[poet font="Simplified Arabic,4,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
اعضاء المضايف الأفاضل //
اعلم انني مقصر تجاهكم ولكن الظروف هي من اجبرتني على الابتعاد عنكم وعن الشعر
اعود مجددا إليكم وانا لا احمل لكم الا المحبة والمودة و (( النوايا البيض ))
[/poet]
[poet font="Simplified Arabic,4,white,normal,normal" bkcolor="transparent" bkimage="backgrounds/34.gif" border="none,4,gray" type=0 line=200% align=center use=ex length=0 char="" num="0,black" filter=""]
كتبت الشعر من شانك قبـــل مايسمعه جمهور = احس القاف رجالٍ عزيز وصــــــاح ينــخاني
تقهويت القصايد وابشري منهـــا قدعت بحور = قولي للصبايا كاتبٍ شعــــره علــــى شاني
انا راعي النوايا البيض ماخنتك وانامجبور = ورب الكون ماخونك الين انشال بـــ اكفاني
دخيل الحب الاول والدلع والطيـــش يامغرور = تعال وغرد بصوتك ابيك تغيـــــــض عدواني
تخيّل كيف طفلٍ ماتت امه خاطــــــره مكسور = هذاك الحال بعدك لعنبـــــو غيرك وتنساني
سقا الله بيتك اللي عقب مارحتي غــدا مهجور = على سوره كتبت اسمي وتوقيعـــــي وعنواني
صحيح اللي سمعته او دعاية حاســــدٍ مقهور = يقولون الليالي ضمتك مع عاشـــــٌــقٍ ثاني
مدام اني خسرتك ماخْسَر الجنــه وبنت الحور = عزاي اني وفيت لصاحبٍ هاجـــــــــر وخلاني
اذا معجبـــك غيري رح ترا من خاطري معذور = وابـعطيك الوعداسمك حرام ان جا على لساني
ثمان سنين راحت وانت تحسبهـــا ثمان شهور = دقايقها خناجر والثواني كنهـا دَوَيْ بركاني
الا وش فايـــدة حبٍ غدا بين العــرب مشهور = بكا عنتر وقيس مغربلـــــه مدعوج الاعياني
حلمت البارحا انك على رمش العيـــون تْدْور = صحيت اسأل عيوني قالــــت المظنون ماجاني
رجعت احلم عســاك بحلمي الليله تجي مسحور = اقيّدك بغلاي اللـــــي عطيتـــه من تحداني
بـنـيـت القصر في جوفي وطوقته بعالـي سور = وش الصيـــن وهذاك الصور اعظم منه بنياني
سألتك بالذي نزّل تبارك والمســــد والطور = من اللي غرك وخلاك يالمحبـــــــوب عدواني
حبيبك لا ذليل وبالرجوله ماعليـــــه قصور = ابوي الله يعزه عن طمان الـــــــراس وصاني
أبنهي قصةٍ طالت ابيها تنكشـــــــف للنور = تعبت من السكـــوت وملّت العالم من احزاني
[/poet]
[poet font="Simplified Arabic,4,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
كل الشكر والامتنان
لكل من مر من هنا[/poet]
رد مع اقتباس
[/ALIGN]
المفضلات