صد واقفى عني وهو بالحيل متـندم ** يحسب اني بموت غيض واتبعه واراضيه
مايدري ان القلب ملكي ولا هو بمهتم ** من باعني بعته ومن شراني اشريه
صحيح حبه بوسط الحشا وبعروق الدم ** وابيع كل البشر لجل عينه ولا اخليه
اغليه حياة الروح وهو بالقصد يفهم ** واشتري كل من يحبه بس هو قال مغليه
اعرفه والله زين يومين والثالث ويندم ** يقعد يدور بالواسطات بس اني احاكيه
انا اتغلى بصوب والجرح يصرخ ويلطم ** يقول الى متى ياصاحبي تظل متجافيه
اقول لين يتأدب ويصلح معي ويتعلم ** ولا يرجع لبيت اهله بين حظين امه وأبيه
ماقد جرحته وش علامه وليه يهدم ** قصراَ بنيته شامحاَ هو سيده وساكنَ فيه
هذا اللي يقول ولد الفقر دايم متحطم ** مهما عطيته وسقيته يقول لك مايكفيه
وش يبي اقطع اوصالي وقوله سّم ** ولا احرج على دمي واصيح يامن يشتريه
زعلت كل ناسي ,ابوي , وخالي , والعم ** وارخصت كل غالي بعينه ولا بان فيه
والله لا ادوس القلب لين يصرخ ويتالم ** عز نفسك بين البشر ياصاحبي بتلاقيه
مايضحك علي بقولت حبيب قلبي بنغم ** مرِ شربت بكاسته ماذقت طعم حاليه
لا تنخبل ياجرح اسكت , وانثبر , والتم ** لا يلعب علينا خلنا نعرف وش هي تاليه
هذا ابو فهد , كريم , وفارس, وشهم ** ولا حنا والله مادرينا وين ربي حاطنا فيه
دمدم على جرحك خل هل الحكمة تكلم ** ولا ازود الملح لين تعوف وتقول مابيه
ماقلت لك يابو فهد يومين والثالث ويندم ** واليوم يبي السموحه وش رايك ارضيه؟
مهداه للغالي ( ابو فهد ) وعسى ان تنال اعجاب الجميع
تحياتي
.
.
للجمبع
.
.
اخوكم
.
.
ربيب الحزن
ابــو جوري
رد مع اقتباس
المفضلات