(( النحنحه ))

[برزان]

افااااااااا
والله اشوف الشباب مبسطيييييييييييييييييين
وضائف وقصور افراح والله الله
لكن صراحه مع ان الموضوع قصير جدا لكن زاد حلاة
يوم دخل فيه ابو صياح وقام يتهملع بهالردود الحلوة
الله عليك يابو صياح صراحه انت ملح المنتدى
ولي محليك لهجتك العفويه
وصراحه انت الوجيد بهالمنتدى اللي ودي اشوف شكله
وتعبت وانا اتخيلك مرة اشوفط طاقا نضارت طبيه ولابس كوت
ومنكس العقا وتعلق على هالناس
ومرة اشوفك مطوع من مطاوعة السويد
ومرة وهي الغالب احس انك تمثل شباب شمر المناضلين
مثلي طبعا والضايعين على قولة نزار قباني في هذا العصر الامريكي
,,,,,,,
كل التحيه لالوسي اللي فتح هالموضوع وخلانا نشوف ردود ابو الصحاصيح وهو راييييييييييييق جدا
وللجميع مني كل الود والمحبه


,,,,,,
برزان

[عبدالعزيز]

هلا برزان
أولآ/لك وللشباب ممنوع الدخول ياجماعة الخير بما أني الحارس:D
وللمعلومية(نتقبل البخاشيش)

أما تخيلك لشكلي
وشوله عاد تتعب مخك بالتخيلات
أنا أقوله لك

الشكل/أنا أشوف نفسي حدى الأربعين واحد اللي يشبهون وائل كفوري
لكن الناس يشبهونن بمعتز الدمرداش (وهذا الصحيح)اللي بقناةMBCأقصد قناة بني جام و رزان
والحمد لله أزين مابي إنضباط عيوني6/6
وألبس نضارات شمسية بس أبو مرزوق يشمت بهن يقول زي حقات عبدالله فضلة
وأنا معجباتن عاد لعبدالله فضالة أو عبد الله ال سعود
كيفي
أما الكوت مادانية أبد ويالله لك الحمد والشكر بهالبجامات

ودقلة الحرس الوطني للبر

وزني 104كيلو
لاتحسبن دب
بس تخبر الكرشة تلعب دور وال.....ماني قايل(عيب)

العمر23(زي رامي عياش)

العمل/مستعطل وليس عاطل لأنه بكيفي
تخبر اللي يتعود على النومة إلى الساعة10 مايقدر يخلية
ولكن مصادر الرزق موجوده ولله الحمد


والعقال لابد من التمييل لليسار على الخفيف مررررررررررررره زي ضاري بن طوالة(ماهو عاد للأذن) با أني شمري وتخبر عاد كل واحد يفتخر بأصله حتى ولو قالو تخلف

أما مطوع ياليت والله
يعني الصلاة ولله الحمد نقوم بواجبه

مدخن/ومالبورو أبيض بعد
وجاري البحث عن أي نوع آخر غير أمريكي
وبادي بالتخفيف ولله الحمد

ومن كرهي للمنتجات الأمريكية
تصدق أني قبل أمس الساعة 1 بالليل أتصلت على فروج وطلبت هكا السندويشة اللي منا كبره و7قطع دجاج يقولون لهن (ناقتس)وماء صحة بس بدون ببسي أو سفن أب

أما شباب شمر
أقفو وأنا اخوك
ولابقي منهم إلا اللي باالمنتدى شرواك(بدون مجاملة)
أماأنا معتز ولله الحمد ولي الفخر بعد

على فكرة / تصدق أن عقدتي هي عند كتابتي لأي رد أو موضوع
يمكن تلاحظ أني اسرد هالكتابة لغة عربية على كيف كيفك
ويوم تراعي لمار بين هالكلمات كلمة شاطحة منسية له 50سنة
ياخوي بلشت

وعلى طاري الضايعين بالعصر الأمريكي طرت على الإتصالات ببرنامج مظايف أهلنا بقناةالعراق
لاطلعلك واحد يقول بأطول صوته
نحن نعاني من هذا الظلم الأمريكي ونعاني من هذا الحصار كما يعاني أهل فلسطين من اليهود....وين شمر وين شمر ياحيفكم ياشمر

20سالفة برسالة وحدة

[معدلبواسطة ابوصياح بتاريخ 26-12-2001 عند 04:11 AM]

[الفيتو]

:D:D:D:D:D
قبل كل شي عز الله انك السوداني بكل شي والدليل(صر) وانت عارف.
والبخشيش ياخي اعتبرن جميل بلسم وفوتني
والنظاره اللى خل حق عبدالله فضاله وقلهم انه زي ام كلثوم
واعتقد ان وزنك 100 من الراس 4 باقي الجسم
الظاهر هالوصف كافي لشكلك طبعن بعيني

[عبدالعزيز]

ليه يابو مرزوق
ياخي ماهو أنا أول واحد يتكاسل بغسيل السيارة ألين ماطلع به حشرات (تكرم ويكرمون القراء)

وبعدين هذا كفو الددسن

والحمدلله أنحلت المشكلة يوم صارت قدامنا مغسلة

مع العلم أن هالسالفة قبل 6سنوات

واما الراس
يهاذي ماعندك نضر
لأني عريض المنكبين

[معدل بواسطة ابوصياح بتاريخ 26-12-2001 عند 04:40 PM]

[عبدالعزيز]

فرينا الموضوع الأصلي 180درجة

المعذرة تكفا يا ألوسي ثم المعذرة

[الفيتو]

أكرر المعذرة لأخي ألوسي لخروجي عن الموضوع

[معدل بواسطة ابـــو مـــرزوق بتاريخ 26-12-2001 عند 05:07 AM]

[برزان]

الاخ ابو صياح الله يونسك باعافيه على هالردود الحلوة فعلا والله انبسط حيل حيل
بعد ما كنت متضايق شوي
بس ياخي كلام ابو مرزوق يقول 100 للراس واربعه باقي الجسم
صرت الامير حسن ولي عهد الاردن

[سحابة صيف]

الاخ الوسي عضو نشيط
من اداب الاسلام الاستيذان لذلك صارت النحنحة

[الوسي]

الاخوه الاعزاء
ابو صياح
الشقاوي
موج البحر
السمن العرابي
برزان
ابو مرزوق
بصراحه مو لاقي كلمه اقولها لكم . بس باقولكم هالموقف اللي صارلي امس بالدمام .

انا لي يومين في الدمام معزوم على زواج صديق . المهم الاربعاء بالليل حوالي الساعه 12 مساء . دخلت مقهى انترنت بالدمام وقلت خلن ادخل اشوف اخر اخبار المنتدى . دخلت ويوم دخلت قلت خلن امر على موضوع النحنحه ابشوف الردود وكانت المفاجأه .
ادور اقلب اسوي تحديث للجهاز والاالموضوع مختفي .
اسوي ريستارت للجهاز واناظر لعله يطلع والا مافي امل الموضوع ماش . قلت مافيه الا ان موضوعي ماعجب فوفو والا سنجاريه وشاتنه . مار خلن ادور الفزعه .
وارسل برقيه للاخت سنجاريه ليه تشيلون موضوعي .
وبرقيه ثانيه للاخت فوفو عاجلا ام اجلا ابي موضوعي .
والثالثه ثابته
وارسل برقيه للراس الكبيره ( زعيل ) احم ماطرينا احد . واطالبه بتوضيح سبب حذف موضوعي .
المهم طولتها وهي قصيره .
وارجع الخميس الفجر للرياض وادخل المنتدى من جهازي والا هذا موضوعي موجود لا والردود تبيض الوجه .
ان لله ونا اليه راجعون . وانا رثعت بخلقله .
وقتها حسيت بشيء
حسيت اني
بــــــــــــــــــرحـــــــــــــــــــ ـــــه

[موعود]

حلوه النحنه
موضوج جميل اخ الوسي