[poet font="Simplified Arabic,4,skyblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياصاحبي قل لي وش اللي مغيبك = يعني كذا ترضيك حالة حبيبك ؟
حتى الغياب اللي فرضته يأنبك = يدري بقلبي وش كثر مبتليبك
مانيب يوم اكتب قصيدي باحاسبك = هذا نصيبي من الغياب ونصيبك
حاولت اسلي خاطري دون مااكتبك = واثر الكتابه غصب عني تجيبك
مااغلاك في قلبي وللروح مااقربك = حتى فبعدك شوفني ملتهيبك
لايابعد حيي ليا قلت لي ( ابك ) = احس كني دون غيري قريبك
خليتني من دون مااحس اراقبك = اغليت لون الروج وادمنت طيبك
سبحان منهو بصورتك ذي رتبك = وخلا ّ زيادة سكرك ماتعيبك
منبع حلا في شفتك عند ( مشربك ) = لاجيت ابشرب منك .. ( الله حسيبك )
ومادمت انا من بد هالخلق معجبك = لولا غلاك وقبلتك ويش ابيبك ؟!
يكفيني اني بدنيتي بس ابكسبك = وابي حياتي لانتهت .. تنتهي بك
بس انت علمني وش اللي مغيبك ؟ = ماظنتي ترضيك حالة حبيبك
[/poet]
[ALIGN=CENTER]بكل الود
نواف الشمري[/ALIGN]
رد مع اقتباس
المفضلات