[poet font="Simplified Arabic,5,purple,bold,normal" bkcolor="transparent" bkimage="backgrounds/13.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
لا يا شعري لا تجامل واعترف اني انتهيت!
كيف اقولك والمشاعر شوفة بحورك ركام
كان لي قلب وغرامه ينكتب له الف بيت
لكن الظاهر تعود خافقي عالانهزام
ما بقت عندي سوالف قالها روميو لجوليت
والغبي مجنون ليلى تاه في وسط الزحام
لا تصدق لو حكوا لك ما بكى! والله بكيت
بس انا اخفي دموعي عن عيون ابن الحرام
يا كثر اهل الشماته لو اقول اني خطيت
والعشق اكبر خطيئه في دساتير اللئام !
وينها اللي من سببها صارت حروفي يا ليت!
ليتني ما كنت عاشق لا ولا شفت الهيام
لعنبو ذيك الخطاوي منها وشهو جنيت؟
ما جنيت الا التعاسه والقهر والانتقام
اذكر اني في حياتي للرذيله ما مشيت
ساقني عرق المراجل من خوالي والعمام
ومن وانا نطفه برحمها كانت امي بالمبيت
ما تقول الا يا ربي اجعله فارس همام
ووالدي الله يحفظه كل ما شفته دعيت
ما نسيت الخيزرانه يومها بجلدي علام!
ما ظلمت ولا كذبت ولا نهبت ولا طغيت
ولا تعاطيت النميمه لا ولا نقل الكلام
حاشم النفس اللحوحه لا تخرب ما بنيت
وراس مالي في قصايد قلتها بكل احترام
لكن اليوم اعتزالي للشعر يصرخ بطيت
اترك الساحه لغيرك وازهم فراشك ونام
ودعيني يا حروفي واعذريني لو عميت
البكى يوم الموادع يحرق عيون السلام
في امان الله يا شعري مقتنع او ما رضيت
مات في نبضي وجودك مثل ما مات الغرام
قلت لك لا لا تجامل واعترف اني انتهيت
وانتهى مشوار شاعر شفت فيه الالتزام!
[/poet]
رد مع اقتباس
المفضلات