[ALIGN=CENTER]السلام عليكم ورحمة الله وبركاته
أخواني
اسمحوا لي ان اشارك معكم بهذه القصيده المتواضعه واتمنى ان ترقى الى ذوقكم وتنال اعجابكم
والقصيده تعبر عن نفسها[/ALIGN]
[poet font="Simplified Arabic,4,orange,normal,normal" bkcolor="transparent" bkimage="backgrounds/26.gif" border="none,4,gray" type=2 line=200% align=center use=ex length=0 char="" num="0,black" filter=""]
جتني بعد ما أبعدت عني سنين= تقول شوق القلب يمك رماني
قالت حبيبي بدر قلت شتقولين ؟=قالت حبيبي قلت كذبك كفاني
الحب ماهو لعبة ٍ فيه تلهين=الحب احساس وشعور وتفاني
الحب صدق شعور مابين شخصين=العمر يفنى وصادق الحب باني
وانتي بدرب الحب لا ماتعرفين=ماظن قلبك قد عشق مودماني
ياما انتظرتك اتحراك تاتين=لاشفت زول ٍ قلت خلي لفاني
وياما صبرت وقلت بتجين بتجين=امني النفس الحزينه اماني
اصبر واقول الحين بتجين الحين=احسب دقايق واتعبتني ثواني
وصارت ثواني صبري سنين وسنين=وعرفت ان الحب غلطة زماني
وياما سهرت الليل وانتي تنامين=اسير حبك لاقبل الليل داني
وياما كتبت القاف بالعسر واللين=اكتب حروفي فيك باجمل معاني
ولاجيب لي طاريك رفرفت بالعين=اداري الدمعه ودمعي عصاني
والحين يوم الجرح طاب وغدا زين=جيتي تحطي بالحشا جرح ثاني
قالت بدر ... قلت اسمعي لو تموتين=حبك غدا في دنيتي شي فاني
واقفت وانا اردد عسى ماتردين=وقلبي يردد عكس مابدا لساني
خذتني العزه وانا داخلي لين=مابي اسوق النفس درب الطماني
ومن بعد ماقْفَت صرت انا بين نارين=مادري فعلت الصح ولا خطاني
غديت كني ظامي ٍ بين بيرين=ابي القريب وضيعتني السواني
وجفت مواريد الظمى بالغديرين= لانلت وصل ولا اهتنيت بزماني
[/poet]
[ALIGN=CENTER]وسلامتكم
بـــدر الـــعـــطـــاوي الــــشــــمــــري[/ALIGN]
رد مع اقتباس
المفضلات