سينيمون للزولات :)
بصراحة هو مايقتصر على الزولات لحالهن
يعني ينفع للزولات والرفلات والسنعات ;)
السينيمون وفي رواية السينيبون >>>> الظاهر الرواية الثانية راعيها مزكم :D
عموما كل الاسمين لهم محلات مشهورة تصلحه والظاهر محل السينيبون المزكم أطعم من السينيمون اللي مازكم |14|
المهم نجي للمقادير :
1/ خبز صامولي .
2/ كاس حليب بودرة .
3/ نص كاس سكر .
4/ شوي فانيليا .
5/ نص كاس ماء .
6/ ثلاث ملاعق دارسين (( قرفة )) .
7/ الصوص : فيه ثلاث أنواع :
الأولى : للزولات جدا : شوكولاتة هيرشي السايلة ,, تلقينها في العثيم أو بنده
الثانية : لمتوسطي الزوالة : سكر مع شوي مويه يعني نقطي عليه المويه تنقيط لما يطلع الخليط خاثر شوي
الثالثة : للسنعات : صوص التوفي : نص كاس سكر حطيه في مقلى وخليه يذوب على النار أو ينصهر أو يتسامى مدري وش يسمون الحالة اللي تصير له
الطريقة :
- قطعي الخبز حلقات ,, عرض الحلقة تقريبا اثنين سنتي .
- حطي الحليب والسكر والفانيليا والماء في الخلاط .
- خذي حلقات الخبز واغمسيها في الخلطة بعدين اغمسيها في الدارسين وصفيها في الصينية .
- دخليها الفرن وشبي عليها من فوق بس قصري للنار عشان تبطي ماتتحمر ويمديها تتشرب الخلطة .
- بعد ماتتشقر >> مب كني قايلة تو تتحمر
- جيبيها مع القهوة بس نصيحة لله لاتحطين تمر لأنه بيقعد ماهو موكول
وصحتين وعافية ,,
رد مع اقتباس
المفضلات