[ALIGN=CENTER]
السلام عليكم ورحمة الله وبركاته
كل عام والجميع بالف خير
.............[/ALIGN]
[ALIGN=CENTER][ALIGN=CENTER]
أبعد كثير المسأله ابعد من حدود الخيال
ـــــــــــــ ماهي مثل مانت تهقى .. ولاهي مثل مابغَ تكون
المسأله ماهي حكي .. ماهي مثل قولت يقال
ــــــــــــ المسأله خطوة عقل سارت على درب الجنون
ياصاحبي (هاك) المفيد .. واترك متاهات الجدال
ـــــــــــ جاك الوكاد وحلله خلك من الصعبه تهون
في داخلي ياصاحبي شي ٍ حرامه من حلال
ـــــــــــ وفي داخلي روح الوجع تاخذ من الحسره دخون
ليل.. ومسافه .. وامتعه .. وفكرٍ تبناه السؤال
ــــــــــــ وانقاض حلم وغربله وهاجس على هاجس يمون
همٍ شرب روح الظلام وصبد ٍ سلك درب الزوال
ـــــــــــــ ودربٍ مخيف وآخره .. مثل اوله كله طعون
شتات نفس وهلوسه بيمكن .. واظن.. واحتمال
ـــــــــــــ وواقع تعيس وذاكره تخون لو ترفض تخون
ربيع وامطار وجفاف وغصن ٍ شكى رمضى الرمال
ــــــــــــــ عرقه مشى تحت الثرى .. يشرب ظماه من العيون
خيبة مشاريه وجفا.. خمال لو مابه خمال
ـــــــــــــ ونار ٍ حطبها داخلي عل ومتى.. وليته يكون
سوالف ٍ ماهي سوى .. هبت مثل ريح الشمال
ـــــــــــــ تدفن سوافيها الربيع .. تذبح معانيها (مغبون)
ماقلتلك ياصاحبي ماهي مثل روح وتعال
ـــــــــــــ المسأله خطوة عقل سارت على درب الجنون
سلطان العنزي
[/ALIGN][/ALIGN]
رد مع اقتباس
المفضلات