[align=center]..................آخر البوح دمعة في غياب الحبايب
دمعة في عيوني رمشي اللي قتلها..................[/align]
[align=center]0
0
0
((بإختصااااااااااار))
0
0
0
0[/align]
[poem=font="Traditional Arabic,4,white,bold,normal" bkcolor="transparent" bkimage="" border="double,4,burlywood" type=2 line=0 align=center use=ex num="0,black"]
دمعة غلا تقلب موازين الإنسان..!!!!=وشلون أجل دمع القهر والغليبه..؟؟؟
ودمع الفرح ماهو مثل دمع حرمان=يفرق بعضها عن بعض ياغريبه..!!
والدمعة اللي ترتجف فوق الاجفان=ماله سِتر غير الكفوف القريبه
يالعنبوها دمعة جت على شان=فرقى الحبيب اللي تناسى حبيبه
ياغاليه ماللدمع غير الأكفان=يموت في عيني ولا أحدٍ دريبه
اخاف لامن جيت في بعض الأحيان=القى سؤالٍ فيه شكٍ وريبه
بوجيههم القى علامات خذلان=وبهروجهم ..غمزٍ.. وهمزٍ ..وغيبه
ماغير..ادنق..واطلب الرب غفرااان=واعد مسباحي كذا...التهيبه
واسج عنهم ذارفٍ دمع الأعيان=واتوه مثل اللي مضّيع ذهيبه
واسكت..مثل من مات له عشرة إخوان=عاشرهم اللي ميتٍ في قليبه
وانخى مثل شيخٍ تولوه عدوان=يمناه مكسوره والاخرى عطيبه
وابكي مثل طفلٍ يتيمٍ وحزنان=ابـــوه ميّت والقرابه.... تعيبه...!!
واتوه واسري دون دربٍ وعنوان=محتار والفرحه بعيني نهيبه
والدمعة اللي ترتجي مد الأكفان=طاحت...... ولا أحدٍٍ شالها يا غريبه[/poem]
رد مع اقتباس
المفضلات