[poem=font="Arial,4,white,bold,normal" bkcolor="black" bkimage="" border="none,5,gray" type=2 line=1 align=center use=ex num="0,black"]
وش رفعّك بعيـون من هو يسهـــرك لولا السواد = وانا خويك من عمـر بـــالله قلــي كـــم سنه
وانتَ تذر من السهر وانا آتعـلـلــك بـحياد = تغني "يـ بو سمرا"لحالك عن جميـــع الالسنه
ماهو بـ انااللي يوم غيري راغ عنّـك للرقاد = أنا "يـ بو سمرا"عيـوني ماتعـــرف الكنكنه
تعيش لحظاتك سهر وان رحــــت صارت لك مداد = ماارخت رموش عن السهر في هــالسهر متحرفنه
لعبة عيوني هالسـهر لاهبهــبــت ريح الهجاد = صرصر وجــدا عاتيـــه جـــدا تجــي متمكنه
والغايب اللي له ثلاث ســــنين منفي للبعاد = مايدري انه ضاقت بعيني بعــــــــد الامكنه
هذاك ابو بالٍٍ خلي صغير سن وبــــــه عناد = اللي خذا قلبـي معــــه من دون ما يستأذنه
إغليـه لو كانت عيونه عن مدى عيوني ابعاد = أقـــرب من عيونــي وهو على مــرور الازمنه
يغيب عن عيني كذا عجزت اعـرف اشـــ استفاد = يروح ما مـد العــذر فاكر غيابــــه دلعنه
تعـــال وادلعن علــى كيفك وصـدري لـك بلاد = تجــوب بضلوعـــه غلاك ان كان هاوي السلطنه
منفـي بعدك ابلا عمر والرمش منفي بــلا نواد = ضايق يبو حدب الرموش وخلاص يكفـــــي ولدنه
(انني اعطـــــــيـتُ مااستبقيت شيئا)للسهاد = لو مـــت باكــر هالغرام المكتئب من يدفنه
من وين مااطش النظر يستقبله طيـــش الحداد = أخاف ياصغّير غدا تـذبل لقدرك بقلبـي سوسنه
نايم بــواد وشاعرك هيمـان في مليـون واد = بــدري تنام وصاحبـك عــالميجنه عـالميجنه
زمان ما طّلت عيونـك مـن هــــنا يالسندباد = زمان عن لعب الجمر لا ضـعت بـــه والشيطنه:
من نظرتــك لا استرسلت والحتف من فم الزباد = زمان عن هـــاك الثمــان الحاليات المثمنه
اللي ليـا تـبـسـمت غــــزيتهـا بليا جياد = واللــــي ليا من سولفت سمعـي غشت الدندنه
واليوم لك ثالث سنه ولا نــــشدت عن الجداد = وانا اذكــــرك قلت السهر اموت به واتفننه
واذكر بعد قلت:السهر ميّل على رمشـــي وساد = وانا اذكر انـــي حينها همســــت:الله يلعنه
لو كانت الاشهر ابريل وكـــل جنســك شهرزاد = مصدقــــــك مصدقـــــك بس السهر ذا ملعنه
قال ايش قال:رموش عيني بـالسهــرماهي جداد = ياعـــم وش هالسالفـه؟ وش عرّفك بـالونونه؟
يزعـل علي الليل يادلـــوعة امـك لـو اراد = ان كان غيـري يسهـــره وان كان غيـري لحنّه
تعال اعلمك السهر واعـــطيك مـن علمه وكاد = هالـعـمـر ما غيره عـمـر تعـال يكفي ولدنه
تعال اغني لك ( رحل) تعال اغني لك ( بعاد) = (لسا الاغانــي ممكنـه لسا الاغانــي ممكنه)
[/poem]
رد مع اقتباس
المفضلات