[ALIGN=CENTER]مساء الخير وصباح الخير
عندما تسألك حبيبتك
هل تحبني00!!
هنا تكون ربما هي الأجابة الحقيقية
>>>>>>>>>>(لاحب من غير أرتباط)<<<<<<<<<<
هي:تحبني ياحبيبي؟
هو:القصة أكبر من كذا..!!
هي :وش كثر؟
هو:القصة أخطر من كذا..!!
هي:ياحبيبي لاتطولها معاي....سمعني غزل
مثل كل الحبايب...!!
أحس أنك رجل ناشف ياأخي
يعني بذمتك أنته بشر..!!
شوف أحمد مع عبير..!!
وشوف رفعة مع حمد..!!
شوف حتى هذي أثير يتغزل بها....عبدالصمد
ليش أنت أنسان ناشف
ليش ماعندك مشاعر؟
هو: القصة أكبر من كذا ...القصة أخطر من كذا
الحب عندي مثل الغذا...(هيا كذا)
وش جاب أحمد مع عبير...وش جاب رفعة مع حمد
ذيلا حضر...وذيلا بدو
ماعرفوا الحب عندي وش يكون
الحب عندي مسئلة
ماهي تبادل بالصور ..
أو ورد..
وأهداء العطور
الحب عندي مسئله..مرت على كل العصور
جهد وعرق...كثرة أرق
(تعب تعب)...إلين نسكن بالقبور
يابنت أنا حملي ثقيل...ومالي قليل
((بدأ يعد على أصابعة))
(بيت أيجار)+(بزرانٍ صغار)+(سيارة أقساط)+(جبن وطماط)
يابنت هذي المسئلة..
خلتني أنسى قصتي..
وأنسى معاها لهفتي...لم العيون السود
والقصة فرنسي
راح الشباب..وشاب الشعر
خليني أبدا من الصفر
[poet font="Simplified Arabic,4,darkblue,normal,normal" bkcolor="transparent" bkimage="backgrounds/19.gif" border="none,4,gray" type=0 line=200% align=center use=ex length=0 char="" num="0,black" filter=""]
ألا يانور هالدنيا أبكتب لك صباح الخير
سلامٍ ينعش أوقاتك وينبت في خطاك زهور
[/poet]
تذكرين أول دلعنا +غزلنا بالرسائل
شوفي حبنا أوله غزل...ثمٍ دلع
ثمٍ ولع...ثمٍ يفرق بيننا واحد لئيم
ثمٍ نعود ونجتمع...
الله ياحب الحريم...
شفتي بعمرك حب أكتمل من غير أرتباط؟
الحب من غير الزواج
فكر أزدواج...
كذبة بشر...
كلمه وصفصفة حكي...من شيطانٍ رجيم
يبي يضيع عمرنا من غير فود
حتى بأم الحريه أمريكا...
تلقين بعالمهم حب وزواج...
وش هو دليله ذا الحكي؟
أن البشر هم البشر
(لاحب من غير أرتباط)
(f)
تحياتي لكم...
أحمد[/ALIGN]
رد مع اقتباس
المفضلات