[ALIGN=CENTER]بناء على طلب بعض الاخوه والزوار ان اعيد نشر هذه القصيده
وكلي امل ان تحوز على رضاكم[/ALIGN]
[poet font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
الطنايا
شمر ليامنه سمك عجها وثار = نفرح ليامن لولشن الهلاهيل
اليا زعلنا تمتلي صدورنا نار= واليا ضمينا ماروى كبودنا سيل
واليا ركبنا ماتخرعنا الاخطار =واليا جلسنا مانخاف المقابيل
تصغر لنا وتشوفنا بعينها كبار = واليا انتخينا كالحرار الابابيل
واليا كبرنا بعينها صاروا صغار = قل لابرهه وشهو خذا بغزوة الفيل
لاعجعجت ثرنا لها عج وغبار =وان دندنت موالها نزيد ترتيل
وان كشفت عن ساقها والقدم حار = والله نقط ارواحنا كالمقاتيل
لادلهمت في ويلها نزيد الاصرار = جينا نزيد الويل في وسطها ويل
جينا وجنايزنا على ظهور الامهار = رحنا وتركناها تجر المواويل
حنا الطنايا يامسوسة الافكار = شامن لنا من يلبسن الخلاخيل
وقافاتنا عجزت تسولفها الاشعار = من كثرها ماله وصوف وتماثيل
لو كان للطولات والموت تجار = تجارها حنا ولو يطفح الكيل
حنا لها وحنا من اهلها ليادار = مقضب رحاها ولولشن القناديل
وساع الطعون منومسينك يالاخبار = كبار الصحون مدلهين المعاميل
للقرم بعيون السناعيس مقدار = والخرب ماله غير مس المفاتيل
واليا رفع راسه نقول أش ياحمار = ناطا على خده برجليننا حيل
حتى يعرف الحق ويسوق الاعذار = حنا الطنايا معقلين المهابيل
قولوا لحاتم مابغيته ترى صار = صرنا حواتم طي ذباحة الخيل
يشهد لنا ذيبٍ عوي فوق له غار = والموقده وتاريخنا وتشهد العيل
ماهو قصورٍ بالقبايل والاحرار = جيلٍ وساعه وكل ساعه لها جيل
والحين زال الشر بسيوف الاخيار = وصرنا لبوفيصل فهدنا رجاجيل
يابجاد هات من الحطب واوقد النار = واترك سناها يلمحه طرقي الليل
يمكن يسير تالي الليل خطار = يلقى بياض الوجه يامذبح الحيل
وانفخ لها خل جمرها منه يغار = ثغر المهاة وغيبة الشمس وسهيل
زين لنا كيفٍ يونس هل الكار = كيفٍ ينومس للسهر والتعاليل
واياك تنسى زعفرانٍ ومسمار = والبن زين حمسته واطحن الهيل
دقه بنجرٍ يسمعه ضيفٍ وجار = نجرٍ يصوت للنشاما الحلاحيل
للكيف قرم ودله وجمر وبهار = وعيال ماتتعب يديها الفناجيل
عطها النشاما واختر لصبها قصار = من شان ماترفع يديها الرجاجيل
وصبه لاواليد الطنايا وسنجار = شمر ليا عدوا قروم ومشاكيل
شمر ليا منه سمك عجها وثار = نفرح ليامن لولشن الهلاهيل
[/poet]
[ALIGN=CENTER]فيصل اللويش[/ALIGN]
رد مع اقتباس
المفضلات