السلام عليكم...
صبحكم ومسيكم بالخير
سامحوني على الزلات
[poet font="Simplified Arabic,4,black,normal,normal" bkcolor="transparent" bkimage="backgrounds/6.gif" border="none,4,gray" type=0 line=200% align=center use=ex length=0 char="" num="0,black" filter=""]
يامسندي مبغى قهوه صب شاهي=وعطني لذيذ القول خل النصيحه
ضاق الصدر يامسندي وأنت ساهي=من دنيتي وأيام عمري قبيحه
بي حرقةٍ بالصدر وأن قلت ماهي=كبدي لها عامين ماهي مريحه
دنياي من عهدٍ قديمٍ كماهي=مافرقت مابين نشمي ونطيحه
من ذا الزمن ذقت البلا والدواهي=والنفس من فرقى الحبايب جريحه
لي صاحبٍ من زود زينه يباهي=زينٍ مع زينه تفيض القريحه
قفى مع خدٍ جميلٍ وزاهي=وخلا قلوب الحب بعده ذبيحه
يابنت يلي تحسبينه ملاهي=ترى الهوى لابن القبايل فضيحه
ويالغاليه هذي أختصار الدواهي=شيخٍ هداك القلب وأنتي شحيحه
[/poet]
أحمد بن مبارك
شرق الجزيره
رد مع اقتباس
مشرف مضيف الترحيب والتعارف
المفضلات