[align=center]عذرا لكم ولذائقتكم ...
تعودت على مضايقتكم ..
فلا تبخلوا علي بقبول عذري هذه المره ...[/align]
[poem=font="Simplified Arabic,4,skyblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الليالي .. والقصيد .. وخلوتي .. وظنوني .. =مابقى فيها مساحه تتسع .. لاحلامي ..
من كثر ماكنت اخبي دمعتي بعيوني .. =ضاق صدري .. واستقرت في حشاي آلامي
ماعرفت من الحياة الا التعب ياعوني .. = ليت لي قدره واجيب عظام غير عظامي
الشقا يرسم ملامح قصتي بشجوني =مابقى للنفس غير اللي بقى بحطامي
ماهقيت ان القدر مايرحم المغبوني =والله اني ماكربت لهالزمان حزامي
قمت اعض من القهر كل الورق بسنوني =والقلم يبكي على سبابتي وابهامي
وانت ياللي مانشدت بغيبتك .. وشلوني =ليتك اعتقت الجروح وسقتني لاعدامي
مالقيت الا غيابك .. والضما .. وجنوني =والسقيم اللي بقلبي يشتكي للضامي
كني اللي حط عمره للقدر مرهوني =واقتـفتـه الريح واهدتــْه الفراق الحامي
كل شي ٍ مايساوي .. حـَنـيتي لمتوني =غير درب ٍ ماوصلته وانكسر قدامي
آآآآآآآه ياحلمي دخيلك .. لاتعثـّر دوني = وان جفاك الصبر سلّم للطريق اقدامي
الله اعلم وش بقى غير انهم خلوني = الله اعلم وش بقى غير العنا بــ ايامي .. [/poem]
بكل الود ..
نواف
رد مع اقتباس
المفضلات