[ALIGN=CENTER]بسم الله الرحمن الرحيم
لن أتكلم بعد أن وضعت في هذا الموقف
وهو موت والدي رحمة الله عليه يوم السبت فجرا 29/1/1425هـ ولكن عزانا الوحيد انه كان مبتسما كأنه لم يمت
اللهم اغفر له وارحمه واسكنه فسيح جناتك فأنك كريم عفو تحب العفو فأعفو عنه وتجاوز عن أخطائه ولاتحاسبه وأدخله الجنه برحمتك لابعمله
أنك رحمن الدنيا ورحيم الاخره
[/ALIGN]
[ALIGN=CENTER]( الموت حق )[/ALIGN]
[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
النفس مهما طافها الركب تلحق = ولافيه نفسٍ دون ميعاد وكتاب
مهما سبقها العمر فالموت أسبق = كن النفوس مسافره والقضى ركاب
والشمس مهما نورها فز وأشرق = للشمس لحظة مشرق ولحظة غياب
عن الحق نبحث ليه أجل نكره الحق = والموت حق وكل موتٍ له أسباب
مهما الغصن أينع ومهما تورق = لابد مايذوي وتبتل الاهداب
الموت له وقتٍ (ولا للخبر طق) = ماطق لي موته ولاأية حساب
عز الله أن البعد له خافقٍ رق = منهو يلومه لافقد بعض الاحباب
جاني خبر موته ولاني مصدق = حتى توارت جثته بين الانصاب
رملٍ محى له رمل والموت أعمق = وشلون انا جازيت هالغالي تراب
العين تدمع والصدر كن به شق = لي والدٍ مات وتركني للاجناب
بكلتا يديه الحزن لابوابنا دق = ياحزن لاتكشف وش اللي ورى الباب
ياحزن يوم أنك دخلت الصدر نق = ضيقه تبي والا ألم أوهو عتاب
ياحزن بق من الفرح شي لي بق = تكفى نخيتك مابقى شي لي طاب
مرحوم ياللي لوالدينه ولاعق = صايم مصلي كل حياته للاقراب
يالله ياالرحمن في حاله أرفق = وارحمه وأكسه رحمتك فضل وثياب
رجال عاش ويعطي الحق بالحق = ورجال مات ومبتسم بس ماغاب
[/poet]
[ALIGN=CENTER]( فيصل اللويش )[/ALIGN]
رد مع اقتباس
المفضلات