اخواني الاعزاء
السلام عليكم ورحمة الله وبركاته
مابين فلة الحجاج والعام كان السؤال ملحا علي ! اين مكان هذا الموضوع !
هي قصة فكاهية محزنه حقيقية جدا !
من اراد الضحك فليضحك ومن اراد البكاء حق له البكاء ومن اراد ان يناقش فالنقاش في هذا الموضوع ماهو الا ضرب من جنون المثاليين !
وبعد هذه المقدمة اليكم القصه :
انا والمرور
اوقفني احد رجال المرور ( البواسل ) ليلة البارحه طالبا مني الرخصة والاستماره فقلت والبسمة تعلو محياي ابشر طال عمرك وعلى الفور وضعتهما في يده ( الكريمه ) ثم قرأ وفحص وتمحص ثم لوا بوزه ( حفظه الله ) وقال لي بكل حنيه لو سمحت وقّف على جنب , قلت فلم هذا الطلب الغريب ايها الحبيب , لم يرد علي بلسانه بل اشر ببنانه الى جهة الرصيف المقابل ثم تنحى عني جانبا , لم يكن امامي من خيار اخر فذهبت الى حيث امرني
اعطى اوراقي لزميله ( المحترم ) وقال له عطه مخالفه وكأنما خلقت لاخذها , قلت لهما وش السالفه ؟ على الاقل طمنوني اني ماجبت العيد وعلشان اصلح غلطتي ! قال ابد بس رخصتك مطوفه قلت ياشيخ اتق الله ما امداه تطوف قال الا له يومين مطوفه ! قلت طيب عاد يومين ما تستاهل تصكوني مخالفه خوفوا الله قال ان ما سكت ابعطيك مخالفه على التظليله ! قلت شكرا لك وعافاك الله مما ابتلاني به من مخالفات .
شكرته لانه تفضل مشكورا بالعطف علي من مخالفة التظليلة التي ليست تظليلة كما يدعي .
شكرته لانه انعم علي بمخالفة في حين الكثير من اولئك السرابيت يفحطون ويقطعون الاشارات ويسوون الهوايل ولم يلقيهم بالا كدليل على اهميتي ومدى حرصهم على متابعة رخصتي واستمارتي يوميا .
مايمديني سددت المخالفات الاوله وجددت رخصتي الا هي منتهيه من جديد .
اتعلمون ان مخالفاتي السابقه تجاوزت الثلاثة الاف ريال وهي عبارة عن : عدم تجديد رخصه وعدم تجديد استماره هههههه وقطع اشاره في ديرة لم يسبق لي ان زرتها ههه.
والقصة يبدو انها تتكرر معي من جد وجديد فالمخالفات بدأت من ثاني يوم .
اما المؤلم حقيقة فقد وقع لي مع احد رجال المرور ( الاشاوس ) حينما اوقفني فجأة وفي منتصف الطريق قائلا ( وليش ما تربط الحزام ) قلت له : اولا ما امداني احرك الا انت طالع لي , ثانيا مكانك خطر فقد تتسبب في حوادث للاخرين بسبب عدم وضوحك للاخرين , ثالثا لم اخترتني من بد خلق الله وكل اللي يميني ويساري مابهم الواحد اللي رابطن حزام الامان .
وكالعاده اخذت قسيمتي والرضا يملأ محياي ثم قلت بنفسي لم لا اكلم الاداره فكلمت 993 على ما اظن فكان الرد الاقسى ( بامكانك مراجعة الاداره وكتابة الشكوى ولا ادخل على المدير ) هههه كل هالغربله علشان اشتكي هههه طيب انتم وش سنعكم وحاطين لكم تلفون وزحمه واخرته رح للاداره هههه .
ما يؤلمني في القصة الانفه انني من مؤيدي حزام الامان بل اني اربطه حتى في البر ( والقريبون مني يعلمون ذلك ) ولمجرد اني لم اربطه قبل ان يستوقفني اخذت نصيبي وقسيمتي .
لم يكن من حل امامي امام تلك المهازل سوى الدعاء وقد استجيبت دعوتي على احدهم او لا اعلم المهم ان ما دعوت به عليه اصابه .
قبل فترة استوقفني احدهم وطلب اثبات هويتي فاعطيته اياه ثم قال لي اتكل على الله فابتسمت بغرابه ثم هممت بالذهاب فإذا بذلك الرجل ( الهمام ) ينزل من الجيب ويوقفني ثم قال لي عطنا اثباتك قلت له لقد انتهيت فلا داعي للعطله وفقك الله فقال انت مخالف ثم بدأت ملاسنة بيني وبينه كادت تؤدي الى مالا يحمد عقباه , ثم تجمعوا علي ولفقوا علي اني متهجمن عليهم وسابهم من البدايه واقسم احدهم بأغلظ الايمان ان يمرمطني ويسجنني فقلت له اعلا ما بخيلك اركبه لكن لا تتوقع ان تمر السالفه مرور الكرام , طلبوا مني التنحي جانبا وبدأت مشاورات بينهم لا اعلم كنهها ثم ذهب احدهم واخذ يكلم بالتلفون ثم عاد لي قائلا هل يقرب لك فلان (جندي اول خخخخخخ ) قلت نعم لكن هو ماله علاقه باللي بيننا ولا تسوي نفسك طيب انك تبي تسامحن علشانه ( وقسم بالله هذا اللي قلت له ) قال ما عليش يالحبيب وما صار الا الخير , قلت الا صار شر ولعنة خير بعد المهم ابي هذا اللي يتهدد مشوين ينفذ حلفه ويسجنن ! قام احدهم بتهدئتي ولملمة الموضوع وطلب مني الذهاب وتزهلوا بالقسيمه اللي هم سجلوا اثناء الهوشه ( ثلاث قسايم بوحده ) لم اجد امامي بدا من الذهاب ولا داعي لتعطيل نفسي زيادة على الوقت الذي اهدروه ثم توجهت الى الله ودعيت على ذلك الشخص المتسبب بالمشكله التي اختلقها من نفسه .
صدقوني لم يمض يومين او ثلاثه حتى جاءني احد الشباب والذي يعرف ذلك الشخص ومدى سلوكه السيئ حتى اخبرني بأن مصيبة قد حلت به وقد يفصل من عمله بسببها .
وعلى طاري المخالفه ام ثلاثه بواحد ترو مهو هذا الرقم القياسي المسجل باسمي فالرقم القياسي لدي اربعه بواحد هههههه وهذي قصته قصه ولا ودي اطول عليكم بذكره .
تعلمت اني لا اناقش افراد المرور ابدا بل آخذ مخالفتي بروح مرحه واقول عادي تحصل باكبر العائلات ههه
وخوذوا هالقصه الفكاهيه اللي حصلت لي مع احد افراد المرور ( الرائعين )
هذا بيوم من الايام وانا طالع الا بوه تفتيش واسمعه يقول وقفه ( يعنيني ) المهم وبعد ما وقفن قال لي ليه مظلل قلت مهي تظليله قال الا تظليله قلت لوه تراهن انه مهي تظليله هههههه المهم فلجته وطلعت مهي تظليله قال لازم تغير القزاز قلت ابشر قال يالله رح خلهم يعطونك مكافأه ( قصدي مخالفه ) وانا اروح وألحس مخ العسكري الثاني شوين قلت لوه الرجال خويكم هذا مهو صويحي يبيني اكسر القزاز وانا ودي اكسره هاللحين بس المشكله ان ما معي فلوس اغير القزاز , قلت مالي الا اني اروح للضابط واشرح له الموضوع وهذا انا جيتك قال خلاص بس وعد انك تغيره قلت ابشر يالضابط :D ههههه قال ايش اكسر القزاز واغيره علشان نظام جايبه لي من جيبه هههههه
المهم بعد فتره وانا طالع للمطار انا وواحد من الشباب يبي يوصلن الا هذا رفيقي نفسه قال لنا الاثباتات وحنا نعطيه ويوم قراهن التفت لي وقال لي وين تشتغل قلت بكذا قال طيب ليه منت لابس مثل خويك هههههههه قلت يابعد روحي انا طلعت من العمل مبكر وبدلت بالبيت وهاللحين ابمكن الطياره قال ايييييه كذا ( آآآآبو التفكير ياجيمس بوند )
المهم وبعد فتره من الفترات وحنا طالعين ( كنت السواق ) ويوم اقلبنا على التفتيش حتسيت لهم عن الاهبل اللي مستقعدن لي وعلى ما وقفت الا هذا هو بوجهي وانا اتبسم ههه قال وليش تضحك ههه
قلت ابد كنا ننكت قال ايييه عطنا اثباتك قلت ابشر وقبل ما اطلع اثباتي الا هو قايل لي ياخوي وين انا شايفك ؟؟؟ قلت كنا نلعب بلوت قبل ليلتين هههههه قال لا والله صحيح قلت والله ما ادري وش اقولك بس وقسم بالله انك مبهذلن عد مابهالديرة الا انا كل ما امر من عندك الا تلكع علي تبسم وقال توكل يالشمري ههههههههه
قبل يومين مسكن بعد بس ابشركم عرفت لوه ويوم نشدن قال وليه توك تربط الحزام يوم شفتنا قلت له من ذل سلم هههههه وهو يسفهل ويمشيني .
عاد الحزام رابطه قبل ما ادري عنه بس لو قلت له مهو صحيح استقعد لي صدز وحاس مريري وانا مريري هالليومين منحاس بليا وموصيني الدختور آخذ فترة نقاهه لمريري .
ما اوصيكم كل ماهذا خوذوا نقاهه لمريراكم وكل مخالفه وانتم بألف خير .
رد مع اقتباس
>>>انا ابي اقترح لبو سلطان يحط لك مضيف خاص (مضيف القراده );)
المفضلات