[poet font="Simplified Arabic,5,skyblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
اسألوها و الذي كمّل حلاها = ليه تبكي و الكحل يحوي دموع؟
اهو ممكن للعيون يجف ماها = و البحر لو تامره جاها خنوع؟
اسألوها.. هالحسِن وشلون جاها = كلها من راسها حتى الصبوع
كن ربي ما خلق حِسن لسواها = كيف ربي مسكنه بين الضلوع؟
و الحكي شهدٍ و يقطر من شفاها= لو يذوقه مَسمع السامِع يجوع
و العطر تركيبته من محتواها = لي مشت تلقى المِسِك منها يضوع
لا حشا ما أبرقت نجمة بسماها = كيف تبرق و البدر معلن طلوع؟
و لا عمرها أشعلت شمع بدجاها = حنّا لو تبغي بَتِشْعِلنا شموع
و اسألوها.. همسها يشتاق فاها = كنّها ميل الغصن فوق الجذوع
البلابل غرّدت فوقه بصداها = و الكناري ليه في صوته قنوع؟
و اسألوها.. كل ما مر "ف" يداها = بين لحظة و بينها مليون نوع
ليه لسّه حيل ولهان لدفاها = و لا طراها.. زود نبضاته تلوع؟
و لا نظرها خاطفٍ دربه معاها = للصلاه -واستغفره- ضيّع خشوع
قدّها المياس مأسور بشذاها = كيف من يشهده ما يعلن خضوع؟
اسألوها.. و الذي زينه عطاها = من جمال الكون و اسكنها ربوع
و الذي صوّر و أبدع في حلاها = ليه تبكي و الكحل يحوي دموع؟
[/poet]
[ALIGN=CENTER].
.
مع محبتي
الدهور[/ALIGN]
رد مع اقتباس
2n3@w.cn
المفضلات