الشاعر محمد بن عبدالله العسيلي الحربي رحمه الله شاعرفذ له اسلوب مميز يذكي الشرارة في المعنى رزين في المنطق وصاحب حجة في المعنى والكلام ،نشرت له هذه القصيدة بعد اسبوع من وفاته وقد قيل انه قالها قبل رحيله بشهر وفيها يتحدث عن الموت واليوم الأخر ويطلب من الله عز وجل والمغفرة والرحمة في هذه الخلجات المعبرة ،والجدير ذكره أن الشاعر محمدالعسيلي لم تكن وفاته سبب مرض انما توفي رحمه الله اثر حادث مروري يوم 26/1/1425هـ
رحمه الله رحمة واسعة وأسكنه فسيح جناته كما أسأل الله جلاوعلا أن لا يريكم مكهروه في عزيز عليكم أنتم أخواني في هذا المنتدى الطيب المبارك وأترككم وخلجات الشاعر محمدالعسيلي رحمه الله :
[frame="9 10"][frame="5 10"][poem=font="Simplified Arabic,5,white,normal,normal" bkcolor="darkblue" bkimage="" border="none,4,gray" type=0 line=0 align=center use=ex num="0,black"]
خــلـجــات شــــاعـــر
الناس ناموا وأنا العبرات أجاذبها=جذب الدلي من معين وردها احيامي
بيدين بدوٍ مشافيحٍ تناهبها=في نقضت الجزو والماء ورده ازحامي
أشوف وانكر من الدنيا مذاهبها=تضرب بنا امواجها في بحرها الطامي
ياكثر روعاتها وقسوة تقلبها=وماطاب فيهامن الأحوال مادامي
اللي من اول اركوبه فوق غاربها=ماحصل اردوفها والمشي درهامي
تستدرج أهل الأماني في مكاسبها=لكن هيهات تصدق فيها الاحلامي
من صدق الريح واعيونه يكذبها=كنه يقارن غباه بفرصة الرامي
تمرالأيام ماكني مجربها=من تضحكه يوم يبكي باقي العامي
يالله يالله تكفينانشايبها=ياواحدٍعن قضاياالخلق مانامي
ياعالمٍ غيب نفسي لاتعذبها=وتجعل لهاحجةٍ من نورالاسلامي
نفس ماباقي لها الاشوف طالبها=والموعدالمنتظر تدنيه الأيامي
لنا مواعيدمانقدر انجنبها=توقيتها محكمٍ في وقته احكامي
ترم المنايا ولاتخطي مضاربها=ومن صوبنه سهوم الموت ماقامي
ساعة حياة الياوقفت عقاربها=الروح تصعد ويبقى جرحي الدامي
والموت ماتصلح أرواحٍ يخربها=اباأترك الزوج والأطفال الايتامي
يالوعة النفس من فرقا حبايبها=ومن طول فرقاتعثرفيها الأقدامي
لابدمن رحلةٍ مايعودغايبها=وعن الحقايق توارى كل الأوهامي
معي الوثايق مختمة قوالبها=وأخاف من نقطة التفتيش قدامي
في مفترق طرق ياكافي مصايبها=احد الطريقين واحد منهن الزامي
امامع أهل اليمين وعز جانبها=والا مع أهل الشمال وشرها الحامي
رحماك رحماك يامذري هبايبها=ياوامرالمسلمين بوصل الأرحامي
دعوة طريح الخطايالاتخيبها=أناضعيف الوسايل والهدف سامي
اليا وردت النفس ناضبةٍ مشاربها=يالله من شربةٍ تقطع ظما الظامي
واجيرنا من الجحيم وحر لاهبها=وانت الذي من لجا بحماك مايضامي
مــــحـمــد بن عــبــداللـــه العــــسيـلي الحــــــربي رحمه الله[/poem][/frame][/frame]
رد مع اقتباس
المفضلات