[poem=font="Simplified Arabic,4,skyblue,bold,italic" bkcolor="transparent" bkimage="" border="inset,4,gray" type=1 line=0 align=center use=ex num="0,black"]
احبتي اود المشاركة بأبيات متواضعة لعلها تنال استحسانكم
يا راكب اللي بالوطى مالها عـج = ممشاه مابين السمـاء والمزونـي
تمشي على قاز(ن) ونار(ن) توهج = هذا طعامه يـوم لـه يصنعونـي
فوقه غلام(ن) له اسبوع(ن) تخرج = يبي يبرهـن خبرتـه والفنونـي
إن أقلعت قامـت تـرج المـدرج = وتسبق عيون اللي لها ينظر ونـي
واليا استوت قامت تفج الهواء فـج = شعيط خام(ن) يوم له يشرحونـي
صوته بفج(ن) بالسماء وجسمه بفج = عجزو هل الصنعة لهن يجمعوني
بالله يـا لكابتـن أحـب أتفـرج = على مقدمـة الجنـاح اركبونـي
واليا وصلتو ديرة(ن) قيل به عـج = الله يسهـل دربـكـم حولـونـي
لي به رفيق(ن) عنده الصدر يثلج = يشفق على شوفي وأنا له حنونـي
يابو.روان. تر شوفتك تشبه الحج = عندي ترى شوفك يكحل عيونـي
أنا وأبو نايـف نجيـك انتهـرج = نشفق عليكـم مثـل ماتشفقونـي
نبي بها لدنيا سوا ليف مع هـرج = لابد من يـوم(ن) هلـي يدفنونـي
لابد من يوم(ن) يجي موفقه حرج = لانـي بنافعـكـم ولا تنفعـونـي
عسى لكم من عند الإلـه مخـرج = صحا يف(ن) بأيمانكم تحملونـي
وصلاة ربي عد من للحـرم حـج = علـى نبيـا(ن) لسنتـه يتبعونـي
سطم فهد ال خليل ( ابو فهد)[/poem]
رد مع اقتباس
المفضلات