نذّااااااااخ..ومعيــــــّد

[أبو مقرن]

[align=center]لاعدتي..من نذخة..
هذي سويلفة.ن. جرت بعيد (الضحية)..الماضي..وهالمرة..مانا ماغطكم ياما تيبس كبودكم..يعني ماحنا متعدين.ن.الـ(10000) حرف..منهن وجااااااي..
المهم..
يوم أفطرنا(للي صاموا مكفّر السنتين)..وقبل ماأكف يدي من المويعينات..ياهذا الجوال يبرق..<<<
هذي الخاصية..حصريا فقط..
(( لدى من جرس جواله مايرن..أما وادزع.ن. منوه..أو غار.ن. بلوه مطينه..))o
ياوالله كبير العلابي..يترندح أمامي ماثلا كالفيل على الشاشة..|513|
أنا: هلا..تسبير العلابي..
هو: مرحب.ن. بوووووه..وشلونك..
أنا: طاب لونك..وعيدك مبارك..
قال: أي عيد...<<<آثري الرجال مادري بيوم رحيل ..
قلت: لعن أبو بوش.ن. مع العلج شارون....تسيف أي عيد؟؟؟:confused:
قال: والله إني مادريت إلا منك هالحين..|1|
وأنا أشوف الشايب منعوي.ن. بالحويش الظهر..ويوم قلنا الغداء (ينف بيده)..<<<كناية عن الرفض في مصطلح البعض..
قلت: ماعليك إن شاء الله..عاشوراء وجهه جاي..والمؤمن مايغفل عن مثل هالفرص..
قال: ألينك صدقت..إلا مادام إن الليلة عيد..وش رايك أمرك ونسهج الحلاق..
قلت: (نو بروبلم)..مرن عقب الأخير..نبي يم لنا حلاق.ن.خوي.ن. لي على الكيف..
صلينا الأخير..ياهذا كبير العلابي..على مليويته له قرشة.ن. ياما وقف عند الباب..
قلت: إقلط ..خلنا ندزهويك..
قال: يااااجينا من الحلاق...بساع هالحين ماتلقى لك المخش...
ونجيك..نمشي كل طبلون أم عزيز..الله حق طبلونه عدك تمشي 60كم
ويوووم وصلنا..ياولله العالم تضارك..مثل مضارك الجمرات...
ونمسك..سرى..وسرى الليل وحنا ماوصلنا الدور....ياما انتصف الليل..وحنا نحلق وبوجهنا للبيت
وهو يقرطن على باب أهلي..ياولله الواحد مابراسه إلا الفريش..ولاقلت لوه شن؟؟يعني(ماعزمته)..|501|
قال: يــــــله ..تبي شين..خدمة؟؟<<<<<يتعلث يبينن أقول حول تقهو..|512|
وأنا تسني..مانا فاهم..قلت: لا سلامتك....قال: سلم لي على الوالد..
قلت: يبلغ..ولو إنه مايداني شوفك..وينغث ياحلّ طاريك..cool:
قعدت الصبح..ياولله مضحي..والعالم معيدة.ن. من الفجور..وأنا بوجهي ألبس هدوم العيد..
وأجيك مجفع.ن. لبيت العمة..<<<<ياما والله بوه من وصل الرحم..يبي يعايد عمتووه..ولا ماقصدوه البنيوات المجاويز..:DD
يوم جيت ياولله المشب مفتوح..والقهوة على النار..ولامن أحد..وعلى ماقعدت وهي تنبذ علي هالناس
قلت: ولوووووا..ماجو إلا يوم جيت..وهااااات يامباوس..مع إن بعضهم العمى أهون من مطقتوه..بس الشكوى لله..
قعدناااااا..وأنا ألز..لـ(الدحمي)..أصغر عيال عمتي..قلت: رح يالغالي صوت لأمك..قل بناخييتس
يبي يعايدتس..وهووو يثـكب(أي قفز وبسرعة) من عندي..ويوم خذيت يمار هو جاااي..
هاه..وين أمك؟؟؟؟
قال: شوي..وتجي.. ... وهو يتعدانن مغضور الشبر..يم الدلال..بزعمه إنه رجل..وعاد من رداة الفال أنا اللي من يموووه..والمجلس مليان.ن. وبعضهم أجانب ..مااعرفهم..
المهم..باللي ماهدااااااه..وهو يخطف طويسة غسول الكاسات والفناجيل يبي يغير الماء..
ياااااولله كل الطويسة منتسفية.ن. علي..وهو بحضني..!!!!!|3|
ياولله الغتيرة والثويب الملويااااات دزالبات صفر..وهالعالم له طخااااااااااات.ن. من الضحك..|17||17|
وأنا آخذ مغضور الشبر..فوق راسي وأرفس بوه..وهو يقوم له لو جعير.... وأن أحط رجلي..حتى النعيلات(نعيلات العيد أعزكم الله ) خليتهن عندهم..
واحترم هكالغديان وهكالعشيان..والعيد بكبروه إحترمتووه..وكله بسبب هالنذخة..
ومقيووووووولة( اللي ماهو لله ..مايعمر)!!!<<<<يانصح مخك ياراعي هالمثل
وعاد من ضيدزة الصدر..الناس معيدة..وأنا أتلفت بالحويش منبطح.ن.فوق نثيلة تراب.ن. جايبه الشايب للمبلطين اللي ييبون يبلطون شردزي الحوش..وهي تهيض القريحة<<<ياعل ماهي قريحة بعضهم..
وأزعج هالبويتين..يم رفيق الدرب..وحبيب الئلب..(كبير العلابي)<<<عساتس تلوين عِشرة[/align][poem=font="Traditional Arabic,5,white,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
يابو العلابي عيــدنا يالخــــــوِّي ماش=ومسيارنا لاعاده الله..فشيله
ثوبي كمش والزول ِ يشدى لخفّاش=مبتلِّ ريش.ن.والغصن مايشيله
أقفيت ِعن دار الأجـاويدِ منحاش=الراس ِ يقطر والأذن والفنيله
ومن الفشيلة مرتبشْ وإِخمش إخماش=وخليتِ لي نعله فريد.ن. موديله
لاعمّة.ن. شفته..ولاذقـت الأكـباش=في وسط حوشي معتلي لي نثيله
كله سبب طفل.ن. غثيث.ن. به خراش=ملعون أبو رسرس قليل.ن.حصيله
تشكي من قعودي وسيعات الأحواش=من العيد الأول وأبو مقرن نزيله
أنفش شعر راسي تقل راس ِهوّاش=واعضِّ صبعي وإعقبه مع بديله
ومن كثرِ تفكيري غدى الراسِ منداش=صدّعت من فكر.ن.دروبه طويله
يابو العلابي شف لنا حلِّ وإنعاش=وخلْ نتماكن عيدنااااا..يالهبيله
والشرطِ والم شيك ِ ولاّ..بعد كاش=أبشرْ إلا جبت الفرج والوسيله[/poem]

[متفاائل]

[align=center]لاعدتي..من نذخة..
هذي سويلفة.ن. جرت بعيد (الضحية)..الماضي..وهالمرة..مانا ماغطكم ياما تيبس كبودكم..يعني ماحنا متعدين.ن.الـ(10000) حرف..منهن وجااااااي..
المهم..
يوم أفطرنا(للي صاموا مكفّر السنتين)..وقبل ماأكف يدي من المويعينات..ياهذا الجوال يبرق..<<<
هذي الخاصية..حصريا فقط..
(( لدى من جرس جواله مايرن..أما وادزع.ن. منوه..أو غار.ن. بلوه مطينه..))o
ياوالله كبير العلابي..يترندح أمامي ماثلا كالفيل على الشاشة..|513|
أنا: هلا..تسبير العلابي..
هو: مرحب.ن. بوووووه..وشلونك..
أنا: طاب لونك..وعيدك مبارك..
قال: أي عيد...<<<آثري الرجال مادري بيوم رحيل ..
قلت: لعن أبو بوش.ن. مع العلج شارون....تسيف أي عيد؟؟؟:confused:
قال: والله إني مادريت إلا منك هالحين..|1|
وأنا أشوف الشايب منعوي.ن. بالحويش الظهر..ويوم قلنا الغداء (ينف بيده)..<<<كناية عن الرفض في مصطلح البعض..
قلت: ماعليك إن شاء الله..عاشوراء وجهه جاي..والمؤمن مايغفل عن مثل هالفرص..
قال: ألينك صدقت..إلا مادام إن الليلة عيد..وش رايك أمرك ونسهج الحلاق..
قلت: (نو بروبلم)..مرن عقب الأخير..نبي يم لنا حلاق.ن.خوي.ن. لي على الكيف..
صلينا الأخير..ياهذا كبير العلابي..على مليويته له قرشة.ن. ياما وقف عند الباب..
قلت: إقلط ..خلنا ندزهويك..
قال: يااااجينا من الحلاق...بساع هالحين ماتلقى لك المخش...
ونجيك..نمشي كل طبلون أم عزيز..الله حق طبلونه عدك تمشي 60كم
ويوووم وصلنا..ياولله العالم تضارك..مثل مضارك الجمرات...
ونمسك..سرى..وسرى الليل وحنا ماوصلنا الدور....ياما انتصف الليل..وحنا نحلق وبوجهنا للبيت
وهو يقرطن على باب أهلي..ياولله الواحد مابراسه إلا الفريش..ولاقلت لوه شن؟؟يعني(ماعزمته)..|501|
قال: يــــــله ..تبي شين..خدمة؟؟<<<<<يتعلث يبينن أقول حول تقهو..|512|
وأنا تسني..مانا فاهم..قلت: لا سلامتك....قال: سلم لي على الوالد..
قلت: يبلغ..ولو إنه مايداني شوفك..وينغث ياحلّ طاريك..cool:
قعدت الصبح..ياولله مضحي..والعالم معيدة.ن. من الفجور..وأنا بوجهي ألبس هدوم العيد..
وأجيك مجفع.ن. لبيت العمة..<<<<ياما والله بوه من وصل الرحم..يبي يعايد عمتووه..ولا ماقصدوه البنيوات المجاويز..:DD
يوم جيت ياولله المشب مفتوح..والقهوة على النار..ولامن أحد..وعلى ماقعدت وهي تنبذ علي هالناس
قلت: ولوووووا..ماجو إلا يوم جيت..وهااااات يامباوس..مع إن بعضهم العمى أهون من مطقتوه..بس الشكوى لله..
قعدناااااا..وأنا ألز..لـ(الدحمي)..أصغر عيال عمتي..قلت: رح يالغالي صوت لأمك..قل بناخييتس
يبي يعايدتس..وهووو يثـكب(أي قفز وبسرعة) من عندي..ويوم خذيت يمار هو جاااي..
هاه..وين أمك؟؟؟؟
قال: شوي..وتجي.. ... وهو يتعدانن مغضور الشبر..يم الدلال..بزعمه إنه رجل..وعاد من رداة الفال أنا اللي من يموووه..والمجلس مليان.ن. وبعضهم أجانب ..مااعرفهم..
المهم..باللي ماهدااااااه..وهو يخطف طويسة غسول الكاسات والفناجيل يبي يغير الماء..
ياااااولله كل الطويسة منتسفية.ن. علي..وهو بحضني..!!!!!|3|
ياولله الغتيرة والثويب الملويااااات دزالبات صفر..وهالعالم له طخااااااااااات.ن. من الضحك..|17||17|
وأنا آخذ مغضور الشبر..فوق راسي وأرفس بوه..وهو يقوم له لو جعير.... وأن أحط رجلي..حتى النعيلات(نعيلات العيد أعزكم الله ) خليتهن عندهم..
واحترم هكالغديان وهكالعشيان..والعيد بكبروه إحترمتووه..وكله بسبب هالنذخة..
ومقيووووووولة( اللي ماهو لله ..مايعمر)!!!<<<<يانصح مخك ياراعي هالمثل
وعاد من ضيدزة الصدر..الناس معيدة..وأنا أتلفت بالحويش منبطح.ن.فوق نثيلة تراب.ن. جايبه الشايب للمبلطين اللي ييبون يبلطون شردزي الحوش..وهي تهيض القريحة<<<ياعل ماهي قريحة بعضهم..
وأزعج هالبويتين..يم رفيق الدرب..وحبيب الئلب..(كبير العلابي)<<<عساتس تلوين عِشرة[/align][poem=font="Traditional Arabic,5,white,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
يابو العلابي عيــدنا يالخــــــوِّي ماش=ومسيارنا لاعاده الله..فشيله
ثوبي كمش والزول ِ يشدى لخفّاش=مبتلِّ ريش.ن.والغصن مايشيله
أقفيت ِعن دار الأجـاويدِ منحاش=الراس ِ يقطر والأذن والفنيله
ومن الفشيلة مرتبشْ وإِخمش إخماش=وخليتِ لي نعله فريد.ن. موديله
لاعمّة.ن. شفته..ولاذقـت الأكـباش=في وسط حوشي معتلي لي نثيله
كله سبب طفل.ن. غثيث.ن. به خراش=ملعون أبو رسرس قليل.ن.حصيله
تشكي من قعودي وسيعات الأحواش=من العيد الأول وأبو مقرن نزيله
أنفش شعر راسي تقل راس ِهوّاش=واعضِّ صبعي وإعقبه مع بديله
ومن كثرِ تفكيري غدى الراسِ منداش=صدّعت من فكر.ن.دروبه طويله
يابو العلابي شف لنا حلِّ وإنعاش=وخلْ نتماكن عيدنااااا..يالهبيله
والشرطِ والم شيك ِ ولاّ..بعد كاش=أبشرْ إلا جبت الفرج والوسيله[/poem]

-------------------------
ابومقرن الله يعوظك خير بالاعياد الجايه ايه الخيرة خفيه
حتى ابو علابي عيا بعلابيه ولا عايدك
أقفيت ِعن دار الأجـاويدِ منحاش=الراس ِ يقطر والأذن والفنيله اييييييله ههههههههههه رائعه


[poem=font="Simplified Arabic,5,tomato,normal,normal" bkcolor="transparent" bkimage="backgrounds/3.gif" border="none,4,gray" type=0 line=0 align=center use=ex num="0,black"]
كنك جريبيع سمع فوقه اقراش = راعي غنم نزل بجنبه صميله
بالروغ الادنى وضايقه لمس مخواش= ومخرج طواريه النفق به عميله [/poem]

ومن العايدين انشاء الله ومعايدك لعمتك ووصلك انشاء وصل واوله خذيته كاش
تحياتي لـــــــــــــــــك الرائع

[الاصمعي]

[align=center]وأنا آخذ مغضور الشبر..فوق راسي وأرفس بوه..وهو يقوم له لو جعير.... وأن أحط رجلي..حتى النعيلات(نعيلات العيد أعزكم الله ) خليتهن عندهم.[/align]

[align=center]افا غثيت عميمتك يازدليل الفود
الله لايبلى اثرك اقشر ليا زعلت ولا تمشي عندك سالفة من شان عين تكرم مدينه;)[/align]

[poem=font="Simplified Arabic,5,skyblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ثوبي كمش والزول ِ يشدى لخفّاش=مبتلِّ ريش.ن.والغصن مايشيله
أقفيت ِعن دار الأجـاويدِ منحاش=الراس ِ يقطر والأذن والفنيله[/poem]

[align=center]هههههههههههههههههههههههههههه:D:D:D:D:D

تدري الله لايلومك بمغضور هالشبر، ماوالله عقب وصفك هذا تلّام ابداً

<<<بس بشر عسى ماحد شافك وانت بهالحاله:D:D:D

روح الله يفتحها بوشك ياشيخ

ونستنا بهالسالفه الحلوه والقصيده الاحلى يااحلى ابو مقرن بمضايف شمر>>تسن به غيره |14|

مبدع وبطران ومهو خلي من قراده|116|[/align]

[المخاوي]

[align=center]واعزاه يابو مقرن كسرت خاطري
تسيف صابرن كل هالشهور ولاعلمتنا

ابو مقرن زين صارت الوقعه عند الرجال ولاعند العمه ;)
والا تسان ماعاد ترجعله:D لكن العوض بالعيد الجاي.
وبعدين خلك ذهين وافتح صرة هالدريهمات وعط مغضور الشبر
هاللي يتحرى منك العيديه ولامنش:D

نجم الفله ابو مقرن كالعاده ابداع في ابداع وصح لسانك يالرفيدز
لااقول الا دربك خضر يابو قلبٍ خضر ;)

المقرود مايخلا من السوالف الزينه اللي مثل هذي لاتخلينا [/align]

[شموخ]

[QUOTE=أبو مقرن][color=#00CCFF][align=center][size=5][font=Simplified Arabic]1|
وأنا أشوف الشايب منعوي.ن. بالحويش الظهر..ويوم قلنا الغداء (ينف بيده)..<<<كناية عن الرفض في مصطلح البعض..

[align=center]ههههههه الله يقطع ابليسك .[/align]

(قلت: ولوووووا..ماجو إلا يوم جيت..وهااااات يامباوس..مع إن بعضهم العمى أهون من مطقتوه..بس الشكوى لله..

[align=center]ههههههههههههههه

تحمل يابو مقرن واحمد ربك ياسر ماهو من ضمنهم والا كان مايفكك الا الظهر .[/align]

قعدناااااا..وأنا ألز..لـ(الدحمي)..أصغر عيال عمتي..قلت: رح يالغالي صوت لأمك..قل بناخييتس
يبي يعايدتس..وهووو يثـكب(أي قفز وبسرعة) من عندي..ويوم خذيت يمار هو جاااي..
هاه..وين أمك؟؟؟؟
قال: شوي..وتجي.. ... وهو يتعدانن مغضور الشبر..يم الدلال..بزعمه إنه رجل..وعاد من رداة الفال أنا اللي من يموووه..والمجلس مليان.ن. وبعضهم أجانب ..مااعرفهم..
المهم..باللي ماهدااااااه..وهو يخطف طويسة غسول الكاسات والفناجيل يبي يغير الماء..
ياااااولله كل الطويسة منتسفية.ن. علي..وهو بحضني..!!!!!|3|
ياولله الغتيرة والثويب الملويااااات دزالبات صفر..وهالعالم له طخااااااااااات.ن. من الضحك..|17||17|
وأنا آخذ مغضور الشبر..فوق راسي وأرفس بوه..وهو يقوم له لو جعير.... وأن أحط رجلي..حتى النعيلات(نعيلات العيد أعزكم الله ) خليتهن عندهم..
[align=center]
هههههههههههههههه رهيــــــــــــــــب .

ابو مقرن تسلم ايدك على هالمشاركة الرائعه ..

ولازم كل عيد تروح لعمتك وتقول لنا ايش صار لك عندها

تحياتي لك والى الامام ...

شموخ [/align]

[ميال عقاله]

هههههههههههههههههههههههههههههههههههههههه ههههههههههههههههههههههههههه
حلوه يابو مقرن

[مفتاح14]

ههههههههه البلشة تسان امورك مشت مع العمّه وحصل مبتغاك وشلون تبي تصبر على ذرّيتك؟ وكاد يبون يطلعون على الدحمي



والله يابهالاعياد تشوف انواع الكشخات وانواع التمسمس وصلة الرحم
والمشكله واحدهم لو يمر لوه نقيعة ماء بالشارع ويرفع طرف ثويبه طلعت السراويل المصفّره




من برا هالله هالله ومن جوا مدري والله <<-- يبيك تمدحوه مثل راع المثل اللي تقول










الله لا يحرمنا ابداعك.. وعسى ماينطفي نجمك..ااااااااااااااااااااامييييييييييييي ييين

تحيااااااااااااااتي

[سلطان الشمري]

[align=center]ابو مقرن


الله يرجك....يامال فرقا العين


احوووووووول لله...ياخي انت بك عردز((عرق))...اسلمي...!!!!؟


والله قراده ...محلتت((يعني مقرود بدرجة بلس))

والتبويس حاصل حاصل الله لايعوق بشر..مير اللي تشوف خشته جايزتن لك امطقوه مطقتن تغسل مطقة اللي قبله وتكفر مطقة اللي بعده...



ميرسي على هالفلته والقراده...

تحياتي[/align]

[عبدالله الجعيثن]

[poem=font="Simplified Arabic,5,orange,normal,normal" bkcolor="transparent" bkimage="backgrounds/26.gif" border="double,4,orange" type=0 line=0 align=center use=ex num="0,black"]
ابو مقرن

ولللل..هذا الدحمي مثل اللي يتسكفى صبوحه

اجل خشـب ثوبك...بلاه والله من سودا ليله.

لا له عاده تروح تنذخ..

ابومقـرن..ياملا العافيه اللي تنطا خرز ظهرك[/poem]

[الأصيل]

أبو مقرن ،،،،،،

أضحك الله سنك ،،

والله ثم والله يا إني ياشفت موضوعن إنت كاتبه ياتقل لاقيلي كنز ،،

ومن أبدا بالقرايه ... هات يا ضحتس ،، وكتوفي ماغير طالعات نازلات ،،،

وأكفكف دموعي ولا ني ملحدز ،،

على العموم ،، تسثر من هالمواضيع ،،، وعسى تعوده بخير ،،

والنذخه الجايه إن شاء الله لها قصه