يبي الزود وتوهق المقرود!
السلام عليكم
إليكم هذه القصه الطريفه والتي اتمنى ان تلقى القبول
فيه واحد يقال له غنيم من البسيسات من الحبلان من عنزه والي شيخهم ابن هذال
غنيم هذا راعي فلوس وأبل وخير ، وكان ممن يحبون المظاهر شوي ويحاول يبين غناته بين ربعه فكان يكثر من الخدم والحشم والرعيان وتسنه قامت تهقويه نفسه للشيخه، فقام قال مالي الا اتزوج بنت ابن هذال شيخ العموم.
كان في تلك الفتره الشيخ مشعان ابن هذال وكانت حالته الماديه متدهوره شوي فأستغله غنيم وهو يجمع حاشيته وعبيده ويكشخون ويسوق معه حوالي مية بعير وهو يسير لأبن هذال يبي يخطب منه.
أبن هذال أثاريه مندبلةٍ تسبده من فشخرة غنيم وزوده وتبجحه بكثر الاموال فقال في نفسه أبي أعرفه قيمته وأوريه أن كثر المال مايسوي الرجال ولا يصنع الابطال.
أبن هذال يوم انه جاه غنيم وهو يستقبله ويسوي له هكا الكرامه الكبيره وتجتمع عنزه ببيت الشيخ ويوم أكتمل المجلس وهو يتناوش مشعان ابن هذال الربابه وهو يقوم يغني بهالبويتات الي عفسن مزاج غنيم عقب مهو متكايف ويبسط من هالسوالف وهو يهج الله لايفشلنا حتى ماكلا عشاه
[poem=font="Simplified Arabic,5,skyblue,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
يقول مشعان أبن هذال:-
ياربعنا قد حرمن الرعابيب=وركب المهار ونقلنا للسلاحي
من يوم قيل غنيم بالنزل خطّيب=متبجحٍ يبغي اظبي البراحي
يبغي غزالٍ خالط المسك والطيب=والى مشى خطرٍ عليه الطياحي
هي قط مغويتك حرش العراقيب=عشايرٍ وإبها سمين اللقاحي
ماذكرت الحصني يصيد الاشابيب=والبس يقنص للنعام المداحي
دور حليك من إبريه الدياحيب=فترٍ ظهرها من عراض الفطاحي[/poem]
رد مع اقتباس
المشاركة الأصلية كتبت بواسطة راعي الوقيد
المفضلات