[ALIGN=RIGHT] السلام عليكم ورحمة الله وبركاته
اما بعد
قبل لا اجيب القصيده ودي اوضح السبب اللي خلاني اجيبها
كنت عند البعارين قبل يومين وجاني هندي عند الابل وكان معي زول
المهم جانا الهندي منغرف قلبه قام يخثرك علينا ومافهمنا شين
بعد المحاولات فهمنا ان الابل حقتهم ضايعه ويبي الفزعه
وقمنا وكما هي عادات شمر رحنا ندور بعارينه (على ام عزيز)
المهم قلنا له بعد ساعتين من البحث يمكن ان الابل رجعت لشبك
لان عندهم خلفات وحيرانها بالشبك قالي(مافيه مسكل روه شبك)
قلت له وين شبك مال انت قال مافي معلوم حبيبي وضيع الابل ومضيع
الشبك والخيمه جاب الله اننا ندلها لانه مو بعيد عننا ويوم جينا الشبك
تفاجئنا بالابل سابقتنا عندها طرت علي هذه القصيده للشاعرالكبير:
رضا بن طارف الشمر ي ...وهي بالابل ويقول:
.
.[/ALIGN]
[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
قال الذي في دفتر القيل ذاكر=جنك بنات الفكر يالقلب ناجه
مثايلٍ ماهي تقاليد وصور=من كهرب العسرات صيغت لحاجه
ولا هيضن حب الغنادير يا عمر=عنهن خلوج القلب هون خلاجه
اسباب ما حرك علي هاجسٍ ضر=اثر على جسمٍ به الروح لاجه
شفنا بها الدنيا غيارات وعبر=سفن الصحاري نزل الوقت تاجه
تلوج بشبوك المهونه وتقهر=وتزعج حنين والطنا في حجاجه
وبعيونها لعيون مولاه تنظر=وتطلب من الرب الكريم انفراجه
ومن الطنا عبرات صدره تكسر=تلوج وسط الشبك مثل الدجاجه
تبكي على وقتٍ مضاله مع البر=ترعي ويرعونه سباع الزراجه
بدوٍ علىقفر المراعي تغاور=ماجيب له من كل صنفٍ خواجه
واليوم كلٍ من حلاله تخسر=لو يجلبه ما احدٍ بجيه الحراجه
يا حيف يا عز العرب زينة الدر=متروكةٍ لو كان تركه سماجه
من عقب ما نرعاه بالبرد والحر=وكلٍ يزين للرحول الحداجه
اليوم بعض الناس عنها توخر=ما دري ردى والا صحيحٍ احتجاجه
البل هله راحوا ووقته تغير=اللي هفا واللي طبع فيه ساجه
واللي ثنى عنده وحيدٍ تدهور=وجماعته كلٍ بلش في نعاجه
ياما غزو يمه بقومٍ تجاكر=يوم الزمان اللي يخيف ارتجاجه
فوق الركاب اللي له القاع تهجر=يتلن عقيد ديرة الوم باجه
عقب المسير اللي به الهجن تفتر=الخيل حفيه والمسامير ساجه
خذوا سبور القوم قدامهم فر=وشافوا هل البل يوم وصلوا مداجه
وجابوا خير طرشٍ عزيب تذير=الخيل دونه بالمناعير راجه
وقال العقيد الابته يوم عمر=غيروا على البل والسعد بالمواجه
وتواجهوا عنده على قرحٍ غر=مثل الجمال اللي على اول هياجه
وكلٍ على حوض المنايا تحضر=اسباع تحد ضروسها يوم ضاجه
وردن وقفن بالمناعير صدر=وغدى لهم عند التوالي لجاجه
ونار الحرايب ولعوها المصطر=واللي دنا يومه مناياه راجه
وكلٍ شرب له من رايب الدم له كر=كم فارسٍ روحه على الموت عاجه
وصار الفخر لاهل الفخر ساعة الشر=وبنت الردي محدٍ يجيه لزواجه
ياتي ولدها تبع لو ماكره حر=ماينطح الشدات عقله زجاجه
وذكرٍ ذكرته يا فتى الجود يخبر=والما قراحه بين من هماجه
واليوم شفنا قاصر البوع يزمر=اللي من اول يعطي الناس باجه
ان قلت له وشلون كيفك اليا مر=يقول لك كيفي تغير مزاجه
ويطول شرحه لو تطرقت لنمر=ما احصي ثمن تاريخ طي وخفاجه
يا الله بنوٍ يبعث القاع من غر=برقه يشوق مخيله بالتعاجه
بامر الولي ينشى ومزونه تزبر=ويسقي رياضٍ تشتكي من عجاجه
حتى خشاش القاع فيها تدهور=ارضٍ مريضه والمطر هو علاجه
عمارها نوٍ مزونه تفجر= يملا الفياض وما هبط فيه باجه
وديارنا من خير ربي تعطر=يزهى نواوير البختري بفجاجه
وتمت بذكر اللي له العيد يذكر=فردٍ صمد ماله شريكٍ بحاجه
سامع دبيب النمل بالليل الاسمر=ربٍ تولع سرجنا من سراجه
ختم الكلام ازكى صلاةٍ تكرر=على شفيع الخلق يوم المواجه
[/poet]
رد مع اقتباس
المفضلات