الشايب اللي ماتحلل عظامه / يامن هي عنده

[متفاائل]

[ALIGN=CENTER][/ALIGN]

[راعي الوقيد]

انت وهالسيارة ........

بسمالله.....

وش عرفك لشغن المقاام......

ولا حفار قلبان..؟؟؟؟

هههههههههه

متفاءل امزح معك ياجدي لاتزعل

بس جاازت لي شغن مقام..

لالالالا ما بي شي تسلم...!!!!

[متفاائل]

هلا والله بالخوي الوفي

راع الوقيد

يابعد حيي لاتقول الا خير .

اما السيارة نسنى عليه اذا تامر عليه تراه تفداك .

[راعي الوقيد]

هلا بالوافي...

لالاللالالا..

اقصد الشااعر.......

اقول ابعده عن النار شوين لاتقبع بناا.......

وبعدين ماتوخذ عقبك......

الله يعطيك من خيره ويكتسفيك شره....

الحقيقة وراي لي خط والجيوب مايصلحن للخطوط.......

ما تبدل.؟؟؟

تحياتي يالغالي

[الاصمعي]

انت ليا هالحينك تبي القصيده وتبي تعرف الشايب ولا انستك إياه سوالف السياره؟

العزيز متفائل

الشايب هذا طول الله عمرك الشيخ محمد بن هادي بن قرمله

وكان الشيخ ابن قرمله متولجٍ عتيبه كل يوم وهو مغيرٍ عليهم ويوم ياخذهم ويوم ياخذونه.
المهم البيت المذكور لشاعرٍ عتيبي ،ويقال ان تركي بن حميد يوم سمعه زعل وهدد الشاعر ورزله رزالةٍ تسةى حياته وقال من ضمن حكيٍ كثير :كل سمان ولد سمان يمدح الاجناب ويهثم جماعته والله ماقط اسمعها الا افعل وافعل.

[poet font="Simplified Arabic,4,skyblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
وهذا الي اعرف من القصيده يالبناخي والعذر والسماح

يالله من نوٍ يثور غمامه=يسقي من العارض الى نقرة الشام
نبعد عن الي ماتحلل عظامه=عيت تبيده الليالي والايام
زريبه والضيط راحوا طعامه=وحنا يقزينا المنازل من العام
إلى طيلعت ناره بعالي عدامه =قمنا نجود غالي القش بحزام
[/poet]

[متفاائل]

[ALIGN=CENTER][/ALIGN][BIMG]http://www.alm7abbah.com/vb/images/smilies/hug.gif[/BIMG]
[ALIGN=CENTER][/ALIGN]

[ALIGN=CENTER][/ALIGN]

[شموخ]

[ALIGN=CENTER]

الاخ متفاءل


مثل ماذكر الاخ الاصمعي المقصود بالشايب هو

محمد بن هادي بن غانم من السحمه من ال محمود الجحادر احدى بطون قبيلة قحطان الثلاثه وعرف ابو بو هادي بن قرمله نسبة الى امه قرملة بنت شاهر من الخنافر من قحطان اما محمد بن هادي فامه من قبيلة زعب

خلف محمد ابوه هادي بعد مااستشهد في معركة وادي الصفراء مع الامام عبدالله بن سعود وهم يواجهون الحمله المصريه بقيادة طوسون باشا .

وكان تركي بن حميد يسميه بالشايب في قصائدهما المتبادله وعاش بعد تركي كثيرا وعاصر راكان بن حثلين وفي اواخر عمره تنازلعن المشيخه لابن اخيه ناصر بن عمر بن هادي وذلك لان محمد كان عقيما

اما البيت اللي ذكرته ماوجت تكملته

لكن فيه قصيده طويله اسندها تركي لمحمد نهايتها ذكر فيها الشايب

الشايب اللي ينقل الكبر والزوم ......باغي لحكمي مير انا عاصي له

ولهم قصايد متبادله فيها نوع من المداعبه بين تركي ومحمد انشاء الله راح اذكرها لك في المره الجايه .

تحياتي
شموخ[/ALIGN]

[متفاائل]

[ALIGN=CENTER][/ALIGN]

[راعي الوقيد]

جنك سوق ماسيق يامتفاءل

الأصمعي..

شموخ..

يعطيكم العافية..

[شموخ]

الاخ متفاءل

يعطيك العافيه لا مافيه كلافه ولاشي

بالنسبه للشطر الثاني انا مكتوب عندي كذا

الشايب اللي ينقل الكبر والزوم .....باغي لحكمي مير انا عاصي

والقصيده طويله راح اذكرها لك هي طبعا معروفه لتركي بن حميد مسندها لمحمد بن هادي

يازبن كرب فوق مايطرد النوم .........حراير يازبن مثل الأهله
مرباعهم مابين ظلم والاكموم ........ومن السفيف يرمحن الاظله
ملفاك شيخ بالقصى يذبح الكوم .........شيخ وشيخان القبايل تدله
تلقا محمد زبن من جاه مضيوم .........زبن الذليل اللي مخيف محله
واليا لقيت الشيخ يازبن ملزوم .......... تعطيه مرسوم بوسطه سجله
وان كان جيت النضو يازبن ماسوم ........ رد الخبر والنضو يازبن خله
جانا من الشايب مكاتيب وعلوم .......... حي الكتاب اللي لفا حشمة له
الشايب اللي ينقل الكبر والزوم ........... باغي لحكمي مير انا عاصي له
ورد عليه محمد بن هادي بهذه الابيات

حي الكتاب اللي من الزاج مرشوم ...... حيه وحي اللي مشي حشمة له
ساعة قريته شفت ماعفت مرسوم ..........رد النقا تركي وهو منحي له
لا والله الا راحوا اصحابنا قوم ..................تناقضت من بينهم بالاجله
ياسابقي غاشن اعتيبه منك لوم .......... مثل الربيع اليا غشا نجد كله
وان كان تطري النجم والنجم مفهوم .......والنجم يدوي والجبل راسي له
مانشتحن للحرب والحرب مفهوم .........وياسعد من حن في اللقاء فزعة له
ماخلقت الدنيا ولا الناس في يوم ........... واللي تمنا حربنا مضحي له
وان كان في نفسه فلا هو بمليوم ........نعم الشوارب وفاي الشبر كله
متوسط مابين عتبان وابقوم .......... والله علم في دق سلكه وجله
وصراحه البيت الاخير متوسط مابين عتبان وبقوم نفسي اعرف وش يقصد به لاني سمعت ان تركي اصله من البقوم اوكان حليف للعتبان او حارب مع العتبان شي زي كذا وبعدين صار امير عليهم وانتسب لهم مدري هذا الخبر حقيقه او اشاعه عليه مع ان اللي قريته انا بالكتب انه عتيبي .

وهناك كثير من المساجلات بين تركي ومحمد ومن ظمنها هذه القصيده اللي وصف تركي فيها يعيرا خياليا لاوجود له وقد انكر بعض الكتاب وجود هذه القصيده وانها منتحله اما البعض فقد ذكر انها قيلت وانها من المداعبات بينهم

ياركب اللي مايداني الصفيري ......هميلع من نقوة الهجن سرساح
أمه نعامه واضربوها بعيري ........وجا مغلطاني على خف وجناح
عليه خرج من سلوك الحريري ......عصاه عود البروقة عقب مافاح
يسرح من الطايف ويمسي البصيري .....سفايفه مثل الغرابين طفاح
مزهبك ياراعيه تمر ومضيري ..........واحذر تشب النار يجفل من الضاح
واليا ورد يشرب ثمانين بيري ..........غرافهن تسعين ودليلهن ماح
رجليه بالحرة وصدره يسيري ........ويشرب براسه من قعر جمة رماح
ياويش هو شي طويل قصيري ........ يسبق زعاجيل الهواء يوم تنداح

فرد عليه شيخ قحطان محمد بن هادي

ياتركي بن حميد وش ذا البعيري ...........ماتجلبونه كان تبغون الارباح
لاعاد له خف وجناح يطيري .............انا اذكر الله كيف راعيه ماطاح
ياربعنا ياكبر كذب الاميري .........اقول ذا كذب على الناس فضاح
كيف النعامه نوخت للبعيري ..........وياحلو كذب مرويه علط الارماح

تحياتي لك اختك
شموخ