاوبني على الموال قلوب(ن)بالأسى يزهون =تشيل الصوت بطروق(ن) تزيد الجرح واشجانه
عيون الكون غضّي لا تثيري بالشمات إحزون =كفى من لوعة الأيام شربنا الكاس مليانه
مرار العلقم البرّي شربته راضي(ن) ممنون = بياض المفرق اللي لاح كثر الهم سيسانه
عجيب(ن)أمر بعض الناس على البلوى تجرلحون=وترسل بالفضا نغمات وكل إيجرب إلسانه
غريب(ن) أمر ذا الدنيا مع الراحه تحد سنون=وتطعــن بالظهر خـنـجر وتزرع بالحـشـى دانـه
ناس(ن)على العزّه نشت ولا ترضى الخنا والهون=وناس(ن) على الذِّله ربت عماد الكون وأركانه
غريبه عجزت أوصفها لا طعم ولا لها من لون=بها قلّ الوفا والطيب وطال ذراع سفهانه
ألا يامشقي(ن)ذاتِك حذاري تنخدع بالعون=خسر من هو ترجّاها ونفــسه دوم شقـيانه [/poem]
رد مع اقتباس
المفضلات