(( الــريــاض ))
[align=center][frame="7 80"]
الغالين بالمضايف..
اسمحوالي بهذه الكيبوردية..
اتمنى ان تلاتقي لذائقتكم رغم قصورها
[poem=font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا والله الا مابقى بالزمن خير = واللي حصل علامة من العلامات
من يوم صار الدين قتلٍ وتفجير = وتحت ستار الدين تبنى عصابات
دمّر رياض العز من غير تفكير = اهل الفتن واهل الخطا والضلالات
ارهاب واحزاب وجماعات تكفير = داعين للفتنة وللانقسامات
الدين في مفهومهم دين (تخدير ) = اثارة الفتنة وتفعيل الأزمات
ياما رجينا تنفرج بالتياسير =والهقوة اللي روّحت مابعد جات!
يومن تفاجأنا ومن غير تحذير = عبر الفضاء ومن خلال المحطات
اخبار شينة .. بالصور والتقارير =(عدد من القتلى وبعض الإصابات)
دين السلام يصير دين الاعاصير = يشمت بنا من فعلهم كل شمّات !!
واللي يعلّ القلب ويزيد تكدير =عدونا منا وفينا ولا مات!؟
ومهما عملنا بالأمن والتدابير=انا اشهد انها موجعة طعنة الذات !
غير الدمار وغير كل المخاسير = شبابنا بعقولهم راحوات اشتات
ولا وش اللي يدفعه (ينتحر ) غير = انه مخدّر فكره بـهالشعارات
------>>>
[الدين دين العنف . .دين التعاسير =و ان الشهادة خلف قتل الخواجات ]
[ونيل الشهادة للذي يعكس السير =ويخالف الامة على كل الاوقات]
!!!
يالله ياللي تعلم الحال وتدير = كونك .. وتعلم بالخفا والملمات
انك تحرر فكر الارهاب تحرير= وتنعم علينا بالأمن والمسرات
ويالمملكة يادار الاسلام والخير=الله يجيرك من جميع الخيانات[/poem]
وسلامة الجميع
السنافية[/frame][/align]
رد مع اقتباس
المشاركة الأصلية كتبت بواسطة سعود بادي
المفضلات