[poem=font="Simplified Arabic,4,blue,normal,normal" bkcolor="transparent" bkimage="backgrounds/8.gif" border="none,4,gray" type=0 line=0 align=center use=ex num="0,black"]
يأأخواني أتاني رجل من الديار الغربيه يطلب مني أفزع له عند الشيخ فهد البيدر التمياط
وأنا لاأعرف فهد التمياط..أعتذرت ولم ينفع طلب مني قصيده موجهه
لفهد البندر أو أذهب معه
قبلت أن أكتب له هذه ألأبيات وأرفض الذهاب الى هناك
لالاأني متكبر ولكن كي لاينظر لي بعض الناس السفهاء بأني كتبت القصيده لغرض
في نفس يعقوب
أتمنى أن تصل الشيخ ويساعد هذا الغريب
قولو لأبن بندر زبون المـــــشاكيل"......."زبن الــــــغريب اللي تمـــــــــــنى عيالــــه
أرسلت لك عنّي فقار التمـــــــاثيل"......."أمّا مجيي لك صعـــــــــب((ن)) وصاله
ارجو السموحه يارفيع المنــازيل"......."ماهو كبر أو كبرياء وجــــــــــلالــــــــــــــه
لكن يدرى الهرج والعذل والميل"......."أيضا ولا قبلك شيــــــــــوخ((ن)) عنالــه
ماهو مثل ناس تحب التعاليــــل"......."عبّادة القرش الحمر من أهبــــــــــالــــــــــــــه
له المذهب الكافر بداخل أسرائيل"......."نوب ((ن)) صحيب ونوب يلوي أعقاله
اللــه يرسل له طيور من أبابيــل"......."حكّاية الوجهــــــــــــــين مالي ومــالـــــــــه
تفرح بعلم السو وتنشر غرابيل"......."عيده ليامن نمنمت له بقالــــــــــــــــــــــــه
للحين مامات الردي والعواذيــل"......."وأنا أخاف اللي يشيل النقالــــــــــــــــــــــــه
حتى أكيل أخطاي يالشمري كيل"......."خاف أنطعن بأقفاي ذبحة أغيالــــــــــــه
أو ينسبوني لأبرهه راعي الفيــل"......."وارجم بلا ذنب وتموت العدالـــــــــــــــه
عزلت روحي .والليالي محابيـل "......."عن لاتجي بقــــــعا وتفتل أحبالـــــــــــــه
ولويحصلي منزل من ورا النيل"......."أنزل مع اللي مايعرف النزالــــــــــــــــــه
البعـد يذكر للجروح المساميــل"......."طب(ن)وراعي البعد ماهو ماهو بداله
وألاّّ منا عيني مشاهد رجاجيل"......."شرواك ياتاج الشرف والشكالــــــــــــه
عنّي لياجتك القوافي مراسيـــل"......."دقق بهــا ووسومها في شمالــــــــــــــــه
في ظلمتــه ولّع شموع وقناديل"......." باليله اللي ماتبيـــــــــــــــــّن أهلالــــــه
تراه من بركان جارف كما ويل"......."جحيمها أكبر من منابع زلالــــــــــــه
صغته وعدلته عن الزيف تعديل"......."روابع (ن) من راس نبراس قالـــــه
لو المعاني بن كيف ومعاميــــل"......."أنا بهار القاف وأعجب أدلالــــــــــــه
متكفل(ن) بالعود والبن والهيل"......."دامه تساق لمثلكم ياطرالــــــــــــــــــه
والاّترى بعض القصايد مواويل"......."حشو(ن)مثل علبه بوسط البقالــــــه
واليوم ودي أقصر العلم ماطيل"......."خاف(ن) تجر تاللي القصايد أطواله
وش حيلتك لاصرت قرم وحلحيل"......."لالا ومن بيت عريق يعنالـــــــــه
ثم أدبرن بيض وعقبهـــن مقابيل"......."سود الليالي وأعتبرتـــه رسالـــــــه
دوّرت بأصحاب الرخالك زماميل "......."والكل تبرى وراح عنّك لحـــاله
والحمل زاد وترقب الجدي وسهيل"......."متأمل بفزعة’ رفيق وزمالــــه
وماتفطن الاّ لايذ(ن)بك دواخيــــل"......."طاح وفرش بشته وطوّح أعقالــه
عزيز قوم وهل نو(ن) هماليــــل"......."غريب دار وطاح يمّك دخالـــــــــه
ظني تصير كبار همك تساهيـــل"......."تنسى همومك بس تبي طيب فالـــه
أو تنتخي برجل يشيخ بــحلاحيل"......."أبوه عرّب منسبه من خوالــــــــــــه
شرواك ياكساب جل التنافـــــيل"......."عند اللزم يرخص بغالي حلالــــــــــه
ياولد اطلق من علا صهوة الخيل"......."بعد الرسول وصحبه اللي صفالـــه
بندر سقا قبره من الوسم له ســيل"......."من مزنة قرّا ترزّم أثقالــــــــــــــه
تنشا من الغربي بروق ومخاييــل"......."وأرعودها بشرى بصادق خيالــه
بأمرالولـي وتخضر أربوع ومساهيل"......."تضفي على القبر الشمالي أظلاله
حيث أن يرقد فيه يالربع حلحيـــل"......."بالذكر والاّ ماحضينا بقبالـــــــــــه
شيخ لياجوه النشاما محاويــــــــل"......."يلقون به ريف وتخالط أخصالـــــه
مثل الربيع بوجه بدو ومماحيــل"......."طلق الحجاج وكاسب(ن) للجمالــه
ماصار مثل الشيخ بندر مع الجيل"......."في وقته اللي به وسابق أجيالـــه
نبراس راس المرجله له مداهيــل"......."تقوله أرجل(ن) كريمه أسبالـــــه
الطيب ظيف بنجد ويمر ويحيــل"......."بس عنـــد شاهه منوّخ أرحالـــــــه
ماقلتها وقصدي وراهــا محاصيل"......."أنا عدوّي من كثير(ن) أريالــه
أرفض أخاوي راس لاأنتسب ذيل"......."وأموت حر وشيمته راس مالــه
من خوف لامنه هرج يارجاجيل"......."خاف أبتسم ..والناس فيها جهاله
آمنت بأني أنصف الحق ماعيــل "......."هذا ولالي بأرث آدم وكالــــــــــه
تقبلوا تحيات حماد الخريصي[/poem]
رد مع اقتباس
مشرف مضيف الترحيب والتعارف
المفضلات