[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كلٍ يعود لاصل جده ومرباه = راعي الشرف يشرف والانذال يهبون
الفرع من عوده شرابه ومسقاه = والحنظله مره ولو تشرب مزون
الطيب كايد والمناعير تقواه = والهون هين تدنع النفس وتهون
ناسٍ على كسب المراجل مضراه = وناسٍ على كسب الفشيله يضّرون
هذا على وضح النقا كل ممشاه = وهذا اذا شافوه ربعه يصدون
لا انا من الخوان لو زخرف احكاه = من خان بك مره يبي باكر يخون
وافطن ترى زول الرجاجيل تواه = كم واحدٍ يعجبك زوله وهو دون
ياطيب الشارات من يوم منشاه = احذر عدوك لا يغدرك على هون
ترى عدوك غايته فيك ومناه = يزرع بصدرك من قنا رمحه طعون
واللي رضع لبوة عدوك توقاه = الحر ولد اللبوه اللي تعرفون
للطير يالصقار بالريش مغواه = الجاهل اللي باكثر الريش مفتون
للحر والشبّوط ماكر ومجناه = والفرق بالافعال لو هم يطيرون
الشاعر دايم السيف[/poem]
رد مع اقتباس
المفضلات